اكتشاف الجوانب الخفية من الشخصية اللي قدامك تقدري توصلي لها عن طريق صفات برج الشخصية دي، تقريبًا كل واحدة فينا بتفكر إيه هو مفتاح شريك حياتها علشان تقدر تتعامل معاه بشكل صحيح وبعيد عن الاختلافات والخلافات، وده بينطبق على الـ12 برج. إنك تفهمي وتعرفي مفتاح كل برج وازاي بيحب وإيه هي الطريقة الأمثل للتعامل من أنجح الطريق لتطوير العلاقة، بس لازم تعرفي إن مفتاح كل برج مش معناه التوافق مع برجك، مفتاح قلب الرجل حسب برجه طريقة لمعرفة التواصل الصحيح بيكون ازاي، فتعالي نعرف الأبراج هتقول لنا إيه.
مفتاح قلب الرجل على حسب برجه
مفتاح قلب رجل برج الحمل
يعتبر برج الحمل من أكتر الأبراج اللي بتتعامل بتلقائية، بيسامح بسرعة، لكن معروف إنه سريع الغضب جدًا وخصوصًا مع الناس القريبة منه واللي بيكون عارف إنهم عارفين طبعه. في الحب، هو إنسان محب ومخلص جدًا وكمان بيدافع عن حبه لحد آخر نفس. وعلشان بجد يكون معاكي مفتاح رجل برج الحمل، لازم تعرفي إنك محتاجة تعرفيه كل شوية كده ومن غير مناسبة قد إيه إنك بتحبيه ومعجبة بيه. عمومًا رجل برج الحمل طيب القلب ومحب لتقديم المساعدة، وكمان بيحب التجدد في الرومانسية. اتعاملي معاه دايمًا بشكل راقي وبسيط، وإظهِرِي دايمًا إنك قوية الشخصية وقلبك طيب في نفس الوقت، لأنه بيكره ضعف الشخصية جدًا، حسسيه دايما إنه حر والعلاقة ما بينكم مش قفص ليه.
الأبراج: مواصفات رجل برج الحمل بالتفصيل
مفتاح قلب الرجل برج الثور
برج الثور بيحكمه كوكب الزهرة المعروف عنه إنه برج الجمال والمال والحب. علشان كده، بيعتبر برج الثور من ألطف الأبراج في الحب والتعامل، وكمان معبر حلو جدًا عن مشاعره بطريقة جميلة وكلها شياكة. ودي حاجة بتخلي أي برج يوقع في حبه على طول، بيعجبه جدًا الجمال والرقة في التعامل والملمس الناعم، يعني بيحب تكون شريكة حياته أنيقة بشكل رقيق وناعم دايمًا. ولازم تعرفي إن رجل الثور عقلاني وعنيد في نفس الوقت. مش بيحب إن شريكة حياته تسيطر عليه، إدي له دايمًا مكانته وتعاملي معاه بهدوء وحب واهتمام وخليكي شيك دايمًا معاه لما تخرجوا.
الأبراج: مواصفات رجل برج الثور بالتفصيل
مفتاح قلب رجل برج الجوزاء
رجل برج الجوزاء عايز صديقة قبل الحبيبة، هو إنسان زكي وعقلاني وبيحب التفكير بشكل منطقي، اجتماعي جدًا وبيحب يلفت نظر الناس ليه. مفتاحه الشخصية القوية الواثقة في نفسها واللي ذكائها عالي وواضح في كل تصرفاتها. رجل برج الجوزاء معروف عنه إنه طيب وحنين، ومن الأبراج المعروف عنها الحيوية والشباب والمرح دايمًا، بيحب جدًا شريكة حياته تكون متجددة وبتحب السهر والخروج، خليكي دايمًا رقيقة ومتجددة في علاقتكم.
الأبراج : مواصفات رجل برج الجوزاء بالتفصيل
مفتاح قلب رجل برج السرطان
برج السرطان برج مائي ومن الأبراج اللي بتتميز بالحنية في التعامل، ومن الأبراج اللي بتاخد الخطوة الأولى في العلاقة العاطفية. رجل برج السرطان حساس وبيظهر الاهتمام والحب لشريكته، من عيوبه إن مزاجه متقلب وده أوقات بيخليه منغلق على نفسه ومش بيعبر عن اللي جواه، بس هو بيتوتي بيحب البيت والعيلة والاستقرار. رجل السرطان رجل بيعشق عائلته وبيحب الخروج معاهم. علشان كده، لازم تحترمي الجانب ده فيه وما تفكريش تخليه يختار بينك وبينهم لأنه دايمًا هيختارهم، عامليه برومانسية علشان تكسبيه، وابعدي عن الصرف الكتير لأنه من الأبراج الخريصة على فلوسها وبتحب تدخر.
الأبراج مواصفات رجل برج السرطان بالتفصيل
مفتاح قلب رجل برج الأسد
رجل برج الأسد يعني رجل صاحب شخصية قوية ونبيلة، شجاع وقائد في نفسه، عاشق إنه يكون محط أنظار الجميع، وده عن طريق شكله ومظهره وتصرفاته وشغله، مفتاحه الوحيد هو المديح. فضلي تقول الوقت تظهري إعجابك بكل صفاته الخارجية والداخلية، اعملي كده معاه وهو هينجذب ليكي بشكل لا تتخيليه. زي ما قلت لك، هو صاحب شخصية قوية ومرح وكريم، ابعدي تمامًا عن البخل في التعامل معاه سواءً على الجانب المادي أو المعنوي، وما تحاوليش تسيطري عليه.
الأبراج: مواصفات رجل برج الأسد بالتفصيل
مفتاح قلب رجل برج العذراء
رجل برج العذراء ذكي ولماح جدًا، دقيق فيشغله وتفاصيل حياته، بيحب يتبادل الاهتمام والحب مع شريكة حياته وبيكره الكذب لأقصى حد، مفتاحه هو الحب والإخلاص والثقة. رجل العذراء رجل شهم، اظهري له صدق مشاعرك ورومانسيتك وصبرك كمان، لأنه في العموم مش سهل الإرضاء على المستوى العاطفي وهتحتاجي تجربي حاجات كتير وتصبري لحد ما تحصلي على النتيجة اللي عايزاها.
الأبراج: صفات امرأة برج العذراء بالتفصيل
مفتاح قلب رجل برج الميزان
رجل برج الميزان في الأساس بيهتم بأناقته وشياكته ومنظم جدًا في حياته. علشان كده، بيجذب نظره كل ما هو جميل ومنظم، وهو ده مفتاحه الترتيب والرقي والأناقة والجمال. بس لازم تعرفي إن رجل برج الميزان من عيوبه إنه متقلب وطبعه بيتغير. علشان كده، لو عايزة تنجحي معاه لازم يكون عندك المرونة في تقبل تقلباته دي وتفضلي محسساه بالاهتمام على طول.
الأبراج: مواصفات رجل برج الميزان بالتفصيل
مفتاح قلب رجل العقرب
رغم كل اللي بيتقال عن برج العقرب، هو في الحقيقة برج بيحب جدًا الحميمية في العلاقة ومتعطش دايمًا للحب بشكل خيالي. بيحب جدًا الشخصيات القوية المستقلة وصاحبة مظهر جذاب. من نقاط ضعفه إنه بيظهر كامل حبه بمجرد ما يحب ويكسب ثقة اللي بيحبه. رجل برج العقرب رجل وفي ورومانسي حبّيه دايمًا وحسسيه إنك بتحبيه لذاته، هنا تكوني كسبتيه للأبد.
الأبراج: مواصفات رجل برج العقرب بالتفصيل
مفتاح قلب رجل برج القوس
رجل برج القوس رجل مرح جدًا ومتجدد لاقصى حد، كله حيوية وحماس، بيبعد تمامًا عن الشخصيات الكسولة واللي مش بتعرف تظهر اهتمامها في الحياة. علشان كده، مفتاح رجل برج القوس إنك تظهري قدامه إنك إنسانة مسؤولة ومثيرة، كلك حيوية وحماس وذكاء، بتحبي تكتشفي حاجات جديدة وبتعرفي تتصرفي كويس في المواقف المختلفة. البرج ناري، بس هو فعلًا طيب ومحب لشريكة حياته، اتعاملي معاه دايمًا بحب ورتبي دايمًا للخروج والسفر معاه علشان تفضلي محافظة على شباب العلاقة ما بينكم.
الأبراج: مواصفات رجل برج القوس بالتفصيل
مفتاح قلب الرجل برج الجدي
رجل برج الجدي هو رجل الطرق المباشرة، حياته كلها صراحة وبعد تمامًا عن الكذب، هتلاقيه دايمًا جذاب. مفتاحه الصراحة وإنسي معاه اللف والدوران والكذب. وده لأنه رجل عقلاني جدًا وعملي جدًا. علشان كده، لازم تدعمي الجانب العملي اللي فيه لأن هو دي طريقة تعبيره عن الحب، هو رجل مواقف مش رجل كلام، وهو من الأبراج اللي تحب إن شريكة حياته تكون مستقلة ماديًا.
الأبراج: مواصفات رجل برج الجدي بالتفصيل
مفتاح قلب رجل برج الدلو
رجل برج الدلو بيكره أي شكل من أشكال المبالغة في أي حاجة، هو شخص ملول جدًا. علشان كده، مفتاح رجل برج الدلو إنه يحس إنه حر وبعيد تمامًا عن أي شكل من أشكال الروتين، وبيكره جدًا أي شكل من أشكال عدم المباشرة أو المراوغة. رجل الدلو متميز بالرقي في معاملته مع شريكة حياته. خلي بالك هو رجل حساس جدًا، وابعدي تمامًا إنك تستغلي طيبته لأن ده بيجرحه لأقصى حد.
الأبراج: مواصفات رجل برج الدلو بالتفصيل
مفتاح قلب رجل برج الحوت
برج الحوت معروف عنه إنه ملك العواطف بشكل مبالغ فيه، لدرجة إنه مستعد يعمل أي حاجة في سبيل إرضاء شريك حياته بكل حب. لكن هتلاقي دايمًا إنه بيدور على شريكة الحياة اللي تديه نفس المستوى من المشاعر. ولو ده ما حصلش، كل الرومانسية دي بتتحول، وهو ده مفتاحه رومانسية ومشاعر بلا حدود. رجل الحوت بيحتل المركز الأول في الرومانسية، فهو بعيد تمامًا عن الخيانة وبيعيش بكل جوارحه في قصة حبه، حافظي دايمًا على جو الحب بينكم علشان تقدري تتعاملي معاه.
الأبراج: مواصفات رجل برج الحوت بالتفصيل
التعليق باستخدام حساب فيس بوك