كل سنه وانتم طيبين، خلاص فاضل كام ساعة ويبدأ شهر رمضان 2022 والسحور والصيام وتبدأ حيرة كل يوم هنفطر إيه؟ ونتسحر إيه؟ ستات كتير بتحب ترتب وتجهز منيو لكل أسبوع عشان تكون متطمنة إن عندها كل الطلبات والمكونات اللي هتحتاجها توفيرًا للوقت والمجهود، وخصوصًا إن مشوار نزول السوبر ماركت بقى صعب حبتين في وجود فيروس كورونا بس الحمد لله مش منتشر أوي زي السنة اللي فاتت والاحتياطات الكتير اللي لازم ناخدها واحنا نازلين وإجراءات التعقيم للمنتجات اللي بنشتريها. عشان كده فكرة المنيو الأسبوعي مريحة وموفرة. وعشان نسهّل عليكي، جهزنا لك أربع منيوهات شاملة فطار وسحور رمضان. كل منيو منهم بيدور حوالين فكرة مختلفة وهنقولك انهارده منيو أول أسبوع في رمضان.
منيو أول أسبوع رمضان .. منيو شرقي بامتياز، فيه أغلب الأكلات المصرية الجميلة اللي كلنا بنحبه ومتعودين عليه. المنيو ده الهدف منه تقديم مقترح ليكي يساعدك في اختيار الأصناف مع بعضها مش شرط إنك تعمليه كله ورا بعض، لإن وارد جدًا إن يكون عندك بواقي أكل بعد يومين تلاتة تقدري تكسري بيوم وتخصصيه لبواقي الأيام السابقة عشان ما يكونش فيه هدر وعشان تريحي شوية من المطبخ. بنتمنى لك صومًا مقبولًا وإفطارًا شهيًا.
هتلاقي هنا 30 وصفة موجودة علي كل سفرة في رمضان.
منيو أول يوم رمضان 2022
منيو أكلات شرقية أول يوم رمضان – المصدر shutterstock
منيو فطار أول يوم رمضان
- الشوربة: شوربة لسان عصفور بالكرفس و الجزر
- سلطات أو مقبلات: سمبوسك باللحمة المفرومة والبقدونس – سلطة زبادي بالخيار
- أطباق رئيسية: محاشي مشكلة – بط محمر – كشك بالزبادي والبصل المحمر
- حلو: كنافة بيتي بالمكسرات
- عصير: خشاف بعصير البرتقان
منيو سحور أول يوم رمضان
- جبنة قريش بالطماطم والنعناع وزيت الزيتون
- فول بالطحينة والكمون
- بيض مقلي
- زبادي
- طبق خضراوات مشكلة
منيو تاني يوم رمضان 2022
منيو أكلات شرقية تاني يوم رمضان 2022 – المصدر tripsinegypt
منيو فطار تاني يوم رمضان
- الشوربة: كريمة بالفراخ
- سلطات أو مقبلات: بتنجان مخلل – سمبوسك بحشوة الأجبان
- أطباق رئيسية: طاجن بامية باللحمة – طاجن رز معمر بالقشطة
- حلو: باقي الكنافة من اليوم الأول – مهلبية قمر الدين
- عصير: خروب وسوبيا
منيو سحور تاني يوم رمضان
- تشكيلة من الأجبان
- شكشوكة بالبيض
- سلطة بطاطس مهروسة بالكزبرة والتوم
- عيش بلدي
- زبادي
ولأن الحظر مكمل معانا ممكن تشوفي هنا أماكن شراء ياميش رمضان 2020 أون لاين
منيو تالت يوم رمضان 2022
منيو أكلات شرقية تالت يوم رمضان 2022 – المصدر pinterest
منيو فطار تالت يوم رمضان
- الشوربة: شوربة شعرية بالطماطم
- سلطات أو مقبلات: سلطة بابا غنوج بالطحينة – طماطم مخللة
- أطباق رئيسية: رز بالخلطة – رقاق باللحمة المفرومة – فراخ مشوية – خضار مشكل مشوي بالزعتر والتوم
- حلو:مهلبية قمر الدين من اليوم السابق – قطايف محشية مكسرات
- عصير: كركديه وتمر هندي
منيو سحور تالت يوم رمضان
- طاجن فول بصلصة الطماطم والبقدونس
- جبنة فيتا بالفلفل المشوي والزعتر
- زبادي
- عيش بلدي
- سلطة فواكه
منيو رابع يوم رمضان 2022
منيو أكلات شرقية رابع يوم رمضان 2022 – المصدر slowmed
منيو فطار رابع يوم رمضان
- الشوربة: شوربة حمام
- سلطات أو مقبلات: سلطة بلدي – سبرينج رولز بالخضار
- أطباق رئيسية: حمام محشي بالرز – ملوخية – رز بالشعرية (كمية بسيطة لو بتحبي الملوخية مع الرز)
- حلو: رز باللبن مع الآيس كريم
- عصير: تمر باللبن وعصير برتقان
منيو سحور رابع يوم رمضان
- الفول بالحمص والزبادي
- سلطة بتنجان مشوي بالطماطم والبقدونس (الراهب)
- بيض مسلوق ومحمر في الزبدة مع الملح والكمون
- خضراوات مشكلة
- زبادي
- عيش بلدي
منيو خامس يوم رمضان 2022
منيو أكلات شرقية خامس يوم رمضان 2022 – المصدر cbcsofra
منيو فطار خامس يوم رمضان
- الشوربة: شوربة الشوفان بالطماطم
- سلطات و مقبلات: سلطة خضرا – فطاير محشية بالسبانخ – سلطة طحينة
- أطباق رئيسية: ورقة لحمة مع البطاطس – رز بسمتي بالزعفران
- حلو: كنافة بالقشطة وبطيخ ساقع
- عصير: قمر الدين
منيو سحور خامس يوم رمضان
- طاسة فول بالبيض العيون والسجق الشرقي
- بطاطس محمرة
- خضراوات مشكلة
- زبادي بالفواكه
- عيش بلدي
هنا ممكن تشوفي 5 أكلات بالبطاطس .. لذيذة وسهلة وسريعة
منيو سادس يوم رمضان 2022
منيو أكلات شرقية سادس يوم رمضان 2022 – المصدر cbcsofra
منيو فطار سادس يوم رمضان
- الشوربة: شوربة الذرة بالكريمة
- سلطات ومقبلات: سلطة بطاطس بالمايونيز – جلاش رول بالفراخ والخضار
- أطباق رئيسية: كفتة داوود باشا – رز أبيض
- حلو: بقلاوة بالمكسرات – كنتالوب ساقع
- عصير: جوافة باللبن
منيو سحور سادس يوم رمضان
- عجة بالبيض مع الخضروات
- طاجن بطاطس بيوريه بالزبدة واللبن والأجبان
- تشكيلة خضراوات
- زبادي بالعسل الأبيض
- عيش بلدي
منيو سابع يوم رمضان 2022
منيو أكلات شرقية سابع يوم رمضان – المصدر amwhatieat
منيو فطار سابع يوم رمضان
- الشوربة: شوربة جزر مع الجنزبيل
- سلطات ومقبلات: سلطة تبولة – سلطة خضرا – كوبيبة شامي
- أطباق رئيسية: مكرونة بالبشاميل – فراخ بانيه – خضار سوتيه
- حلو: سلطة فواكه
- عصير: دوم – عصير برتقان
منيو سحور سابع يوم رمضان
- سلطة عدس بجبة مدمس بالليمون والكمون وزيت الزيتون
- بيض أومليت رول بالجبنة الشيدر
- طعمية
- سلطة طحينة
- زبادي
- عيش بلدي
نتمنى ان منيو أول أسبوع في رمضان تكون مفيدة ليكي وتسهل عليكي حيرة الأكل كل يوم.
لو عايزة تعرفي طريقة عمل مشروبات رمضانية، ادخلي هنا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك