جسم التفاحة أو جسم المثلث المقلوب (باصص لتحت) هو الجسم اللي بيكون فيه الأكتاف عريضة ومنطقة الصدر مقاسها كبير، ولما بتتخني، الدهون بتتكوّن في منطقة البطن. ممكن ييكون صعب شوية في تلبيسه لكن هاحاول بقدر الإمكان أسهّل عليكي المهمة في المقال ده.
أهم النصائح لاختيارملابس شكل الجسم التفاحة
ملابس الجزء العلوي للجسم التفاحة
- انتي محتاجة تبعدي صدرك عن بطنك، خصوصًا لو منطقة البطن بارزة، فلازم البرا يكون بيشد الصدر لفوق.
- بلاش بلوزات ضيقة قوي بتبرز البطن والصدر لكن برضه بلاش بلوزات واسعة قوي هتكون مهلهلة من ناحية البطن.
- التي شيرتات السبعة V-neck أحسن من المدورة. عمومًا فتحة الصدر السبعة في أي فستان أو غيره هتكون أحسن من المدورة والمربعة.
- بلاش نوعية البلوزات أو التيشرتات الناعمة قوي اللي بتلزق في الجسم body-hugging.
- اختاري بلوزات بنقشة على الأكمام عشان تاخد العين.
اعرفي ألوان موضة 2021 من المقال ده.
ملابس الجزء السفلي للجسم التفاحة
- بلاش سوستة البنطلون أو الجيبة تكون قدام، يستحسن تكون في الجنب أو الضهر عشان تتفادي كلكعة زيادة في شكل البطن.
- البنطلون الـstraight أو الشارلستون أحسن.
- لو مش محجبة، ممكن تلبسي جيبات بطول الركبة، ده هيبرز جمال شكل الرجلين وهياخد العين من الجزء العلوي.
اعرفي 34 طريقة لتنسيق البنطلون الجلد في المقال ده
أفضل بلوزات للجسم التفاحة
جسم التفاحة
أفضل ستايل هو المنقوش أو اللي فيه في أكمامه نقشة أو شكل، أو المفتوح على حرف V أو سبعة زي ما بيقولوا. أو يكون قميص طويل.
أفضل بنطلونات لجسم التفاحة
أفضل بنطلونات لجسم التفاحة
مشترك بين الكمثرى والتفاحة البنطلون الشارلستون والـboot leg اللي هم بيكونوا أضيق عند الركبة، ده لإنهم بيخلقوا تقسيمة حلوة وبياخدوا العين عن المناطق اللي عايزين نبعد التركيز عنها. كمان القصتين التانيين فيهم نفس الفكرة، بعد العين عن منطقة البطن.
حلي لغز البنطلون الجينز واعرفي ازاي تختاري الموديل المناسب ليكي في المقالة دي.
أفضل فساتين لجسم التفاحة
أفضل فساتين للجسم التفاحة
أفضل فساتين هي الفساتين اللي حزامها بيكون في أرفع حتة في الجسم، أو تحت الصدر على طول. دي بتبرز جمال الصدر وفي نفس الوقت بتفصله عن البطن. كمان الفساتين المنقوشة بخطوط (مش بالعرض) بتساعد إنها توهم العين بالطول.
اعرفي من هنا حيل ذكية بالملابس لإخفاء البطن الممتلئ
أفضل جيبات جسم التفاحة
أفضل جيبات جسم التفاحة
يا إما الطول يكون عند الركبة يا إما في تص قصبة الرجل. ويفضل الأشكال اللي فيها نقشة أو وسع أو اللي بتكون wrap بحيث ما تكونش نازلة خط واحد.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك