محتويات المقال
على قد ما فترة الحمل بتبقى فترة ممتعة للأمهات وبتبقى كلها ترقب وفرحة بالبيبي، لكن فترة الحمل برضو بيبقى فيها تغيرات هرمونية كبيرة بتمر بيها الأم ممكن تغير روتين يوم العادي وكمان يبقى فيه حذر وبعض الممنوعات اللي مينفعش الحامل تقرب منها.. ممنوعات الحمل ممكن تختلف من أم للتانية على حسب حالة الحمل وحالة الجنين وفي الموضوع ده هنستعرض أهم ممنوعات الحمل اللي لازم تاخدي بالك منها طول الفترة الحساسة دي.
-
التدخين
مصدر الصورة: cdc.gov- ممنوعات الحمل
في الوقت العادي التدخين مضر بالصحة فما بالك في فترة الحمل اللي بتبقى حساسة جدًا عند بعض الأمهات.. التدخين هو من أهم ممنوعات الحمل اللي لازم توقفيها فورًا عشان صحتك وصحة الجنين لإنه ممكن يسبب مضاعفات خطيرة زي الإجهاض وبيقلل من وصول النسب الصحيحة من الأكسجين للجنين وكمان بيزود من حدوث التشوهات الخلقية عند الجنين.. عشان كده لازم توقفي التدخين فورًا طول فترة الحمل وكمان بعد الولادة حفاظًا على سلامتك وسلامة طفلك ومتتعرضيش للأماكن المغلقة اللي بيكون فيها تدخين.
ممكن تشوفي هنا أهم نصائح ممارسة العلاقة الحميمة أثناء الحمل
-
أطعمة وأكلات ممنوعة أثناء الحمل
مصدر الصورة: insider.com – ممنوعات الحمل
دكتور النسا بيديكي قايمة بأكلات ممنوعة أثناء الحمل في الروتين الغذائي بتاعك وأهمها:
- اللحوم المصنعة أو الـCold Cuts زي: السوسيس واللانشون واللحوم الباردة..
- اللحوم النية: زي بعض أنواع الأسماك اللي بتبقى موجودة في السوشي والمحار الني واللحوم غير المطهية بشكل كويس عشان بيكون موجود فيهم عدوى الليستريا وتشكل خطر على حياة الجنين.
- الأسماك اللي بتحتوي على نسبة عالية من الزيبق: زي سمك الماكريل وأبو سيف وبعض أنواع التونة المعلبة.
- اللبن والجبنة غير المبسترة.
- البيض الني وبعض أنواع الطعام اللي بيكون موجود فيها بيض ني زي المايونيز لأنهم بيحتوا على السالمونيلا.
- الأكلات الجاهزة (الـJunk Food): الأكلات السريعة أو الجاهزة بتكون معمولة من مصادر لحوم مجهولة ومش مضمونة وطبعًا ممكن متمونش معمولة نضيفة زي البيت عشان كده حاولي تتجنبيهم طول فترة الحمل قدر الإمكان لانهم بيسببوا زيادة كبيرة في الوزن.
- المشروبات الكحولية.
- إستهلاك الكافيين بكمية كبيرة.
ممكن تأخدي فكرة هنا عن أكثر الأطعمة الغنية بالحديد للحامل
-
الساونا أو حمام البخار
مصدر الصورة: The Bump – ممنوعات الحمل
الدش السخن بيكون مريح لجسم الحامل لكن التعرض لدرجة حرارة عالية ممكن إرتفاع شديد في درجة حرارة الجسم ويؤثر على الجنين بشكل سلبي.
-
التمارين الرياضية
مصدر الصورة: Sanford Health – ممنوعات الحمل
على الرغم من إن دكتور النسا ممكن ينصح الحامل ببعض أنواع الرياضة في مراحل معينة من الحمل زي المشي أو اليوجا، لكن فيه بعض أنواع الرياضة العنيفة زي الجري وحمل الأثقال ممكن تسبب الإجهاض أو إنفصال المشيمة. ممكن تشوفي هنا بالفيديو: تمارين يوجا بسيطة للحامل
-
بعض الأدوية بتكون من ممنوعات الحمل
مصدر الصورة: Parents.com – ممنوعات الحمل
ممكن الدكتور يمنع بعض الأنواع من الأدوية زي أدوية البرد والأدوية اللي بتحتوي على الأيبوبروفين، في كل الأحوال لازم تستشيري طبيب النسا الخاص بيكي قبل ما تاخدي أي دوا أو فيتامين.
اعرفي من هنا أفضل الكريمات لتشققات حلمات الثدي
بنفكرك دايمًا تستشيري دكتور النسا الخاص لأنه أكتر شخص على دراية بحالة حملك وممكن يقولك ليكي على بعض الممنوعات اللي بتخص حالتك زي منع العلاقة الحميمة في فترة الحمل لو بتؤثر على الجنين، أو منع الحركة بشكل كامل وبنتمنى ليكي رحلة حمل سهلة ليكي ولجنينك. اعرفي تفاصيل أكتر عن الإبرة التفجيرية من هنا
المصدر:
أضرار التدخين في فترة الحمل
ممنوعات الحمل
التعليق باستخدام حساب فيس بوك