مع دخول الصيف بتبدأ معاناة أصحاب البشرة الدهنية، هي فعلًا بتكون معاناة مستمرة طول فترات النهار. وفي الأيام اللي الرطوبة فيها بترتفع، اللي بيحصل إن البشرة بتكون مفرطة في إنتاج الزيوت اللي بتظهر على سطح البشرة. ودي بدورها مع الحر والأتربة بتسد المسام، وبتكون بيئة خصبة جدًا لظهور حب الشباب والرؤوس السوداء. علشان كده، صاحبات البشرة الدهنية في الصيف بيحتاجوا أكتر من غيرهم نوع عناية خاص لهم وبشكل يومي، علشان يقدروا يعدوا الفترة دي بشكل بشرة منتعش وخالي من الحبوب والمظهر اللامع. علشان كده، احنا جمعنا لك شوية حيل بسيطة، هتحتاجي تتبعيها يوميًا وهتفرق في مظهرك جدًا خلال الصيف.
إللي جربوا قالوا: منتجات بشرة وشعر أقل من 50 جنيه بس نينجا
حيل للتخلص من مشاكل البشرة في الصيف
التنظيف المزدوج
من الحاجات اللي بتحتاج ليها البشرة الدهنية في الصيف هو التنضيف العميق اليومي، وهي دون عن أنواع البشرة التانية بتحتاج تقشير يومي علشان تقدري تتحكمي في كمية الدهون اللي بتفرزها البشرة. علشان كده، هتحتاجي إنك يوميًا تستخدمي مقشر مناسب للبشرة الدهنية ومعاه منظف عميق. الخطوة الأولى هتساعدك على التخلص من الجلد الميت، والخطوة التانية هتساعدك على الترطيب.
فوائد جلسة النتوياج في تنظيف البشرة العميق
التونر
يعتبر التونر من أفضل طرق الحفاظ على ترطيب البشرة خلال اليوم، وبيساعد على إزالة الأتربة والدهون من على سطح البشرة وبيسمح لها بالتنفس، هتحتاجي تعملي خطوة لتونر دي على الأقل مرتين خلال اليوم.
دليل التقشير الكيميائي للبشرة .. وأفضل منتجات التقشير في المنزل
واقي الشمس
ده تعتبريه من أساسيات حياتك، صيف شتا، سواء خرجتي أو قعدتي في البيت، ومهما كان نوع بشرتك، بس فيما يخص البشرة الدهنية إختاري واقي الشمس الكريم مش اللوشن، اختاري دايمًا نوع يناسب نوع بشرتك. ولو هتخرجي بره البيت، احرصي على تطبيقه على بشرتك كل ساعتين.
أهم 5 نصائح لتجنب ضربة الشمس في فصل الصيف
الماسك المزدوج أو Multi-masking
لأن كمية الدهون اللي بتخرج من البشرة مش كلها بتخرج بنفس الكمية، وإن منطقة الـT-Zone اللي هي الجبين والأنف والذقن بيفرزوا دهون أعلى من باقي مناطق البشرة، فإنتي هتحتاجي تتعلمي تقنية الماسك المزدوج، يعني بينصح إني تحطي ماسك الطين الأخضر في T-Zone، وماسك مرطب على منطقة الخد، ساعتها بشرتك هتحصل على أفضل عناية ليها.
3 ماسكات للبشرة الدهنية لتفتيح البشرة والتخلص من الإفرازات
اختاري المكياج الصح
لأن بشرتك دهنية فهي بتفرض عليكي اختيار نوعيات معينة من المكياج، زي مثلًا إنك تستخدمي كريم أساس مط، هيتناسب جدًا مع نوعية بشرتك. وفي نفس الوقت هيديكي مظهر مضبوط، ممكن تستخدمي الloose powder اللي تعتبر من أفضل الخيارات المتاحة لصاحبات البشرة الدهنية.
طريقة وضع مكياج خفيف للمحجبات بدون كريم أساس
شرب المياه
احرصي دايما إنك ترطبي جسمك من خلال شرب كميات المياه المناسبة ليكي حسب وزنك. المياه هي اللي هتساعد جسمك على التعامل بشكل أفضل مع حرارة الصيف، فعنايتك ببشرتك مش روتين يومي بس، لكن كمان روتين غذائي.
فوائد سيروم الهايالورونيك أسيد للبشرة وأفضل الأنواع بالأسعار
تقدري تقولي إن دي أشهر وأفضل الحيل اللي تقدري بيها تتخلصي من مشاكل البشرة الدهنية خلال الصيف، ولو إنتي عندك حيل تانية شاركيها معانا في الكومنتات.
دليل العناية بالبشرة الدهنية في الشتاء
التعليق باستخدام حساب فيس بوك