محتويات المقال
رجل برج الجدي هو المولد في الفترة ما بين 22 ديسمبر – 19 يناير. بينتمي برج الجدي إلى الأبراج الترابية زي برج العذراء، وبرج الثور. بيسيطر على رجل هذا البرج عنصر الأرض أو التراب، وده اللي بيخليه محب للاستقرار جدًا. فتعالي نتعرف على تفاصيل صاحب البرج ده بشكل أكبر.
توافق الأبراج مع برج الجدي
برج الجدي بيتفق عمومًا مع برج العذراء وبرج الثور وبرج العقرب وبرج الحوت، لكن مش مع برج الأسد وبرج الميزان وبرج الجوزاء وبرج الحمل. يعني مش صديق أول للأبراج النارية والهوائية. ومن الناحية العاطفيّة، أفضل شريك لبرج الجدي هو امرأة برج العقرب، وممكن برضه يتفق عاطفيًا مع كل من برج العذراء وبرج الثور. فالجدي بيحب وبينجذب دايمًا للأشخاص الطموحين أكثر من غيرهم.
رجل برج الجدي والحب
طبيعة رجل برج الجدي بتخليه له سمات معينة في الحب زي إنه بياخد الحب على محمل الجد زي ما بيقولوا مش بيهرج فيه أبدًا. مش بتاع كلام حلو، يعني ما بيعرفش يقول كلام غزل في حبيبته حتى لو هو بيحبها جدًا. أبعد ما يكون عن التلاعب بمشاعر اللي حواليه، وصبور جدًا على ما يلاقي الحب الحقيقي لأن هو ده هدفه الأساسي في العلاقة: إن الحب يكون حقيقي.
عنده مبدأ إنه مش بيقرب من أي حد في حياته إلا لما يكون متأكد من صدق مشاعره. ورغم طبيعته الهادية إلا إنه رومانسي جدًا، ومش بيدور غير على العلاقات العاطفية المستقرة الطويلة الأمد.
رجل برج الجدي والعمل
رجل برج الجدي من أكثر الأشخاص المجتهدة في الشغل لدرجة إنه مش بيتأخر ولا يكسل إنه يعمل كل اللي يقدر عليه وزيادة علشان يحقق أهدافه. رجل عملي جدًا وبيعرف ازاي يدير معاملاته المادية بحكمة، بيستثمر أمواله في المشاريع المدروسة والواقعية بعيدًا تمامًا عن روح المجازفة، يعني مش بيقدم على أي خطوة إلا إذا درسها كويس جدًا.
رجل برج الجدي والصحاب
رجل برج الجدي عنده علاقات سطحية كتير، وأصدقاء قليلين. أصدقاء برج الجدي بيحبوا التواجد معاه عشان شخص سهل في تعاملته رغم طباعه الغريبة وبروده أحيانًا. من عيوبه في الصداقة إن ما عندهوش أي استعداد للتنازل أو المسامحة. ودايمًا بيتوقع السوء في حياته. نظرته للحياة فيها تشاؤم شوية.
هو برج عمومًا بيحب يبقى منعزل، وده مرتبط بطبيعته، وبيفضل الخروج للأماكن الهادية اللي مافيش فيها زحمة أو بشر. ورغم كده رجل برج الجدي صديق قوي.. وهيكون دايمًا جنب الصديق اللي عايز مساعدته. بيعرف ازاي يراعي اللي يصاحبه ودايمًا موجود علشانه.
رجل برج الجدي والموضة
بما إنه شخصية صادقة وصريحة وبيميل للوضوح في تعاملاته مع الغير وبما إنه كمان هادي، هتلاقيه بيهتم جدًا بمظهره ويفضل دايمًا اختيار الملابس السادة البعيدة عن الخطوط والمربعات. بيختار الألوان الداكنة زي الأسود والأزرق والرمادي الداكن.
كيف تتعاملين مع رجل برج الجدي؟
بسبب طبيعة رجل الجدي الترابية، هتلاقيه بيحب يمشي حسب قواعد محددة. بيكره جدًا إن حد يكسر روتينه اليومي سواء في العمل أو البيت، وعادة مش بيحب المفاجآت خالص، بالعكس بتوتره وتضايقه. ما تتوقعيش ينبهر بأي مجهود هتبذليه في سبيل إنك تفاجئيه! هو راجل بيميل للواقعية وبيدوّر على الأمور المرتبة. لكن علشان توصلي إلى قلبه، هنقدم لك شوية النصائح هتساعدك:
- كوني متفهمة لطبيعته الترابية.
- تعاملي معه بجدية.
- ناقشيه وكلّمي عقله.
- تجنبي اللعب بعواطفه.
- أظهري له دعمك لأفكاره.
- كوني صبورة.
دي أهم النقاط اللي هتحتاجي تتعاملي على أساسها. بننصحك تكوني على طبيعتك. قولي لنا لاقيتي الصفات دي في رجل برج الجدي؟
المصادر
www.horoscope.com
www.astrostyle.com
www.msn.com
التعليق باستخدام حساب فيس بوك