محتويات المقال
الضوافر مش بس عشان ناخد بالنا منها ونخليها تبان جميلة ونحط عليها مناكير ونطولها. الضوافر كمان مراية من مرايات الجسم إنه يشرح لنا مشكلة تعباه. في المقال ده هاقول لك علامات لو ظهرت على ضوافرك، خدي بالك عشان جسمك بيقول لك حاجة، زي مشاكل صحية الأظافر بتقول لك عليها.
الأظافر البيضاء
أظافر بيضاء
فيه أكتر من سبب لبياض الأظافر منهم أسباب بسيطة جدًا. لكن المشكلة بتكون لما الضفر بيكون أبيض وفيه هلال فوق قبل آخر الضفر. هنا بتكون حالة الضوافر اسمها Terry’s nails أو أظافر تيري، ودي علامة على مشكلة صحية.
- تليف الكبد
- الفشل الكلوي
- قصور القلب الاحتقاني
رغم إن الكلام يخوف، بس الحالة دي ممكن تظهر مع التقدم في العمر عادي. عشان كده بننصحك بزيارة الطبيب وتفقد حالتك الصحية.
5 نصائح للتخلص من عادة قرقضة (قضم الأظافر)
الأظافر الصفراء
الأظافر الصفراء
واحد من أكتر أسباب الأظافر الصفرا هو الفطريات. وكل ما العدوى الفطرية بتزيد، كل ما اللحم حوالين الضفر هينحصر والضفر نفسه هيبقى سميك. في حالات نادرة، ممكن تكون الضوافر الصفرا علامة على حالات صحية أخطر زي مرض شديد في الغدة الدرقية أو مشكلة في الرئة أو الإصابة بمرض السكري.
لو عايزة تفاصيل أكتر، اقري الموضوع ده: أسباب اصفرار الأظافر وإزاي نعالجه
أظافر مزرقة
الأظافر الزرقاء
ساعات لما بنسقع، ضوافرنا أو صوابعنا كمان بتزرق بس لو ده طوّل، معناه بيكون مش حلو أبدًا. الأظافر لما بتتحول للون الأزرق ده معناه إن الجسم مش واصل له أكسجين كفاية. وده ممكن يكون معناه مشكلة في الرئة أو مشكلة في القلب.
بالفيديو: 5 منتجات مبتكرة لمحبي العناية بالأظافر
الأظافر المتموجة
الأظافر المتموجة
لو سطح الأظافر مموج أو فيه نقط كإنها حفر صغيرة زي الصورة دي، تكون الأظافر بتقول لنا مشكلة كبيرة. الأظافر في الحالة دي ممكن تكون علامة على الصدفية أو التهاب المفاصل.
بالفيديو: أسهل طريقة لإزالة الجلد الميت حول الأظافر
الأظافر المتكسرة أو الطبقات
أظافر متقشرة – متكسرة
الضوافر لو شكلها عامل كده، ولو ده بيتكرر أو دائم، تكون دي علامة على مشاكل في الغدة الدرقية. لو المشكلة مصاحبة باصفرار في اللون، يبقى فيه عدوى فطرية.
٩ نصائح سريعة للعناية بالأظافر
مصدر ساعدنا في كتابة المقال
WebMD
التعليق باستخدام حساب فيس بوك