الخياطة مجال عمل ابتكاري، وبيعتمد بشكل أساسي على الملكات الفنية اللي بتتمتع بيها صاحبة المشروع، يعني ده مجال عمل لازم لو دخلتيه تكوني فعلًا بتحبيه وعندك قدرة على الابتكار وكمان علشان يكون مشروع خياطة ناجح ومربح، فمهم جدًا إنك تخرجي منتج متميز علشان تقدري توصلي للنجاح اللي بتتمنيه مع العملاء بتوعك، ده بجانب إنك هتلاقي بالشكل ده مشروعك بيكبر لوحده من غير أي مجهود.
لازم تعرفي إن أهم ما يحتاجه مشروع الخياطة علشان ينجح ويكون مربح ليكي، إن يكون عندك خبرة بالتفصيل والتطريز، وعلى فكرة تقدري تبتدي من غير خبرة وتكتسبيها بشكل تدريجي مع الوقت، خصوصًا دلوقتي كمية القنوات اللي على اليوتيوب لوحده بقت كتيرة جدًا وبيعلموا فعلًا بطريقة سهلة وبسيطة بشكل بنقع يشجعك على بدأ مشروعك.
لو بتفكري في مشاريع تانية ممكن تشوفي هنا أفكار مشاريع صغيرة مربحة وناجحة من البيت
وعلشان تبتدي مشروع خياطة ناجح فيه مجموعة من الأمور لازم تعرفيها وما ينفعش تستغني عنها، زي مثلًا: الأدوات المطلوبة، أسعارها، أفضل ماكينات الخياطة المفضل استخدمها، انواع الأقمشة الجيدة وأنهي فيهم أفضل، هتشتري الأقمشة دي منين، هتقرري إن العميل هو اللي يجيب القماش وإنتي تفصلي ولا هتتولي مهمة شراء الأقمشة والتفصيل مع بعض، مجموعة أمور حقيقة مهمة علشان تقدري تبتدي بنجاح.
هقسم لك المقال لعدة نقاط ، أولها الأدوات اللي هتحتاجيها، والمتطلبات اللي محتاجها المشروع، وإزاي تنوعي في إنتاجك، وفي الأخر هنتكلم إزاي تتوسعي في مشروعك من البيت.
أهم أدوات مشروع الخياطة من البيت
- ماكينة الخياطة: الخبراء بيقولوا إن المكن اليباني أفضل وإن أفضل الماركات سينجر وبرازر.
- ماكينة عراوي: علشان تقدري تعملي عراوي الزرايز بشكل مضبوط وصحيح.
- خيوط: بكل الألوان وحرصي إنها تكون من النوع المتين.
- إبر: بكل الأحجام، لان لكل حجم وظيفة معينة.
- مقصات: اختاريها تكون حديد علشان تكون متينة وسهل استخدمها وبأحجام مختلفة برضه.
- دولاب: تعلقي فيه شغلك بعد ما تخلصيه، وترتبي فيه أدواتك.
- شماعات
- مازورة
- ورق مقوى: أو ورق رسم علشان تعرفي ترسمي عليه الموديل بتاعك.
- كراسة: علشان تسجلي فيها بيانات العملاء أو تقدري تعملي شيت إكسيل على الكمبيوتر لو أسهل لك.
- مانيكان: هاتي إتنين مثلا بأحجام مختلفة علشان تعرضي عليها تصميمك.
- مرايا طولية: علشان العميلة تعرف تشوف نفسها لما تجرب التصميم.
- مكواة بخار: علشان تكوي بيها التصميم بعد ما يخلص لأن المكواة هي اللي بتبين النتيجة النهائية لشغلك.
هنا ممكن تعرفي ازاي تبتدي مشروع أكل من البيت خطوة بخطوة
خطوات مشروع خياطة ناجح ومربح
- أول حاجة لازم تتعلمي أسرار الخيطة لإحترافية، وده بجي عن طريق التدريب وعن طريق الدراسة سواء أخدتيها بشكل جامعي أو كورسات خارجية، ده غير طبعا متابعة قنوات الخياطة المتوفرة على السوشيال ميديا، إبدائي الأوال في دايرتك الضيقة لحد ما تحسي إنك متمكنة وبعد كدة انطلقي للجمهور.
- اختاري مكان مناسب في بيتك، صممي مكتب صغير بيتكون من طرابيوة وكرسي، تقدري تنظيمي أدواتك عليه.
- حافظي على نظافة المكان وخصوصا الطرابيزة، ممنوع نهائي يكون فيه أي أثار زيتية أو بواقي أكل.
- وفري مصدر إضاءة قوي في المكان، ديكور مريح للعملاء لما يشوفوه، ومريح في فترة قاعدتهم معاكي في المكان .
- قبل ما تبتدي المشروع فعليا هتحتاجي تدرسي المشروع بشكل كلي، علشان تقدري تفهمي الجوانب الإيجالية والسلبية فيه، حجم المخاطر وسقف الأرباح، وحجم تكلفة التصنيع وإزاي تحسبي قيمة مجهودك وتضيفيها لسعر المنتج بتاعك.
- نوع القماش بيفرق في شكل التصميم علشان كدة من المهم جدا إنك دايما تختاري أفضل أنواع القماش على حسب طبعا نوع التصميم علشان يطلع المنتج بتاعك ممتاز.
كيفية تسويق التصميمات والملابس وتأسيس قاعدة عملاء قوية
- التسويق يعتبر من أهم نقاط نجاح أي مشروع في الدنيا، أي إنتاج ممتاز من غير تسويق صح هيتحول لخسارة فادحة بصاحب المشروع.
- وأحسن حاجة الأيام دي هو توفر التكنولوجيا وخصوصا السوشيال ميديا اللي تعتبر منبر مهم جدا للتسويق وخلق قاعدة كبيرة من العملاء.
- تقدري تصممي صفحة خاصة بيكي على الفيسبوك وتعملي invite لكل أصحابك وقرايبك وهما نفسهم يعملوا كدة مع أصحابهم وقرايبهم ومع الوقت هتلاقي عندك قاعدة عريضة من العملاء.
- التصوير من العناصر المهمة لإبراز المنتج بتاعك، هتلاقي نفسك محتاجة كاميرا حلوة مع إضاءة قوية ومناسبة مع ديكون هادي وشيك علشان الصور مهمة جدا في المجال ده، تقدري تستعيني بكاميرا موبيل قوية لو الكاميرا العادية هتكون مكلفة ليكي.
- كوني قاعدة جماهيرية كبيرة من الأصدقاء، ابعتي التفاصيل الخاصة بالمشروع بتاعك بالصور بشكل مستمر من خلال الإنترنت أو حتى جروب على الواتسآب .
- المعملة الشيك مهمة جدا في المجال ده، وقدرتك على مناقشة التصميم مع العميلة وإنك تقترحي عليها تصميمات تناسبها أكتر هيساعدك على التقدم أكتر وأكتر في شغلك.
طريقة التوسع في مشروع خياطة من المنزل
- بعد ما تقدري من إثبات نفسك في مجال الخياطة، لازم تطوري خطتك اللي جاية زي مثلا إنك تعملي تصميمات خاصة بيكي إنتي زي مثلا : الإيشارب، الطرح، السكارف، التربون،حتى ممكن أغطية الأنتريهات، الصالون، الركنات واللي على فكرة هتنبسط منها أوي السيدات اللي عندهم اطفال صغيرة .
- وممكن تعملي تصميمات لشنط جديدة سواء قماش قطن تقيل أو ووتربروف للإستخدمات المختلفة وتوزعيها على المحلات البيع للأدوات المنزلية ومعاها كارت خاص بيكي علشان لما يحبوا يتواصلوا معاكي ويطلبوا دفعة جديدة من شغلك.
- وما تنسيش تخصيص مساحة منعزلة في بيتك لشغلك علشان تكون الأدوات دي كلها بعيدة عن التلف وايدي الأطفال.
مجال العمل في الخياطة مش بيقتصر على الملابس بس، زي ما قولت لك هو مجال إبتكاري، وممكن تلاقي نفسك بتشتغلي في السنط، أو المفارش أو أي مجال بيحتاج خيط وإبرة، فكري كويس في المشروع، وشوفي إنتي بتميلي لأنهي جانب، ومتخافيش وغنطلقي وإدي لنفسك دايما فرصة تجربي وتخوضي في مجالات جديدة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
1 comment
شكرا للتحفيز