أمهات كتير بتفتكر إن شغلها والكارير بتاعها وأحلامها بتقف بعد لما تبدأ رحلة الأمومة ولكن في الحقيقة إن العكس بيحصل في مشاريع ناجحة ومربحة بتبقى معظم أصحابها أمهات بدأوا مشاريعهم بعد لما بقى معاهم ولاد وقدروا يوفقوا ظروفهم وشغلهم في مشاريع استثنائية. لو إنتي أم ومحبطة من مديرك، ظروفك شغلك الصعبة، مش قادرة توفقي بين بيتك وشغلك وحاسة إنك عايزة تبدأي شغل ومشروع خاص بيكي بس خايفة من فرص النجاح، اقري الموضوع ده هنقولك على مشاريع ملهمة أصحابها أمهات.
مشروع The Cloud by Rahet Bally
مشروع The Cloud هو حلم كل أم واتجمع في مكان واحد وواحد من المشاريع الناجحة، مؤسسته هي نادية جمال الدين وفكرت إزاي تقدر تبسط كل الأمهات وتخلي بالهم مرتاح. عملت أول تدريب للأمهات بعد الولادة لانقاص الوزن وكمان تقدري تسيبي ولادك مع البيبي سيتر ببلاش. فيه مكان كمان لرياضة الكيك بوكس عشان تفرغي طاقتك وكمان دروس رقص ومكان تاكلي وتشربي فيه ده غير الصالون اللي لو حابة تدلعي نفسك وتقصي شعرك أو تعمل باديكير ومانيكير فيه. لازم تروحي The Cloud علشان تدلعي وتنبسطي وكمان تجيبي ولادك هناك وممكن تعرفي أكتر عن المكان من هنا
مشروع Parenting Recipe
رنا هاني هي أم لطفلين ودكتورة سنان قررت إنها تخلي رحلة الأمومة الخاصة بيها مميزة وتفيد باقي الأمهات، اخدت كورسات كتير ودرست تاني وبقت أخصائي صحة نفسية وتربية إيجابية وكمان بتدي كورسات للأمهات وكورسات توعية للأطفال عن التحرش الجسدي، تقدري تعرفي تفاصيل أكتر عن الكورسات وتستفيدي من صفحتها من هنا.
مشروع Le Voile
سارة هشام هي أم وصاحبة مشروع Le Voile من أفضل ماركات اشاربات المحجبات وكمان بأسعار مناسبة، توسعت في فكرتها وبقى ليها أكتر من فرع في أنحاء الجمهورية وكمان دخلت منتجات جديدة زي البونيه والكيمونو والبوركيني وتقدري تاخدي فكرة عن المشروع من هنا
مشروع Taj Sisters
صاحبة البراند ميسر تاج الدين أم فكرت إنها تعمل براند للبس المحتشم اللي المحجبات في معظم الأوقات مش بتلاقيه متوفر في المحلات، تقدري تاخدي فكرة عن المشروع من هنا
مشروع تطبيق صحة طفلي
تطبيق مجاني طورته الدكتورة نهى مجدي من أمهات جروب راحة بالي، التطبيق تقدري تنزليه على الموبايل عشان تتابعي صحة الأطفال من سن يوم وحتى خمس سنوات وكمان فيه خدمات زي التطعيمات وجدول النمو. تقدري تعرفي تفاصيل أكتر عن التطبيق من هنا
نادية سليمان .. فنانة تتحدى آلام الفيبروماليجيا بفنها
مشروع Easy Organizer
حلم كل أم هو بيت مترتب ومفيهوش كركبة ودكتورة علياء قدرت تحقق المعادلة الصعبة دي بمشروعها الناجح، دكتورة علياء محمد وفرت منظمات بجميع الأشكال والألوان للملابس والملايات وكل حاجة في البيت بخامات مصرية وأشكالها جميلة وتقدري تعرفي تفاصيل أكتر عن المشروع من هنا.
مشروع Seasons Mix
سارة محمود من أمهات جروب راحة بالي الجمال واللي بتحب الأكل الصحي والسلطات قررت تعمل خلطات التوابل السحرية الخاصة بيها لمشروع علشان تفيد بيه كل الأمهات، تقدري تعرفي تفاصيل أكتر عن المشروع من هنا
مشروع Cookery Hub
الشيف منار هشام قررت إنها تنقل خبراتها وتشارك كل الأمهات بمشروعها Cookery Hub اللي بيوفرك كورسات للطبخ الشرقي والعالمي والحلويات، تقدري تعرفي تفاصيل أكتر عن المكان من هنا
ياسمين نور الدين: “جروب الماميز” برنامج بيوصل أصوات الأمهات للمسؤولين
مشروع Dara’s Ice Cream
دارا غوشة بتحب الأيس كريم وعشقها ليه ألهمها إنها تفتح محل للأيس كريم في فروع كتير في القاهرة والساحل كمان، تقدري تعرفي تفاصيل أكتر من هنا
مشروع Bybike
نهى بدأت حلمها هي وزوجها بأول عربية بطاطا في 2016 وكبروا حلمهم واحدة واحدة وبقوا يعملوا كاترينج كمان في أشهر المناسبات، تقدري تعرفي تفاصيل أكتر عن المشروع من هنا
هنا ممكن شوفي 10 أفلام ملهمة لكل أم
التعليق باستخدام حساب فيس بوك