أكلة السمك بتبقى من الأكلات النادرة طوال شهر رمضان وده بسبب إن السمك مرتبط بسمعة إنه ببعطش وبينيم، هتاكلي السمك من هنا وهتفضلي عطشانة لحد تاني يوم صيام. ده غير القيلولة اللي لازم هتناميها بعد أكلة السمك دي. بس الحقيقة إنه مفيش أي حقيقة علمية مرتبطة بين السمك والنوم. ولا إنه السمك ممكن يخليكي تعطشي لحد تاني يوم في الصيام. ولو حاسة إن السمك بيعطشك فعلًا، ممكن تعوضي ده بالسوايل طول فترة بعد الفطار. والحقيقة إن أكلة السمك بتبقى شكلها حلو لو عندك عزومة في رمضان، هي ممكن تبقى مكلفة شوية بس هتريحك من جهد التحضير لو اشتريتي السمك جاهز من أي مطعم سمك. ورمضان السنة دي هييجي معاه عيد شم النسيم فلو نفسك تحتفلي بشم النسيم من غير ما تاكلي رنجة وفشيخ ممكن تعملي عزومة سمك. وفي الموضوع ده، هنقول لك على منيو عزومة سمك في رمضان 2022 لو نفسك تجربي عزومة في رمضان بشكل جديد.
منيو عزومة سمك في رمضان
الطبق الرئيسي في عزومة السمك
وده طبعًا هيكون السمك، والسمك أذواق وأنواع كتير ولازم تنوعي في أصناف السمك عشان تقدري ترضي كل أذواق المعازيم وممكن تنوعي الأصناف بين المشوي والمقلي والطواجن. ومن ضمن أصناف الأطباق الرئيسية في عزومة السمك هي:
- سمك بوري مشوي.
- سمك ماكريل.
- بوري سنجاري مشوي.
- سمك بلطي مقلي.
- فيليه قشر بياض مشوي أو مقلي.
- طاجن سمك بالصلصة في الفرن.
- جمبري مشوي.
- جمبري مقلي.
- سبيط مشوي.
- سبيط مقلي.
- استاكوزا.
- بلح البحر.
ممكن ٣ وصفات سهلة وسريعة لعمل السلمون في البيت
الأطباق الجانبية في عزومة السمك
طبعًا أي أكلة سمك هتحتاجي جنبها أصناف جانبية كتير عشان ترضي كل أذواق المعازيم زي:
- رز الصيادية.
- مكرونة وايت صوص بالجمبري.
- رز أبيض.
- ملوخية بالجمبري.
اعرفي كمان طريقة عمل الجمبري المقلي في البيت من هنا
مقبلات عزومة السمك
ودي أساسية في كل عزومة سمك وهي اللي بتحلي أكلة السمك وتضيف ليها نكهة خاصة ومن ضمن المقبلات اللي ممكن تعمليها:
- شوربة سي فود.
- سلطة خضراء.
- سلطة طحينة.
- سلطة بابا غنوج.
- سلطة الراهب بالرمان.
- سلطة الرنجة.
- كروكيت السمك.
- اصابع السمك المقرمشة.
- مخلل الطماطم بالتوم.
- بطاطس محمرة للأطفال.
هنا ممكن تشوفي أفضل 10 أماكن سمك دليفري في مصر
التعليق باستخدام حساب فيس بوك