معظم الأمهات بيكونوا مجهزين قائمة بالكتب اللي محتاجين يشتروها لنفسهم من معرض الكتاب، وكل أم واهتمامتها، اللي بتحب الطبخ فهتشتري كتب وصفات أكل أو قصص عن الأطعمة من بلاد مختلفة، واللي بتحب تتسلى بالروايات، واللي محتاجة كتب معينة في مجال شغلها، بس لما بتفكر تجيب إيه لأولادها بتلاقي نفسها مش عارفة تختار لأن أطفالها اهتماماتهم مش محددة زي الأم والبالغين.
علشان كده راحة بالي هتقولك تشتري كتب إيه لأولادك من معرض الكتاب 2020
لو معندكيش وقت كتير للمشي في المعرض، بننصحك تروحي على صالة 3 مباشرةً لأن فيها أكبر تجمع لدور النشر المختصة بأدب الأطفال وألعابهم وأدواتهم التعليمية، صالة 1 وصالة 2 فيهم دور نشر لكتب الأطفال بس مش بنفس كثافة صالة 3، ولو معاكي وقت تقدري تتفرجي في صالة 1 و 2 بعدها.
حددي من قبل ما تروحي معرض الكتاب إنتي محتاجة إيه لطفلك، هل كتب بس؟ ولا لو لقيتي أدوات مناسبة كمان معندكيش مانع؟
تقدري تقرأي مقال إزاي اختار تختاري الكتب المناسبة لطفلك هيفيدك قبل زيارتك للمعرض.
أهم دور النشر المتخصصة في أدب الأطفال:
عالية: صالة ٣ D47 وده لينك صفحتهم على فيسبوك
المصدر: راحة بالي
كتب أطفال من معرض الكتاب 2020
من دور النشر اللي بتقدم إصدارات مميزة كيفًا وكمًا، ومن الكتب المميزة عندهم:
أنا أستحق الحب:
كتاب من تأليف ورسومات الطفل آدم باشا بالتعاون مع والدته مروة رخا.. آدم بيقولنا إنه من حق كل طفل إنه يتحب بدون شروط.
مصدر الصورة: راحة بالي
غلاف كتاب أنا أستحق الحب، معرض الكتاب 2020
حركة ومد:
لمن يريد أن يعرف حكايات عن كلمات قصيرة فليتعرف على سلسلة حركة ومد، المستوى الأحمر لبداية الانطلاق في القراءة.
مصدر الصورة: راحة بالي
كتب أطفال من معرض الكتاب 2020
وتقدري تتعرفي على بقية إصدارات الدار من اللينك ده
دار البلسم: صالة 3، D59 وده لينك صفحتهم
من دور النشر المشهورة بإصداراتها الرائعة للأطفال واليافعين وبتتنوع الكتب بين الاهتمامات المختلفة زي الفضاء وعلم الحيوان والأخلاق وغيرهم.
من أهم إصدارتها:
ملف الاستكشاف
ودي فكرة السلسلة كما هو مدوّن على غلافها الخلفي:
ما السر وراء أهمية البترول؟
وكيف تنمو الفاكهة والخضروات والحبوب؟
من أين يأتي السمك وماء الصنبور؟
فلماذا نقطع الأشجار؟ وما مراحل صناعة الكتاب؟
هذا ما سنعرفه مع سلسلة “ملف الاستكشاف ” سلسلة علمية شيقة مطعمة برسوم وصور وشخصيات كرتونية.
مصدر الصورة: راحة بالي
كتب أطفال من معرض الكتاب 2020
My School: صالة 3 جناح D57 ولينك صفحتهم
من الشركات المتميزة والشاملة في ادوات ولعب الأطفال، هتلاقي عندهم أدوات تعليمية تناسب مختلف الأعمار والمناهج.
بتتميز بالخامات الراقية والتميمات الجذابة للأطفال، وكمان بتقدم خدمة بيع أثاث الأطفال وألعابهم الكبيرة زي المطابخ الخشبية، تقدري تشوفيهم في كتالوجات وتتعاقدي عليهم بسعر المعرض وتستلميهم في بيتك.
مصدر الصورة: راحة بالي
كتب أطفال
دار نهضة مصر: صالة 1 – الجناح B43 ( الجناح الرئيسي) وده لينك صفحتهم على فيسبوك
صالة 2- جناح رقم A47 و جناح A43 (جناح العروض المخفضة)
صالة 3-جناح رقم D71
من أكتر الكتب المفيدة الللي اتقدري تشتريها من نهضة مصر هي:
سلسلة ناشونال جيوجرافيك للأطفال
مصدر الصورة : راحة بالي
مجلة ناشيونال جيوجرافيك
وهتلاقي إصدارات تانية كتير هتعجب أولادك زي ديزني والأطلس وكتب التلوين وكتب متخصصة في كل المجالات للأطفال.
80 فكرة: صالة 1 جناح A47 داخل دار الصقر ودي صفحتهم
أول منظومة تعليمية تعمل علي تربية أطفال عباقرة عقلهم يسبق عمرهم لديهم القدرة علي تحقيق انجازات عظيمة في سن صغير.
وهنا قائمة منتجاتهم
دي كانت أهم دور النشر اللي تقدري تستفيدي منها وتشتري لأولادك كتب وأدوات مفيدة، وفي غيرها كتير جدًا في معرض الكتاب، وكل دار نشر عنده إصدار مميز، بس إنتِ أكتر حد يقدر يحدد احتياجات أولادك، إحنا بس كتبنالك الإطار العام.. انطلقي.
التعليق باستخدام حساب فيس بوك