محتويات المقال
بدأت الموجة التانية من الكورونا، بس المرة دي نقدر نعتبر نفسنا محظوظين إننا عندنا شكل عام للوعي وطريقة الوقاية الحماية اللي كانت مجهولة لأكترنا في الموجة الأولى.
وعلشان كده، قررنا هنا نقول لك إيه هي المنتجات اللي استخدمناها على المستوى الشخصي وكان تأثيرها إيجابي لينا ومعانا وكانت خير عون لينا في الوقت اللي فات والوقت الحالي، تعالي شوفيها معانا واللي حرصنا إنها تكون سهلة التوفر وفي نفس الوقت بسعر معقول وجودة ممتازة.
جزامة أيكيا
الحلو في الجزامة دي إنك تقدري تعملي منها كذا دور حسب عدد أفراد أسرتك، وإنك تسيبيها برة الشقة، أو تحطيها ورا الباب مش هتاخد مساحة أبدًا، وباحب فيها إنها معدن وشبك في نفس الوقت، بحب أحط عليها مناديل مطبخ مرشوش عليها كحول أو كلور، بحيث لما تحطي الأحذية عليها هتتعقم من غير ما تطري تتعاملى مع الأحذية نفسها اللي بتعتبر وسيلة نشر عدوى حقيقية.
اشتريها من هنا.
لبيسة الأحذية
من المنتجات اللي مش باستغنى عنها أبدًا. كلنا أكيد يعرفها بس الصغيرة اللي كتير من أبهاتنا بيحبوها علشان تساعدهم في لبس أحذيتهم الكلاسيك، بس المنتج ده ميزته إن دراعه طويلة، وده كان مفيد بالنسبة لي في حاجتين. أول حاجة مش مضطرة أوطي لحد الأرض علشان أعرف ألبس، وتاني حاجة أقل احتكاك بالأحذية وبالتالي حماية زيادة.
اشتريها من هنا.
بخاخة المياه
من المنتجات الحلوة جدًا، وذات جودة عالية وتقدري تستخدميها لفترة طويلة من غير ما تبوظ. بحب جدًا أملاها كلور مخفف أو كحول بتركيز 70% واستخدمها في تعقيم أي مشتريات بره البيت، وفرت عليا مجهود وتعب كتير.
اشتريها من هنا.
علبة صغيرة
أنا باعتبرها منقذي الصغير، والسبب إن حجمها صغير لكن تقدر تشيل بخاخة المياه والمناديل المبللة وأي حاجة باستخدمها في التطهير أول دخولي البيت. منظمة مش بتاخد مكان ولايقة على أي ديكور لأن لونها شفاف وتقدري تشتريها بالغطاء بتاعها.
اشتريها من هنا.
أجمد 10 منتجات من أيكيا لا غنى عنها في أي بيت.
مطهر اليد
احنا كلنا حرفيًا مهما كان نوع بشرتنا عانينا من جفاف البشرة بسبب استخدام الكحول، وأصحاب البشرة الجافة والأكزيما كانت معانتهم حقيقية في الفترة دي، بس الحمد اللي قدرنا نلاقي منتجات قدرت تحل معادلة التطهير بكحول 70% + ترطيب للبشرة.
بنرشح لك منتجين هم Purifying Hand Sanitizer Gel من Vichy، والمنتج التاني la Roche posay gel hydroalcoolique، والاتنين وعن تجربة أثبتوا كفائتهم في الحماية والترطيب في نفس الوقت، تقدري تلاقيه في الصيدليات أو تطلبيه أونلاين من موقعهم في اللينكين دول.
كحول معطر:
من الحاجات اللي تكاد تكون مرفوضة عند الرجالة فكرة إنه يطلّع كريم مطهر ومرطب وبيعتبروا إن ده مظهر أنثوي، رغم إن مشاكل البشرة مش بتفرّق بين الجنسين، ده غير إن فيه ناس مش بتحب إحساس الكريم وبتفضل إحساس الكحول السائل سريع التبخر. علشان كده، بنرشح لك كحول من إنتاج Patchouli Eg، والحلو فيه إنه بروائح منعشة جدًا زي الليمون واللافندر والخوخ والتفاح والتروبيكال.
تقدري تشتري المنتج من هنا. وصفحتهم على فيسبوك هنا.
واقي الوجه أو الـ face shields
طبعًا مش هنقدر ننسى حبايبنا الصغيرين، اللي صعب rوي نحكم عليهم يلبسوا الماسك ويمشوا بمطهرات. علشان كده، جات فكرة الفيس شيلد اللي أثبتت إنها أكتر اختيار عملي بالنسبة لهم وبتساعدهم في إنها تحميهم وما تكونش معطلاهم.
هنرشّح لك بعض الأماكن اللي تقدري تشتري منها بسهولة زي:
- صيدليات العزبي اللي تقدري تاخدي تخفيض 5 % زيادة لو معاكي كارت راحة بالي
- سوق دوت كوم
- جوميا
كل اللي هنا كان نتيجة تجارب شخصية بتسعى بكل جهد للوصول للاختيار الأكثر عملية وبأعلى جودة وأقل تكلفة في الوقت والمجهود، ولو إنتي عندك خبرة شخصية إضافية، اكتبيها لنا في الكومنتات.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك