الدكتور طارق شوقى، وزير التربية والتعليم والتعليم الفنى خرج في مؤتمر صحفي ووضح ملامح الترم الثاني من العام الدراسي 2020- 2021.
المؤتمر ده أولياء أمور كتير جدا كانوا في انتظاره عشان يقدروا يعرفوا ملامح الفترة الجاية، ولأنه كان فيه قرارات كتير جدا حبينا نلخصه في نقط واضحة كالآتي:
- عودة الدراسة 10 مارس بنفس جداول الحضور اللي تم الإعلان عنها في بداية العام الدراسي
- العودة اختيارية في الترم الثاني، و أولياء الأمور أصحاب القرار في حضور أولادهم الدراسة من عدمه وحضورهم الامتحان من عدمه لكن في حالة الغياب ولي الأمر بيقدم طلب إنه هايحضر الامتحانات بس، وفي حالة عدم حضور الامتحان ولي الأمر بيقدم طلب إن الطالب هايعيد السنة.
- من كي جي لثالثة ابتدائي مفيش امتحانات في لجان
- طلاب مرحلة النقل من الصف الرابع الابتدائي ولحد تانية إعدادي هايتم عمل امتحان شهري مجمع لهم في جميع المواد خلا يوم واحد بواقع سؤالين تلاتة عن كل مادة، مرة في فبراير ومرة آخر مارس ومرة في نهاية إبريل ومرة في نهاية مايو.
- امتحانات المواد غير المضافة للمجموع هايتم تأجيلها لنهاية السنة
- طلاب الشهادة الإعدادية هايتم ضم الترمين مع بعض ويمتحنوا آخر السنة مع طلاب الثانوية العامة
- بدء امتحانات الصف الرابع الابتدائي ٢٨ فبراير
- امتحانات خامسة ابتدائي ١ مارس
- الصف السادس الابتدائي ٢ مارس
- الصف الأول الإعدادي ٣ مارس
- ثانية إعدادى ٤ مارس
- أولى ثانوي ٢٧ فبراير
- ثانية ثانوي ٢٨ فبراير
- امتحانات الثانوية العامة مش هاتكون قبل شهر يوليو بسبب التأجيلات اللي حصلت
- موقف طلبة الثانوية العامة لسة ماتحددش هايعلن خلال الفترة الجاية عن الفرص اللي هاتتوفر لهم
- الامتحان المصرى est لطلاب الدبلومة الأمريكية هو المؤهل الوحيد لطلاب الدبلومة لتنسيق الجامعات المصرية منذ هذا التاريخ ولكن ليس بأثر رجعى.
What’s your Reaction?
التعليق باستخدام حساب فيس بوك