بعد سنين من الجواز وكمان بعد الولادة والرضاعة، ساعات العلاقة الزوجية بتتأثر وتقل، أو بتبقى مش ممتعة زي الأول. تجديد العلاقة الزوجية بينك وبين جوزك ضروري لكم انتم الإتنين لأنها هتضمن صحة العلاقة ككل وهتخليكم انتم الإتنين أسعد وانتم بتتحملوا مسؤولياتكم كل يوم.
في المقال دا، هنقول لك على بعض المنتجات الجنسية زي منتجات تضيق المهبل وكمان منتجات وألعاب جنسية زوجية اللي هتخلي حياتك الجنسية أسعد مع جوزك.
لوبريكانت/جل/مزحلق
منتجات جنسية للعلاقة الحميمة
فيه شركات زي ديوركس مش بس بتصنع واقي إنما كمان بتصنع جل مزحلق عشان لو انتِ بتعاني من جفاف في المهبل أو لو بتتألمي من الإيلاج. فيه كمان جل KLY وساسمار. أهم حاجة تدوري عليها وانتِ بتشتري الجل إنك تختاري اللي مكتوب عليه water based يعني أساسه مائي، أو silicone based يعني أساسه سيليكون، أو oil based يعني أساسه زيتي عشان ما يسببش أي التهابات مهبلية.
جل تضييق المهبل
منتجات جنسية للعلاقة الحميمة
بعد الولادة الطبيعية، ممكن تحسي إن المهبل اتسع وإنك ما بقيتيش قادرة تتبسطي بالجماع زي الأول. في الحالة دي، فيه أنواع جل موجودة على الإنترنت آمنة وتقدري تستخدميها علشان ترجعي تحسي بمتعة. كمان فيه طريقة طبيعية زي استخدام جل الصبار الطبيعي الآمن موثوق المصدر كجل تحطيه عند مدخل المهبل وتدلكيه عشان تحسي تاني بالإحساس اللطيف للعملية.
كنبة الأوضاع الجنسية
منتجات جنسية للعلاقة الحميمة
من أهم مسببات الملل في العلاقة هي إننا ما نغيرش الوضع الجنسي ونعتمد على وضع واحد أو اتنين طول الوقت. لو مش بتقدري تكوني مرتاحة في الأوضاع الجنسية التانية، فيه حاجات تقدري تشتريها أونلاين زي كنبة الأوضاع الجنسية اللي بتضمن راحتك في أوضاع معينة. وفيه كمان حزام للأوضاع الجنسية ودا انتي وجوزك ممكن تستخدموه عشان تلاقي دعم في الأوضاع الصعبة عليكي لأنك هتكوني ساندة عليه وجوزك ماسكه.
المقويات الجنسية
منتجات جنسية للعلاقة الحميمة
بعد سن معين، ممكن الزوج يحتاج ياخد مقوي جنسي ودا مش عيب. ممكن تقدمي له الفكرة باعتبارها لعبة وتجربة مثيرة هتاخدوها مع بعض وتتبسطوا وينصح قبلها باستشارة الطبيب. فيه أنواع كتير من المقويات الجنسية اللي موجودة في الصيدليات واللي بتساعد إن الانتصاب يحصل بشكل أقوى ويستمر مدة أطول.
متاح في الصيدليات.
الواقي الذكري/الكوندوم
منتجات جنسية للعلاقة الحميمة
اللي كتير مننا يعرفه عن الواقي الذكري إنه مانع حمل بسيط من غير الست ما تضطر تستخدم وسائل منع حمل. إنما اللي كتير مننا ما يعرفوهوش إن الواقي الذكري مش بس مانع حمل، إنما كمان هو منتج جنسي بيساعد الزوج يستمر مدة أطول وبيمنع سرعة القذف. كمان فيه أنواع من الواقي الذكري بتبقى معمولة بتصميم معين لضمان إثارة الزوجة وإمتاعها بشكل أكبر.
مصادر ساعدتنا على كتابة المقال
