الناس اللي بتحاول تحافظ على نظام محترم للصحة والتغذية عادة بتقرأ مقالات كتير عن مشروبات حرق الدهون، وبتسمع عن مشروبات ممكن تنزل دهون مناطق معينة زي مشروبات حرق دهون البطن، لكن يبقى السؤال هل فعلًا فيه مشروب طبيعي لحرق الدهون ولا لأ؟ في الواقع، أيوة، في مشروبات بتساعد على التخسيس وخسارة الوزن لو تم المواظبة عليها، والنتيجة بتكون قوية في حالة الالتزام بنظام غذائي سعراته قليلة مع ممارسة الرياضة.
يعني إيه مشروب طبيعي لحرق الدهون وبيخسس؟
المشروب اللي بيخسس هو المشروب اللي بيعزز من عملية التمثيل الغذائي، وبالتالي بيعزز الشبع، ويقلل الجوع، وطبعًا مفيش أفضل من كده عشان يتم تحفيز الجسم على فقدان الوزن، بصحة وبدون معاناة أو شعور بالجوع والحرمان. شوفي كمان: 5 مشروبات سهلة هتساعدك على حرق الدهون بسرعة
الشاي الأخضر لحرق الدهون
يعتبر الشاي الأخضر في مقدمة المشروبات اللي دايمًا بيتم الربط بينها وبين الصحة، لكن المفاجأة إنه وبالدراسات يعتبر واحد من أهم المشروبات اللي بتساهم في إنقاذ الوزن.
الشاي الأخضر مش بس مليان بمضادات الأكسدة والعناصر الغذائية القوية، لكن كمان ثبت بالدراسات إنه بيقلل من الوزن عن طريق حرق الدهون، الكلام ده مثبت من خلال 14 دراسة أكدوا إنه شرب الشاي الأخضر عالي التركيز لمدة 12 أسبوع بيساعد الجسم إنه يفقد من 0.2 لـ 3.5 كيلو بالمقارنة بالناس اللي ما شربتش الشاي الأخضر في نفس الفترة، يعني بنتكلم عن 0.29 جرام في الأسبوع بدون أي مجهود، وده يعتبر حرق للدهون على المدى الطويل ودي واحدة من أعظم الأهداف للناس اللي بتحاول تتبع نظام حياة صحي، وبتحاول تختار المشروبات والأكلات اللي هتصاحبها في الرحلة دي.
من مميزات الشاي الأخضر كمان إنه بيحتوي على الكافيين، واللي بيزود التركيز ومستويات الطاقة في الجسم، ومن هنا بيتحسن الآداء الرياضي، وبتعلى مستويات الطاقة والأداء عمومًا.
هل كل أنواع الشاي الأخضر تنفع للتخسيس؟
الشاي الأخضر في العموم مفيد، لكن الدراسات المذكورة بتقول إن الشاي الأخضر عالي التركيز واللي بيحتوي على كميات كبير من مادة الكاتيكين ومضادات الأكسد بتزود من حرق الدهون وبتعزز من عملية التمثيل الغذائي.
من أنواع الشاي الأخضر المذكورة هو شاي الماتشا لأنه بيحتوي على كمية أكبر من الكاتيكين من الشاي الأخضر العادي، لذلك هو اختيار موفق جدا للناس اللي بتحاول تخسر وزن.
اقري كمان: شاي الماتشا: التريند الجديد في عالم الشاي
كم الدهون المتوقع حرقها
في واحدة من الدراسات اللي اتعملت على علاقة الشاي الأخضر عالي التركيز (الماتشا) بحرق الدهون عند السيدات، الباحثين لاقوا إنه السيدات اللي شربوا حوالي 3 جرام يوميا من الماتشا كان حرق الدهون عندهم أكبر خلال التمرينات الرياضية مقارنة بالسيدات اللي مش بيشربوا الماتشا.
مميزات تانية للشاي الأخضر
الشاي الأخضر ليه مميزات تانية قوية جدا ومشجعة على شربه بانتظام كبديل عن الشاي العادي، زي إنه بيقلل من ارتفاع ضغط الدم وبيقلل كمان من مخاطر الإصابة بالسرطان وأمراض القلب والسكر، عموما هو اختيار ممتاز لو بتحاولي تختاري صحتك وجودة عالية لحياتك.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك