طرق منع تساقط الشعر عند المحجبات

مشاكل الشعر متعددة، لكن من أشهرها مشكلة تساقط الشعر، وإن كان كل السيدات معرضات للمشكلة دي بنسبة معينة، فأكيد إن النسبة دي بتزيد مع السيدات المحجبات. علشان كده، هنقول لك في المقال ده، ازاي توقفي مشكلة تساقط الشعر عند المحجبات.

طرق منع تساقط الشعر عند المحجبات

1. اتأكدي من عدم لف الحجاب بقسوة مفرطة حوالين فروة الرأس، لإن ده هيمنع شعرك من التنفس، وبالتالي هيضعف ويتساقط.
2. اختاري خامة حجاب طبيعية، زي القطن أو الحرير، لإن الخامات الصناعية والألياف هتقصف شعرك بسهولة، بسبب الاحتكاك المباشر بخصلات شعرك.
3. إذا كان الحجاب من الألياف الصناعية، فلازم تلبسي بندانة قطن تحته، أو أي بطانة قطنية تفصل ما بين الحجاب وشعرك.
4.  اربطي شعرك ربطة خفيفة تحت الحجاب، لإن ربط الشعر بقسوة، بيسبب ضعفه وتساقطه.
5. غيري تسريحة شعرك تحت الحجاب باستمرار، علشان لو كانت التسريحة هي “الكحكة”، أو أي تسريحة مشدودة على طول لورا، ده هينحل شعرك من قدام.
6. لازم تسرحي شعرك باستمرار، وكل مرة تسرحيه لوقت أطول ما يمكن، لإن ده بيساعد على تجديد وتنشيط الدورة الدموية في فروة الراس، وبالتالي بيحميه من التساقط، وبيدي له منظر صحي أكتر.
7. أول ما ترجعي بيتك، لازم تقلعي الحجاب فورًا، علشان تدي شعرك أطول فترة ممكنة للتنفس.
8.  تجنبي ارتداء الحجاب و شعرك مبلول، لإن رطوبة الشعر بتسبب قشرة الرأس.
9.  تدليك فروة الرأس أفضل طريقة لحصول المحجبة على شعر صحي، دلكي شعرك 5 دقائق يوميًا باستخدام أي زيت طبيعي تحبيه.
10. واظبي على ماسك طبيعي أسبوعي، يغذي شعرك ويرجع له اللمعان.
11. لو عملتي كل الطرق دي، وبرضه شعرك لسه بيتساقط، يبقى شعرك محتاج استشارة طبيب الجلدية، لإنه هيقدر يحدد فين المشكلة بالظبط، وممكن يديكي فيتامينات وأدوية مساعدة، على حسب حالتك.

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.