محتويات المقال
استكمالًا لسلسلة منيوهات رمضان اللي بدأناها الأسبوع اللي فات، هنقدم لكم النهارده منيو تاني أسبوع رمضان، وجبات فطار وسحور. المنيو الأسبوع ده هتكون منيو أكلات صحية ومليانة وصفات خفيفة عشان نلبي احتياجات كتير من الأمهات اللي بيحبوا يطلعوا من شهر رمضان من غير كام كيلو زيادة ما لهمش لازمة، ويحافظوا على أكلهم الصحي المتوازن. ومش معنى إننا هناكل أكل صحي حبتين في رمضان إنه هيكون ممل ومش شهي، بالعكس، ممكن الأكل يبقى صحي وفي تنوعه وطعمه يكون حلو جدًا. وده اللي هنقدمه لك النهارده من خلال منيو الأسبوع التاني لرمضان.
منيو تامن يوم رمضان
منيو الفطار
منيو أكلات رمضان – المصدر pinterest
منيو أكلات رمضان 2020 – المصدر jessicagavin
- الشوربة: شوربة لسان عصفور بدون دسم: حمصي لسان العصفور بدون دهون، استخدمي شوربة قليلة الدسم، ضيفي الكرفس والجزر لطعم لذيذ.
- سلطات أو مقبلات: سلطة تبولة بالكينوا: كينوا مسلوقة مع مكعبات صغيرة من البصل الأحمر والطماطم والبقدونس ودريسينج زيت الزيتون والليمون.
- أطباق رئيسية: فراخ مشوية، بطاطس مشوية في الفرن.
- حلو: قطايف عصافيري بدون قلي، محشية لبنة قليلة الدسم مع العسل الأبيض وقليل من المكسرات.
منيو أكلات فطور وسحور رمضان – المصدر pinterest
منيو السحور
- بارفيه الزبادي بالفواكه: طبقات من الزبادي والفواكه المشكلة والعسل الأبيض والشوفان تقدري تجهزيه من بعد الفطار على طول عشان تاكليه على السحور.
منيو تاسع يوم رمضان
منيو الفطار
منيو تاني أسبوع رمضان – المصدر marleyspoon
- الشوربة: شوربة طماطم بالشوفان بدون كريمة.
- سلطات أو مقبلات: سبرينج رولز مخبوزة في الفرن بحشوة الخضار، سلطة زبادي قليل الدسم مع الخيار.
- أطباق رئيسية: كفتة مشوية قليلة الدهون: تقدري تضيفي لها شوية من البقسماط الناعم عشان تحافظي على طراوتها. فريك بعصير الطماطم، خضار سوتيه (لعمل خضار سوتيه لذيذ، سوي الخضروات بالبخار للحفاظ على لونها وقيمتها الغذائية وبعدين شوحيها في القليل من زيت الزيتون مع التوم المهروس والزعتر أو الروزماري).
- حلو: بطيخ ساقع
منيو السحور
- سلطة جبنة قريش مع الطماطم والنعناع وبودرة التوم مع توست بني محمص
- زبادي خالي الدسم
منيو عاشر يوم رمضان
منيو الفطار
منيو أكلات فطار وسحور رمضان – المصدر pinterest
منيو تاني أسبوع رمضان – المصدر malaysianchinesekitchen
- الشوربة: شوربة خضار مشكل مع الذرة الحلوة
- سلطات أو مقبلات: فطاير مخبوزة في الفرن بحشوة السبانخ، سلطة زبادي قليل الدسم مع الخيار
- أطباق رئيسية: أسياخ شيش طاووك مشوية مع الخضار، رز بسمتي بالكركم مع البسلة والجزر
- الحلو: مهلبية بمياه الورد محضرة باللبن خالي الدسم وسكر الفركتوز مع الفواكه المشكلة.
منيو السحور
- سلطة مكونة من الجرجير والخس والجبنة الحلوم المشوية مع الطماطم الشيري وعين الجمل ودريسينج الخل البلسمي مع العسل وزيت الزيتون.
- زبادي مع الشوفان والعسل.
منيو اليوم الحادي عشر من رمضان
منيو الفطار
منيو أكلات إفطار وسحور رمضان – المصدر heatherchristo
- الشوربة: شوربة سي فوود بالطماطم بدون كريمة (الطريقة: هتشوحي الخضروات بصل وجزر وكرفس والطماطم والبطاطس لإضافة قوام للشوربة في قليل من زيت الزيتون مع الأعشاب اللي تفضليها، ضيفي مرقة السمك أو الخضار وسيبيها تغلي لحد تمام تسوية الخضار، اضربيها بالمضرب اليدوي وضيفي لها السي فوود، قدميها مع أوراق الكزبرة الخضراء والبصل الأخضر). لمعرفة طريقة مرقة السمك، ووصفة شوربة السي فوود بالكرفس، زوري الصفحة دي.
- سلطات أو مقبلات: سلطة خضراء بلدي
- أطباق رئيسية: سمك مشوي في الفرن مع خضراوات مشكلة، رز أبيض قليل الدهون أو مسلوق.
- الحلو: كاسات الكنافة مع الجبنة الريكوتا بالعسل والمانجا (افركي الكنافة بكمية بسيطة من الزيت وافرديها في صينية للفرن مع تقليبها باستمرار تحت الشواية لحد ما تقرمش وتاخد لون دهبي)
منيو السحور
- فول إسكندراني مع زيت الزيتون والبصل والطماطم مع العيش البلدي.
منيو اليوم التاني عشر من رمضان
منيو الفطار
منيو أكلات فطار وسحور رمضان – المصدر libaliano
- الشوربة: شوربة مشروم بدون كريمة (للوصول لقوام كريمي بدون كريمة، دوبي شوية من الدقيق في اللبن البارد وضيفيهم للشوربة مع التقليب)
- سلطات أو مقبلات: سلطة بتنجان مشوي (الراهب)، سمبوسك باللحمة مخبوزة في الفرن.
- أطباق رئيسية: فتة فراخ بالزبادي والحمص (شرايح خبز أسمر محمصة في الفرن، شرايح فراخ مسلوقة، صوص الزبادي مع التوم وقليل من الطحينة والسماق)، خضار مشكل مشوي في الفرن
- الحلو: سلطة فواكه
منيو السحور
- أومليت رول بالخضروات المشكلة والزيتون مع التوست الأسمر
منيو اليوم السادس عشر من رمضان
منيو الفطار
منيو أكلات فطور وسحور رمضان – المصدر egypttoday
- الشوربة: شوربة البروكلي ( هنا ممكن تشوفي 10 أنواع شوربات في رمضان ومنهم شوربة البروكلي )
- سلطات أو مقبلات: سلطة الكول سلو مع دريسينج بالزبادي اليوناني كبديل للمايونيز
- أطباق رئيسية: محشي ورق عنب باللحمة المفرومة، شرايح صدور الفراخ المشوية على الجريل بتتبيلتك المفضلة
- الحلو: سلطة فواكه
منيو السحور
- توست أسمر محمص مع بيورية الحمص بالطحينة والهريسة وزيت الزيتون
- خضراوات مشكلة
- زبادي
منيو اليوم السابع عشر من رمضان
منيو الفطار
منيو أكلات فطور وسحور رمضان – المصدر pinterest
منيو تاني أسبوع رمضان – المصدر gormandizewithus
- الشوربة: شوربة القرع والجزر
- سلطات أو مقبلات: سلطة جرجير مع المشروم والعنب ودريسينج المستردة والعسل وزيت الزيتون
- أطباق رئيسية: مسقعة باللحمة المفرومة قليلة الدسم (تبلي البتنجان بزيت الزيتون والليمون وبودرة التوم واشويه كبديل للقلي واستخدمي لحم مفروم بدون دهون)، برغل خشن مفلفل (بنفس طريقة الرز الأبيض)
- الحلو: أصابع جلاش مخبوزة في الفرن محشية بجبنة الريكوتا مع الفواكة المجففة، وتقدم مع العسل الأبيض وقليل من المكسرات المطحونة
منيو السحور
- رولات اللبنة بالزعتر اللبناني وزيت الزيتون مع شرايح من الخيار وأوراق النعناع الطازة في خبز تورتيلا القمح الكامل
- فواكه مشكلة
ممكن تشوفي هنا طريقة عمل البسبوسة بالقشطة من منال العالم
التعليق باستخدام حساب فيس بوك