مكياج No Makeup هي واحد من أحدث الصيحات في عالم المكياج، وهدفه الأساسي إظهار البشرة لامعة، وفي نفس الوقت الحفاظ على جمالك الطبيعي. بيعتبر مكياج “اللا ماكياج” هو الحد الأدنى اللي مش بيركز على المكياج بحد ذاته، لكن بيعتمد على إظهار البشرة متوهجة وأصغر في السن، بجانب إنه بيركّز بشكل أكبر على خطوات وضع المكياج أكتر من فكرة استخدام كمية مكياج كبيرة، وده طبعًا حسب مبتكرة فكرة المكياج الـ No Makeup بوبي براون، اللي عملت مكياج لمشاهير زي كاتي هولمز، سكارليت جوهانسون وسيينا ميلر.
اللي هيحصل إنك تقدري توصلي لمظهرك المنشود من خلال بس وضع كميات بسيطة من منتجات أقل من اللي بتستخدميها في الأيام العادية، وده بدوره بيساعد على تسليط الضوء على مميزات بشرتك، وده عن طريق تحديد جميع الأماكن الصحيحة في وجهك، مع إضافة شوية من الظل. كل ده علشان يبان الإشراق بشكل طبيعي. واللي مخليه منتشر قوي الفترة دي إنه سهل التنفيذ وبيستهلك وقت أقل وبلا جهد، فتعالي نتعرف على طريقة وضعه:
هنا أهم وسائل تحفيز الكولاجين في البشرة .. هتصغري 10 سنيين
الخطوة الأولى
قبل أي مكياج أهم وأول خطوة هي غسيل البشرة كويس جدًا وترطيبها بكريم أو Serum سيرم، كل ده علشان البشرة المترطبة هي البشرة الأسهل في إظهار المظهر الطبيعي.
هنا بالأسعار: أشهر 10 أنواع مزيل مكياج في مصر
الخطوة الثانية
دي خاصة بالـPrimer، وهي خطوة مهمة جدًا لأنها أساس دوام المكياج لأطول فترة ممكنة، ومن الأفضل تختاريه خفيف وسهل في الوضع، وله أساس مصفر (مايل للون الأصفر يعني مش الوردي ولا الخوخي).
لو ما لكيش في الميك أب، اعرفي من هنا أدوات مكياج أساسية في شنطتك
الخطوة الثالثة
هنا وصلنا لكريم الأساس، ويفضل اختيار BB أو CC كريم، عشان خفاف على البشرة. وبيحتووا على منتجات ترطيب ومعالجة للبشرة.
الخطوة الرابعة
إذا كانت بشرتك فيها ندوب أو هالات سوداء، هنا هتضطري تستخدمي الـConcealer، دلكيه بإيدك عشان البشرة تمتصه بسرعة، حطيه كمان بكميات بسيطة.
في الخطوة الخامسة
هنا بيجي دور الـHighlighter، أفضل مكان لاستخدامه هي على عظمتي الخد لإضافة لمعة مختلفة ومن بعده أحمر الخدود لإضافة اللون الرائع.
تقدري تقولي دي أهم الخطوات الأساسية لمكياج اللا مكياج، لكن في نفس الوقت، الاستخدام البسيط للماسكرا مش هيضر شكلك الطبيعي. بالعكس، هيضفي حيوية لطيفة لعينيكي، وطبعًا ما تنسيش تختاري لون روج قريب من لون شفايفك، وابعدي تماما عن الألوان القوية والواضحة لأنها هتدمر تمامًا هدف المكياج الطبيعي بتاعك.
وتقدري تستخدمي المكياج ده في الشغل أو الكلية أو أي مشاوير بسيطة، سهل جدًا ومش بياخد وقت وبيحافظ على شكلك فريش وطبيعي وجميل في نفس الوقت.
التعليق باستخدام حساب فيس بوك