لحظة من أسعد وأجمل اللحظات لأي أم، هي اللحظة إلي بيكون فيها البيت نضيف ومتروق وريحته حلوة، في اللحظة بيبقى نفسنا الزمن يقف ونفضل مستمتعين بيها أطول فترة ممكنه. ريحه البيت الحلوة من أكتر الحاجات إلي بتفتح النفس على الحياة، وبتحسسنا كده بالراحه والإنتعاش، خصوصُا مع الحر والصيف والبيوت أغلب الوقت متقفله، في الحالات دي بنحتاج لمنتجات تكون فعاله وبتدوم لفترات طويلة عشان تخلي ريحه البيوت حلوة وتخلصنا من أي روايح غير مرغوب فيها.
المقال ده عملناه، عشان نساعدك تدلعي نفسك، عشان عارفين إن كأمهات الحاجات البسيطة دي بتفرق قوي معانا وبتخلي نفسيتنا أحسن، عشان كده هنشارك معاكي مجموعة منتجات رائعة لتعطير بيتك ومفروشاتك، لو استخدمتيها بإستمرار هتحسي فعلا بالفرق وهتضيف راحة نفسية على أجواء بيتك وتكون دايمًا ريحته جميلة ومميزة.
الشموع العطرية من Bath and body works
من أفضل أنواع الشموع العطرية على الأطلاق، ومصنوعة من زيوت طبيعية. أهم ما يميزها إنها بتعيش كتير جدًا،ريحتها قويه وبتسيب تأثير في غرف البيت مش زي أنواع تانيه ريحتها ضعيفة، وكمان في منها مجموعة كبيرة جدًا من الروايح المختلفة المناسبة لكل الأذواق. ما اقدرش أنكر إن سعرها غالي، بس حقيقي تستاهل إنك تقتنيها وكتير بيكون عليها خصومات وعروض مغرية.
معطر المفروشات من Glade
إختراع عظيم جدًا، لإنه آمن على المفروشات فبالتالي تقدري ترشيه على الستاير، الفرش، المخدات، هيديكي عبير خفيف جدًا يحسسك بالراحه والإنتعاش.
موود سبراي من Areej
سبراي معطر للجو لكل ريحة منه تأثير مختلف، زي مثلا تأثير بيساعد على النوم والإسترخاء، أو بيساعد على الإنتعاش، أو بيساعد على التقليل من التوتر وتحسين المزاج بشكل عام، كلها مصنوعة من منتجات وأعشاب وزيوت طبيعية بخلطات مختلفة لكل موود.
معطر الجو الكهربائي من Glade
المنتج ده من جليد غاية في الجمال خصوصًا إلي بريحة الفانيليا، وهو عبارة عن جهاز صغير بيركب فيه زجاجة بتحتوي على معطر زيتي، وصليه بالكهرباء في أي فيشة عندك، واستمتعي بريحه الفانيليا إلي هتتسرسب في المكان من غير ما تحسي. مناسب جدًا للإستخدام في الحمامات والغرف ذات المساحات الصغيرة.
إدخلي هنا عشان تعرفي إزاي تعملي بنفسك منتجات طبيعية لتنظيف المنزل
معطر المخدات باللافندر من The Bodyshop
ريحه اللافندر بتساعد جدُا على الإسترخاء والنوم، والمعطر ده هيخلي ريحه فرش السرير روعة ومشجعة جدًا للنوم بهدوء.
زيوت الفواحة من The Bodyshop
المصدر: pinterest
من أكتر الروايح إلي بتثبت في البيت هي روايح الزيوت العطرية في الفواحه، مش هتحتاجي أكتر من فواحة فخار وشموع صغيرة، ونقطتين تلاتة من الزيوت المميزة من The Bodyshop وخففيها بنسبة بسيطة جدًا من الميه، واستمتعي بريحه البيت.
إدخلي هنا عشان تتعرفي على 6 منتجات متجربة لتنظيف وتطهير البيت
المعطر والمطهر المركز من Astonish
المنتج ده متعدد الإستخدامات بشكل رهيب، وكمان مركز جدًا، وبيساعد على تعطير وتعقيم وتنضيف الأسطح.
إستخدميه بشكل يومي لتعطير أحواض الجمام والتواليت، ريحته قويه وبتدوم وكل ما تدخلي الحمام هتشمي ريحه حلوة، ده غير إنه كمان بينضف وبيعقم. المنتج مركز جدًا فتقدري تخففبه بالميه وتحوطيه في بخاخة في حمامك عشان تستخدميه بشكل يومي.
وبكده نكون شاركنا معاكي مجموعة متنوعة من المنتجات إلي تساعدك في تعطير كل حته في بيتك، لكن ما تنسيش إن تهوية البيت والمفروشات وتعريضها للشمس مهمة وصحية جدًا وأساسية لو عاوزة بيتك تكون دايمًا ريحته حلوة.
إدخي هنا عشان تعرفي إزاي تعملي بنفسك سبراي معطر للجو
التعليق باستخدام حساب فيس بوك