مين فينا ما بتحبش الألوان الـ NUDE في المكياج عمومًا ومناكير الأظافر خصوصًا؟ وده لإن الألوان الـ NUDE راقية وأقرب للطبيعي وهادية، وأهم ميزة فيها إنها بتليق على حاجات كير وبتناسب مناسبات كتير، بس الحقيقة إن مش كل ألوان مناكير الـ Nude بتليق على كل ألوان ودرجات البشرة، فممكن تستخدمي درجة لون جميلة جدًا، لكن لما تحطيها على ضوافرك تلاقيها مش بالجمال اللي كنتي متوقعاه، أو تسمر بشرتك زيادة عن اللزوم، أو تدي للبشرة لون باهت مش حقيقي، علشان كده في المقال ده هنقولك ازاي تختاري مناكير Nude لايق على لون بشرتك:
خبراء التجميل بيحددوا الألوان اللي لايقة على كل بشرة، مش من لونها الخارجي والتقسيم الظاهري بتاع بيضا وسمرا وخمري، لكن بيحددوه على أساس حاجة اسمها الـ UNDERTONE وده واحده من طرق قياسه هي تحديد لون العروق اللي في الرسغ:
ألوان الـ UNDERTONE
-
العروق باللون الأزرق أو بنفسجي:
فده معناه إنك من أصحاب البشرة الباردة، فالمناسب ليكي أكتر الدرجات الفاتحة.
-
العروق باللون الأخضر :
فده معناه إنك من أصحاب البشرة الدافئة، فالمناسب ليكي أكتر الألوان الغامقة أو المايلة للغامق.
-
العروق بلون محايد:
ده معناه إن البشرة دي عادية، وهي بتليق عليها كل الألوان، ومعنى محايد هو إنك مش عارفة تحددي لون العروق بالتحديد.
-
طرق تانية لاختيار لون مناكير NUDE مناسب ليكي
- التجربة أحسن طريقة لمعرفة الألوان اللي لايقة على بشرتك.
- المقارنة بلون كريم الأساس اللي بتستخدميه، لإن طريقة اختياره بتعتمد برضه على الـ UNDERTONE.
- اسألي حد متخصص وواثقة من ذوقه.
- لو محتاره بين لونين، تقدري تحطي أكتر من لون على ضوافرك، ومش لازم كل الضوافر يكون لونها موحد.
- اختاري أقرب درجة للون منبت الضفر، واللي هتلاقيها لونها مختلف عن باقي الضفر.
تحليل الشخصية: اعرفي شخصيتك من لون مناكيرك
التعليق باستخدام حساب فيس بوك