محتويات المقال
بيتميز رجل برج الحمل بقوة الشخصية، والجرأة، والطموح، والاندفاع، والتهور، والحماس والحيوية. ولكونه أول برج فلكي، فهو بيحب البقاء في المركز الأول. بيدور دايمًا على الاهتمام، وبيتصف بالعناد والتعنت في آرائه. بيلتزم بالقيام بعمله ضمن الطريقة اللي بيفكر فيها. وبيرفض الخضوع لآراء الغير تمامًا، أو تقبل وجهات نظرهم. ومعروف عنه إنه رجل شجاع لا يعرف الخوف، وطفل فوضوي لا يعرف الانضباط، طفل زنان. بالإضافة إلى إنه مش بيخاف يكون تحت الأضواء. بيحب تقديره لذاته، وبيحب اللي يقدره، وكل الصفات دي لا تنطوي تحت مسمى النرجسية. لإن قدراته وإجادته لعمله بيخليه في دايرة الفخر اللي بيعملها.
توافق الأبراج مع برج الحمل
بيتوافق برج الحمل الناري مع الأبراج التانية بدرجات مختلفة. فهو بيغرم بمواليد برج العقرب. وأكتر الأبراج اللي بتزعجه هو برج الميزان. أفضل الأصدقاء بالنسبة له هو الدلو، وأكتر الأبراج صعوبة في التعامل هو الحوت.
رجل برج الحمل والحب
رجل برج الحمل بيحس لما بيقع في الحب إنه محتاج للقتال علشان يحصل على قلب اللي حبها. وده نابع من شخصيته النارية المحاربة اللي بتدفعه للاستمرارية والتكرار بثبات في محاولة كسب ود الطرف الآخر، من غير حتى ما يفهم هو حاسس بإيه. وده اللي بيخليه مش بيعرف يعبر كويس عن مشاعره قدام اللي بيحبه. وده اللي بيخليه يا يكون مكسوف جدًا أو متعصب جدًا، إلا أن سلوكه هيكون واضح بالنسبة للطرف الآخر ومش محتاج لتفسير. لأن تصرفاته بتدل إنه مش عارف يوصّل مشاعره.
رجل برج الحمل والعمل
رجل برج الحمل بيحب يكون القائد دايمًا. وبيفضل حمل المسؤولية لإتمام أي عمل مهما كان التحدي فيه صعب. واللي بيميزه دايمًا هو حبه للتألق، والإبداع في العمل، وتقديم أفضل ما يمكن أن يكون. طموحه بيدفعه للبقاء دايمًا في القمة. ولإن حس القائد جواه بيسيطر عليه دايمًا، فهو من أكثر الأشخاص التزامًا في أداء عمله، وأكثرهم تطورًا فيه. لإنه بيقوم بواجبه بدافع الحب مش بدافع الواجب أو المهمة. وده اللي بيدفع الغير لأخذ استشارته في العديد من الأمور اللي تختص العمل، إلا إن الطبيعة التنافسية عنده ممكن تولّد له شوية مشاكل في العمل لإنه بيفضّل إنه يقوم بكل حاجة لوحده متجاهل إنه شغال وسط فريق. علشان كده، أكبر إنجاز للرجل الحمل بيجي من وجود علاقة تفاهم بينه وبين زملائه اللي بيستفيدوا هم كمان بالمقابل من طاقته اللا محدودة في العمل.
رجل برج الحمل والصحاب
بيتميز رجل برج الحمل بإخلاصه الكبير لأصحابه، وتقديره ليهم، وتفانيه في عمل أي حاجة لمساعدتهم في أي مشكلة بتواجههم. بيتوقع منهم المثل. وإذا اكتشف عكس ده، بيقطع علاقته فورًا. رجل برج الحمل بياخد المبادرة في عمل أي مهام بين أصحابه عشان صفة القائد جواه. مستعد يواجههم بأي أخطاء يعملوها من غير ما يبذل أي جهد في تحضير الكلام، وده اللي بيخليه يخسر أصحاب كتير، لإن عفويته وصراحته بتخلي ناس كتير ينفروا منه. رجل الحمل معروف بالعفوية في التعامل مع كل حاجة حواليه.
رجل برج الحمل والموضة
بيحب الموضة قوي وبيحب يجرب الموضات الجديدة والمميزة، بيحب اللون الأحمر. ومعروف إنه رائد الموضة في شلته ولبسه شيك وذوق.
كيف تتعاملين مع رجل برج الحمل؟
- اتغزلي فيه طول الوقت.
- بيحب الثقافة، فاتكلمي معاه في مواضيع كتير ومختلفة.
- عامليه باهتمام لإنه بيحب يكون مركز اهتمام.
- اتقبليه زي ما هو عشان مش هيتغير، وما يحبش حد يقول له اتغير.
- بيحب الواثقة من نفسها.
- بيحب يكتشف اللي قدامه فبلاش تقولي له كل أسرارك مرة واحدة.
- جددي باستمرار وتجنبي الروتين.
- خليكي عفوية تكسبي قلبه.
- ما تقيديهوش.
هي دي خطة التعامل مع رجل برج الحمل، وتأكدى إنك لو كسبتي قلبه، هتستمتعي بكل وقت ليكي معاه.
المصادر
www.horoscope.com
www.astrostyle.com
www.msn.com
التعليق باستخدام حساب فيس بوك