محتويات المقال
كتير من الناس فاكرة إن جسم الراجل أسهل في التعامل من جسم الست، وإن استثارة الرجل سهلة ومركزة بس على العضو الذكري. لكن ده مش حقيقي. مناطق الإثارة في جسم الراجل أكتر بكتير ومتمددة في أكتر من منطقة في جسمه. في المقال ده، هنقول لك إيه هي مناطق الإثارة عند الرجل اللي محتاجة تداعبيها عشان انتم الاتنين تتبسطوا.
اعرفي هنا عن وسائل منع الحمل المختلفة.
مناطق الإثارة عند الرجل
الإبط
غريبة صح؟ بس بطن الذراع والإبط من المناطق الحساسة جدًا في جسم الرجل لإن الرجل زينا كلنا بيغير وبيتزغزغ من الإبط وده بيخلي لمسة بالأنامل للإبط تداعبه وتبسطه.
بطن الركبة
بطن الركبة من الأماكن الحساسة في الجسم اللي مليانة بنهايات عصبية وده بيخلي أي لمسة هناك تساعد في الاستثارة والانتصاب هنا أسباب مثيرة وغريبة لضعف الانتصاب عند الرجل
السرة وأسفل البطن
السرة والجزء اللي تحتها لقربهم من العضو الذكري بيكونوا حساسين ناحية اللمسة الناعمة البسيطة وممكن يتسببوا في استجابة جنسية سريعة.
هنا ممكن تشوفي مناطق الإثارة عند المرأة .. تعرفي عليها
الودن
الودان وبالأخص الجزء الطري منها من أكتر الأماكن الحساسة والمثيرة في الجسم. لكن هي من المناطق اللي ما تلمسيهاش بصوابعك، المسيها بشفايفك بلطف.
باطن الفخذ
المنطقة دي برضه لقربها من العضو الذكري ولحساسيتها، بتكون مداعبتها بأنامل الأصابع ولمسها بخفة من أكبر الحاجات المثيرة للرجل خصوصًا لو حركة اللمس كانت في اتجاه العضو.
فروة الراس
فروة الراس من المناطق الحساسة برضه للمس. وانتم مع بعض، حاولي تداعبي فروة راسه وكأنك بتعملي له مساج.
بتعيطي بعد العلاقة الحميمة؟ اعرفي السبب هنا
الإيد
اليدين من الأماكن اللي بتتنسي جدًا وقت المداعبة. لكن مهم تحفزي الإيد وقت العلاقة الحميمة لإن انتم الاتنين هتتبسطوا وتستمتعوا بيها لإن إيدك انتي كمان فيها نهايات عصبية وهتتبسطي باللمسة زيه.
ما بعد الخصيتين
المنطقة اللي خلف الخصيتين ولحد الشرج، بتكون أكتر المناطق الحساسة واللي بتخلق انتصاب قوي فورًا بلمسة خفيفة. لو ما بتمانعيش الجنس الفموي، ممكن وانتي بتمارسيه، تداعبي الخصيتين والخط ده لحد الشرج.
المصدر
Healthline
التعليق باستخدام حساب فيس بوك