محتويات المقال
مع قرب عيد الأضحى 2020، بنلاقي نفسنا عايزين نغير من شكلنا، نعمل لنا كده نيو لوك جامد من باب التغيير وكسر الملل، خصوصًا إننا خارجين من حظر استمر 4 شهور، ومحتاجين فعلًا لأي متنفس. النهارده بقى، قررنا نستعرض معاكي إزاي تعملي مكياج عيد الأضحى على طريقة الفنانات. ولأن اذواقنا دايما مختلفة، فيه مننا بيحب يشوف صور مكياج ناعم للخروجات وفيه بيحب مكياج تقيل للسهرات والمناسبات. وبما إن أقرب موسم ظهرت فيه كل الفنانات هو موسم رمضان 2020، قررنا نجمع لك اللوكات اللي ظهرت بيها الفنانات علشان تأخدي منها أفكار لمكياج العيد.
مكياج عيد الأضحى على طريقة الفنانات
الحقيقة، لو تابعتي مسلسلات رمضان 2020، هتلاقي إن معظم الفنانات اختاروا طلات متشابهة شوية. يعني واحنا بنحاول نحصر شكل المكياج اللي طلعت بيه الفنانات في رمضان 2020، لقينا إنهم اختاروا حاجة من تلاتة، فيه بعضهم طلعت بالتلاتة في نفس المسلسل مع اختلاف المشاهد طبعًا. وهنستعرض لك شوية صور لكل طلة.
مكياج ناعم وهادي
طبعًا باختلاف الشخصية أو الدور اللي كل فنانة بتعمله، بيتغير شكل المكياج اللي بتحطه. لكن على اختلاف الأدوار دي، لقينا إن التلاتة في المكياج النهاري، عملوا مكياج هادي، معتمد بس على رسمة العين وكريم أساس ولون شفايف يميل للألوان الـnude أو اللي شبه لون الجلد.
مكياج عيد الأضحي 2020
مكياج ناعم لعيد الأضحى 2020- ياسمين صبري
مكياج ناعم لخروجات عيد الأضحى 2020
لو اختارتي تخرجي في العيد بالنهار، بننصحك بمكياج هادي بيركز على رسمة العين وبيبين الوش طبيعي ورقيق. لو لسه محتارة ترسمي عينك بالآيلاينر إزاي، ممكن تدخلي هنا، أو تشوفي الفيديو ده.
مكياج للسهرات والمناسبات
الحقيقة ما بين المكياج الهادي والمكياج الصارخ، فيه درجة معينة من المكياج، حبينا نسميها المتميز. لإنه مش بهدوء المكياج اللي بيميل للـnude لكن في نفس الوقت مش صارخ جدًا أو حتى بيستخدم ألوان كتير. هنلاقي الشكل ده من المكياج برضه بيهتم برسم العين، لكن كمان بيضيف لون أحمر شفايف مميز وصريح.
مكياج عيد الأضحى 2020
مكياج عيد الأضحى 2020
مكياج لعيد الأضحى – نيللي كريم
مكياج بدون مكياج / NO-MAKEUP ” Makeup “
الحقيقة إن فيه نوع من المكياج بيقنع أي حد إن مفيش مكياج أصلًا NO-MAKEUP ” Makeup “، وده بتفضله البنات أو الستات اللي ما بتحبش تبين إنها بتحط مكياج أو اللي عايزة لوك طبيعي، باين فعلًا فيه إن الوش ما فيهوش حتى كحل. النوع ده من المكياج ممكن يتضاف عليه حاجة واحدة فيكون مكياج هادي، وهي رسمة العين. وممكن كمان يتضاف عليه مع رسمة العين لون أحمر شفايف جرئ وصريح ويكون المتميز.
مكياج العيد – NO-MAKEUP ” Makeup “
مكياج العيد بدون مكياج – NO-MAKEUP ” Makeup “
التعليق باستخدام حساب فيس بوك