محتويات المقال
في الكام سنة الأخيرة بدأ ظهور أنواع جديدة من الدايت اللي بيعتمد بشكل أساسي على مصادر الخضروات والدهون الطبيعية في التخسيس والبعد عن الكربوهيدرات المصنعة والسكريات تماما، زي مثلا الكيتو، قراطاي ، اللوكارب، وطبعا الصيام المتقطع.
الفكرة في الدهون الطبيعية إنها بتكون مصدر الطاقة للجسم وبتكون محملة بعناصر غذائية مهمة جدا للجسم، وجسم الإنسان بسببها بيبدأ يحرقها ومعاها الدهون المتراكمة فيه.
الدهون الصحية ليها مصادر مختلفة هقولك أهمها هيكون إيه.
الدهون الصحية
- الأفوكادو.
- الأجبان المصنعة من الحليب الطبيعي.
- الشوكولاتة الداكنة.
- البيض.
- الأسماك الدهنية مثل السالمون والسردين.
- المكسرات غير المحمصة وغير المملحة وخصوصًا اللوز والجوز والسوداني.
- بذور الشيا.
- زيت الزيتون الخام المعصور على البارد.
- جوز الهند وزيت جوز الهند.
- السمن البلدي.
- الزبد الطبيعي.
- لية الخروف.
- شوربة العظام على أن يتم طهيها لمدة ست ساعات على الأقل.
ولأن موضوعنا النهاردة الأساسي هي المكسرات هنقولك إيه أكتر أنواع المكسرات المفضل استخدمها خلال الرجيم وبتساعدك على التخلص من الوزن الزائد وفي نفس الوقت بتساعدك على الإحساس بالشبع:
أنواع المكسرات المناسبة للدايت
اللوز النيء:
يعتبر رقم 1 في التخسيس، لأنه بيحتوي على أوميغا 3 والألياف والبروتين بكميات كبيرة والمعادن، بتقدر تديكي إحساس بالشبع وتقلل من أكللك للدهون والكربوهيدرات.
ده غير إن اللوز بيحسن من حركة الأمعاء ويحميكي من مشاكل الإمساك.
طريقة عمل مافن الكيتو بدقيق جوز الهند واللوز
الجوز «عين الجمل» غير المملح:
لأنه غني بالأوميغا 3 والبروتين والألياف النباتية و الأحماض الدهنية فبيقدر يساعد على تخليص الجسم من الكوليسترول الضار، بجانب إنه بيخليكي تحسي بالشبع لفترة أطول خصوصاً لو أكلتيه قبل الوجبة الرئيسية، لأنه بيحسسك بالشبع وبالتالي هتلاقي نفسك بتاكلي بكميات أقل.
الكاجو غير المملح:
بيحتوي على الألياف والبروتينات والدهون، وهي عبارة عن مُركبات غذائية بتعمل على التقليل من شهية بشكل ملحوظ.
الفستق غير المملح:
تناول الفستق بشكل منتظم ومعتدل بيحسن من الحالة الصحية للجسم وبيساعد على التقليل من الوزن، وده بسبب احتوائه على كميات كبيرة من الألياف والدهون وتحديداً غير المشبعة والصحية، واللي بدورها بتي شعورا بالشبع.
طريقة تناول المكسرات في الدايت
دلوقتي هقولك شوية أفكار بسيطة تخليكي تستخدمي المكسرات النية في أكلك:
مع الزبادي اليوناني
من الأفكار الحلوة والسهلة إنك تكسري شوية مكسرات مع كوباية زبادي يوناني مع فراولة، ولو حابة تحسي بشعور طبق الحلويات زودي عليهم سكر استيفيا.
أهم فوائد الزبادي اليوناني الصحية
بديل للدقيق
من الحاجات الحلوة جدا إنك تقدري تاكلي عيش مخبوز ببديل للدقيق، ويعتبر دقيق اللوز الني واحد من أهم البدائل.
مع السلطة
جربي تضيفي المكسرات الكاملة أو النص مكسرة لطبق السلطة الخضراء بتاعك، هيفرق كتير صدقيني وهيدي لطبق السلطة العادي طعم مختلف وجديد.
مع القهوة
كتير مننا بيحب يشرب مع القهوة بسكوت أو حتة كيكة، بس في الدايت طبعا مش هينفع، علشان كدة بتعتبر المكسرات بديل لطيف جدا مع القهوة.
سناكس
من الحاجات اللطيفة في المكسرات إنك تقدري تحطيها في علبة صغيرة في شنطتك وتاكلي منها في أي وقت تحسي فيه بالجوع وتكون قلقانة إنك برة البيت وخايفة تبوظي الدايت، بس طبعا الكمية تكون مناسب مع سعراتك وكمية الدهون اللي مفروض تستهلكيها في اليوم
اتمنى الأفكار دي تكون ساعدتك، وكمان تكون غيرت نظرتك للمكسرات وتكوني عرفتي إنها مهمة جدا لنظامك الغذائي، بس هي زي اي نوع أكل الزيادة منه ضرر، والتناول بشكل معقول هو الهدف.
المصادر
www.healthline.com
www.thestreet.com
www.hsph.harvard.edu
www.medicalnewstoday.com
التعليق باستخدام حساب فيس بوك