أوقات كتير بنكون عايزين ننزل بسرعة أو نحضر لمناسبة ونكون حاطين مكياج خفيف، خصوصًا مع انتشار فكرة إن كريم الأساس له أضرار على البشرة على المدى البعيد لأنه بيمنع تنفس البشرة، وحتى إزالته فيها صعوبة. علشان كده، النهارده هنتكلم عن طريقة وضع مكياج خفيف للمحجبات بدون كريم أساس، سهلة جدًا وسريعة، وهتعتمدي الطريقة دي في حياتك اليومية، وهتحبيها جدًا.
أنواع منظم مكياج هتحتاجيها لأدواتك
بالفيديو: طريقة وضع مكياج خفيف للمحجبات بدون كريم أساس
الخطوة الأولى: الترطيب
الترطيب أهم خطوة تعمليها لبشرتك علشان تحافظي على مرونتها، وعلى قدرتها على التنفس خلال اليوم، لازم تعرفي إن البشرة الرطبة دايما بتدي مظهر صحي ومتألق سواء حاطة مكياج أو لأ. علشان كده، خطوة الترطيب هي خطوة أساسية في حياتك عمومًا.
10 أخطاء مكياج بتظهرك أكبر سنًا
الخطوة الثانية: واقي الشمس
كلنا فاكرين إن كريم واقي الشمس خطوة بناخدها في حالة إننا نازلين من البيت وهنتعرض للشمس، بس الحقيقة إنها خطوة بتيجي دايمًا ملازمة لترطيب البشرة، سواءً نزلتي من البيت أو لأ. لازم تستخدمي كريم واقي من الشمس بشكل يومي، لأنه بيحميكي من تصبغ البشرة، وبيحافظ عليها شابة لأطول وقت ممكن.
أفضل أنواع الصن البلوك لبشرتك بالأسعار
الخطوة الثالثة: الكونسيلر
مهم جدًا استخدامه طالما مش هتستخدمي كريم أساس، حطيه تحت العين، وأماكن ظهور البثور، وطبقيه على بشرتك بواسطة صوابعك علشان يدي مظهر طبيعي وتغطية طبيعية للبشرة.
بالفيديو .. مكياج العيون الصغيرة لليوم العادي أو للعروسة
الخطوة الرابعة: ظلال العيون
لو كانت بشرتك قمحية أو حتى فاتحة، فاختيار ظلال العيون البيج يعتبر أفضل اختيار علشان يدي عينيكي مظهر فريش.
أجمد 10 أنواع باليت آيشادو لـ مكياج ثابت في الصيف
الخطوة الخامسة: الكحل
بانصحك إنك تستخدمي الكحل الأسود لو إنتي نازلة لمكان خروج، هيدي عينيكي نظرة قوية، أما لو هتنزلي الشغل أو الكلية فالكحل الأبيض، هيوسع عنيكي ويخلي نظرة عينك متألقة.
الخطوة السادسة: مصحح الحواجب
لو كانت في حواجبك فراغات أو خفيفة، أو مش مهذبة عمومًا، يبقى خطوة مصحح الحواجب دي خطوة مهمة جدًا وأساسية. اختاري لون أقرب للون شعرك الطبيعي، وطبقيه بشكل خفيف علشان تحافظي إن شكل حواجبك يكون طبيعي.
5 خطوات بسيطة لعمل مكياج لوك طبيعي No Makeup Look
الخطوة السابعة: الماسكرا والأيلاينر
استخدمي نوع بيزود من كثافة الرموش، وزي ما قلت لك لو الخروج لشغل أو جامعة، طبّقي طبقة واحدة كفاية، ولو خروجة مسائية طبقى كذا طبقة من الماسكرا علشان تدي عينيكي عمق أنيق. وفي الحالتين طبقي خط رفيع من الأيلاينر علشان يدي عينك شكل أوسع.
أفضل ماسكرا لتطويل الرموش .. حقيقة مش كدبة
الخطوة الثامنة: loose powder
طبقيها على بشرتك كلها علشان تثبتي الكونسيلر وعلشان تدي بشرتك مظهر طبيعي متألق، خالي من العيوب.
مكياج العروسة: 10 نصائح لو هتعملي مكياج فرحك بنفسك
الخطوة التاسعة: محدد وأحمر الشفاة
استخدمي محدد شفاه أغمق بدرجة واحدة بس من أحمر الشفاه اللي بتستخدميه. لو خروجة نهارية، استخدمي ألوان نود، ولو بالليل استخدمي ألوان صريحة أكتر.
أجمد 10 أنواع روج لازم تجربيهم في 2022
دلوقتي تقدري تقولي إن دي الخطوات الأساسية علشان تحصلي على مكياج خفيف ليكي كمحجبة من غير استخدام كريم أساس، جربي الطريقة دي وقولي لنا نتيجته معاكي كانت عاملة إزاي.
التعليق باستخدام حساب فيس بوك