بعض الأمهات بتلاحظ إن واحد من الثديين أثناء الرضاعة الطبيعية بيفرز لبن أكتر من التاني. وبعض الأمهات بتلاقي إن الرضيع بيفضّل ثدي عن التاني. في الحالتين، الرضاعة من ثدي واحد طبيعية ومفيش داعي للقلق. لكن تعالي نشوف ليه ده بيحصل وازاي نحلّه.
أسباب الرضاعة من ثدي واحد
- ممكن تكوني اتعرضتي لجراحة في واحد من الثديين وده خلى الغدد اللي فيه ما تفرزش زي التاني.
- التهابات الحلمة المتكررة في أحد الثديين. شوفي من هنا نصائح للتخلص من آلام الرضاعة الطبيعية.
- كل ما الطفل يرضع من ثدي، كل ما الثدي ده هيفرز لبن أكتر، وعشان كده، الطفل بيروح له. والعكس بالعكس، لما الطفل مش بيرضع من ثدي، الثدي ده بيقلل إفراز اللبن لحد ما يبطل خالص.
- لو فضلتي فترة دراع من الاتنين أو رجل من الاتنين تاعباكي فانتي بتشيلي رضيعك دايمًا على الناحية التانية، بيتعود الطفل إنه يرضع من الناحية دي.
ما تنسيش الفحص الذاتي كل دورة شهرية
حلول الرضاعة الطبيعية من ثدي واحد
بالرغم من إنها مش مشكلة كبيرة زي ما قلنا، إلا إن أمهات كتير بتفضّل إن الرضيع يرضع من الثديين عشان اكتمال الفايدة، وكمان عشان شكل الثديين ما يكونش فيه اختلاف كبير نتيجة كبر واحد وصغر التاني نسبيًا بسبب اللبن. والحل هنا بيكون:
- تعويد الرضيع على الرضاعة من الثديين حتى لو مش هيشبع قوي من الثدي اللي مش مفضل عنده.
- علاج التهابات الحلمة، لو فيه جانب من الاتنين في حالة التهابات مستمرة.
- كل رضعة من ثدي: لو ما عرفتيش في الرضعة الواحدة تبدلّي بين الثديين، ممكن تبدلّي بين الرضعات وبعضها.
- زوري طبيبك: قبل كل النصايح دي وبعدها، بنفكرك دايمًا تروحي لطبيبك عشان هو المتابع لحالتك وهو أدرى حد بطريقة مساعدتك الأفضل.
اعرفي من هنا أماكن بيع حمالات الصدر للرضاعة الطبيعية
لو طفلك بدأ عامه التاني وقررتي تفطميه، لازم تقري عن الفطام أكتر في المقالة دي، وتقري عن طرق تجفيف اللبن من الثدي في المقالة دي. وبنتمنى لك دوام الصحة انتي ورضيعك.
مصدر المعلومات في المقال
Breastfeeding Association
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك