محتويات المقال
واحدة من أكبر المشاكل اللي بتواجهنا في فصل الشتا هي الوبرة في الهدوم، واللي بسببها للأسف هدوم كتير بتخرج بره الخدمة، وأحيانا بتترمي، باعتبارها باظت خلاص. ناس كتير ما تعرفش إنه إزالة الوبر من الملابس ممكنة وسهلة، بل والهدوم بترجع جديدة مرة تانية، سواءً باستخدام ماكينة إزالة الوبر، اللي هي جهاز ازالة الوبر، أو لمامة الوبر، أو حتى مجموعة أدوات معمولة مخصوص للغرض ده. في المقال ده، هنعرف مكنة إزالة الوبر مفيدة فعلا ولا لأ، وبدايلها العادية سواء الموجودة في البيت أو اللي ممكن نشتريها مخصوص للغرض ده.
10 أماكن لشراء ملابس الشتاء بأقل من 200 جنيه
مكنة إزالة الوبر الكهربائية
مكنة إزالة الوبر
الحقيقة كل اللي جربها شكر فيها بقوة، والآراء بعد الاستخدام بتشكر في ماكينة الوبر اللي بالكهرباء وبعدها على طول اللي بالشحن، وبعدهم بالحجارة لكن في العموم، في حالة عامة من الرضا والصور اللي قبل وبعد تشهد على قوته.
موضة ألوان شتاء 2022 .. “جاهزة يا حجّة”
بدايل مكنة إزالة الوبر
الرول اللاصق Sticky buddy
الرول اللاصق
بعض الناس بتشوفه اختراع حقيقي، وفيه ناس بتعتبره أي كلام، الرول اللاصق، أو الـ sticky buddy عبارة عن بكرة كبيرة فيها لاصق. بعد كل استخدام بتقشريه فبيطلع طبقة جديدة، بعض الناس بتشوف إنها مش للوبر وإنها معمولة أكتر لشعر القطط والشوائب. وفيه ناس بتعتقد إنه هيشيل الوبرة بقوة خاصة وإن تمنها قليل بتوصل 45 وبتختلف قوتها حسب نوعها، سواءً اللي بتتباع في كارفور أو ايكيا.
لمامة الوبر اليدوية
لمامة الوبر اليدوية
مفروض إنها بتلم الوبر، ومش بتحتاج شحن أو أي حاجة، لكن مع الوقت ممكن تجرح أنسجة الهدوم، وتبوّظها غير إنها بتحتاج تتنضف طول الوقت، حسب النوع بيكون الجودة والنفع.
البلاستر
إزالة الوبر بالبلاستر
في طريقة منجزة للناس اللي ما عندهاش حاجة خالص ومضطرة تلبس قطعة هدوم فيها وبرة، البلاستر العريض اللي بنلزق بيه الكارتون، ممكن نستخدمه في إننا نشيل الوبر من الهدوم لو مستعجلين.. بنلزقه على الأماكن الموبر ونبدأ نشيل. أو رول البلاستر من إيكيا.
ماكينة الحلاقة
ماكينة الحلاقة لإزالة الوبرة
طبعًا دي من الأدوات اللي بيستخدمها الناس المضطرة. في الواقع هي وسيلة صعبة جدًا للاستخدام، صحيح بتشيل الوبرة، لكن في المقابل بتفسد نسيج الملابس بطريقة مرعبة.
التعليق باستخدام حساب فيس بوك