أي زن أو قريفة بتحصل للبيبي، على طول بنقول: يمكن بيسنن، والحقيقة إن التسنين عند الأطفال بيعمل تغييرات في صحة الطفل وفي مزاجه، بس محتاجة تعرفي معدل نمو أسنان الأطفال وظهروها في السنة الأولى، علشان تفرقي ما بين أعراض التسنين عند الطفل وما بين أي متاعب تانية، وكمان علشان تعرفي هل نمو أسنان طفلك في المعدل الطبيعي ولا محتاجة تستشيري طبيب
-
إمتى بيبدأ ظهور ونمو الأسنان عند الأطفال؟
بيبدأ معظم الأطفال التسنين بين عمر 6 شهور لحد سنة، ومع كده بتحصل اختلافات من طفل للتاني، وممكن توصل لإن الطفل ما تظهرلوش أي أسنان لحد ما يتم سنة، لكن في الغالب بيظهر أو سن في عمر الـ 6 شهور، وبتكتمل معظم الأسنان في عمر الـ 3 سنين.
-
إيه هي الأسنان اللبنية؟
هي أول أسنان بتبدأ في الظهور، وبتتسمى برضه “البدائية” وبيكون لونها أبيض أكتر من الأسنان الدائمة وممكن يميل لونها للشفافية، وللأسف بتكون أكتر عرضة للتسوس والتلف، وهي بتستمر مع الطفل من عمر سنة لحد 6 سنوات.
-
إيه هو ترتيب ظهور الأسنان اللبنية؟
بتبدأ تظهر الأسنان عند الأطفال بالترتيب ده:
- الأسنان السفلية قبل الأسنان العلوية.
- القواطع المركزية.
- القواطع الجانبية.
- الضروس الأولى.
- الأنياب.
- الضروس الثانية.
القواطع المركزية عند الأطفال
-
إمتى يكون الطفل متأخر في التسنين؟
لما يوصل لـ 18 شهر (سنة ونص) ولسا مفيش أي أسنان ظهرت في لثته.
-
إزاي أحافظ على صحة أسنان طفلي؟
- الحفاظ على نظافة فم الطفل عن طريق مسح اللثة بقطعة قماش لينة ونضيفة.
- بمجرد رؤية الأسنان الأولى، لازم تنظيفها باستخدام فرشاة أسنان ناعمة ومقدار حبة الرز من معجون الأسنان بالفلورايد.
- ما تسيبيش الببرونة أو الكوباية كتير في فم الطفل.
- حاولي تفطمي طفلك من الببرونة أول لما يتم سنة.
- التقليل من الأكل اللي بيحتوي على نسبة سكريات.
- ممنوع الطفل يشرب عصير قبل سن 6 شهور، وبعدها لما تقدمي لطفلك العصير قدميه طبيعي بدون سكر.
- لا يجب ترك الرضاعة أو الكوب في فم الرضيع ليشرب منها لمدة طويلة.
- تعليم الطفل بشرب من كوب عادي في أقرب وقت ممكن، ويفضل أن يكون بعمر 12 إلى 15 شهرًا.
- ينصح بزيارة طبيب الأسنان لفحص أسنان الرضيع قبل عمر عام.
هل البيبي درينك (أعشاب الأطفال) مفيدة للطفل الرضيع؟
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك