محتويات المقال
يتميز رجل برج الحوت بالصدق والوضوح، بجانب تمتعهم بشخصية عطوفة وكريمة وحبهم للخير. هم بيتميزوا بالحب والرومانسية والعاطفة وبيميلوا للخيال وبيفضلوا الأجواء الهادية والشاعرية. وبرج الحوت بينتمي للأبراج المائية. ومواليده في الفترة ما بين 19 من فبراير إلى 20 مارس. بيمتلك العديد من الصفات التي تميزه عن غيره.
توافق الأبراج مع برج الحوت:
رجل برج الحوت والحب
لو عايزة تتعاملي مع مولود برج الحوت صح في الحب، محتاجة تتعلمي شوية حاجات هتساعدك في الهدف ده:
- حفظ الأسرار
بيحب رجل الحوت أن تحفظ المرأة الأسرار الخاصة بيه. علشان كده هو بيختار بعناية المرأة اللي تقدر حفظ أسرار بيتها. خاصة أن رجل برج الحوت من الرجال اللي بتتميز بالكتمان الشديد على أسرار البيت.
- الاستمرار في الأحلام
بيفضل الرجل من برج الحوت المرأة اللي بتحلم بشكل مستمر ولا تتوقف عن الأحلام، لإن أصحاب البرج ده بيحلموا بالمستقبل وتحقيق النجاح والوصول للأهداف المختلفة باستمرار. علشان كده فهو بيفضل إن شريكة حياته تكون عندها نفس الصفة.
- الشعور بالمسؤولية
بيحب المرأة اللي بتقدر تحمل المسؤولية، لإن أصحاب برج الحوت هم نفسهم معروف عنهم الكسل وده اللي بيخليهم بيعتمدوا على الزوجة اللي هي نفسها بتحب تحمل المسؤولية.
- التميز بالطيبة
الرجل الحوت بيعشق المرأة الطيبة اللي بتتميز بالقلب الطيب الأبيض النقي. لإن رجل الحوت بيشعر بالأمان مع المرأة الطيبة الحنونة.
- الإخلاص والوفاء
لو اتصفت المرأة بالوفاء والإخلاص، فرجل برج الحوت هيتعلق بها جدًا لإن رجل الحوت بيختار المرأة المخلصة اللي بتحسسه بنوع من الاستقرار العاطفي.
- حب مساعدة الآخرين
أهم ما يميز رجل برج الحوت هو حب مساعدة الغير. علشان كده، فهو بيفضل إن الست اللي بيحبها تقدر تساعد الغير.
رجل برج الحوت والعمل
- كموظف، بيتميز مولود برج الحوت بإنه صاحب خيال، بيساعده في التفكير وتطوير أفكار جديدة ومختلفة. علشان كده، ممكن الاعتماد عليه في وضع خطة تطوير الشركة لزيادة إنتاجها، والتفكير في إيجاد حلول مختلفة لمشاكلها.
- بيحب يشتغل لوحده لإن من أهم صفاته الاستقلال وعدم اتباع الغير. علشان كده، مش بيحب العمل الجماعي.
- بيتأثر ببيئة العمل جدًا. علشان كده، لو كانت محبطة، هتلاقيه بقى محبط وكسول جدًا وممكن ما يشتغلش والعكس صحيح. علشان كده، هو بيحب يشتغل في محيط مليان بالنشاط والحيوية.
- بيتميز رجل برج الحوت بالطموح اللي بيخليه يفكر ويبدع في شغله ليحقق خططته اللي رسمها لنفسه من الأول، علشان يوصل للمكانة اللي هو مخطط لها.
- يعتبر من صفات برج الحوت الانطوائية وعدم الرغبة في الاختلاط مع الغير أو استعراض إنجازاته.
- يستطيع موظف مواليد برج الحوت أن يتكيف مع أي تغيير يطرأ على العمل. سواءً تغيرات مالية أو رؤساء عمل أو حتى الانتقال لعمل آخر، وده بيساعده على تحقيق الكثير من الانجازات خلال العمل.
رجل برج الحوت والصحاب
بيتميز بالإخلاص والوفاء في الصداقة، وعنده شخصية اجتماعية ومحبوبة. وده بيخليه ياخد حب وثقة المحيطين بيه. وبيتمتع بشبكة كبيرة من العلاقات والأصدقاء اللي بيتشاركوا معاهم في كل اللحظات السعيدة والحزينة.
رجل برج الحوت والموضة
لازم يحس بالراحة في اللي بيلبسه، وبيحب اختيار الخامات الناعمة القيمة وبيحب الألوان الفاتحة والمشرقة.
ازاي تتعاملي مع رجل برج الحوت؟
تقدري تتبعيي بعض من الطرق والخطوات للتعامل مع رجل برج الحوت، واللي من خلالها هتقدري تنجحي في علاقتك معاه ومنها:
- الاهتمام بالفنون:
بيهتم بالفنون والموسيقى والنحت والفلسفة، إظهارك الاهتمام بالفنون من الحاجات الجذابة جدًا لرجل برج الحوت.
- الاجتماع مع الأصدقاء والعائلة:
اجتماعي جدًا، وبيتعامل مع أصدقائه كإنهم أسرته. وبيتعامل مع أسرته زي أصدقائه، وبيحب يحس إن عائلته مرحب بها. علشان كده لازم احترامهم جدًا.
- المرأة الخيرة والمعطاءة:
بيتأثر باللي بيحصل في العالم، وبيلاحظ الفقر وقسوة الحياة. علشان كده، لازم تكون شريكته شخصية خيرة ومعطاءة وكريمة مع الغير بشكل معتدل.
- تقضي وقت طويل معاه:
يعتبر رجال البرج ده واضحين في الحب، بيفضلوا البقاء مع شريكتهم أكثر من الأصحاب، بيحبوا الاهتمام، علشان كده لازم شريكة حياته تكون جنبه دايمًا وبتقضي معظم وقتها معاه.
- البعد عن الغش والكذب والخداع:
لازم تبعدي تمامًا عن الغش أو الكذب والخداع على رجل برج الحوت. ده لإن عنده قدرة على كشفه من الأول خالص.
تقدري تقولي هي دي خلاصة استراتيجية التعامل مع رجل برج الحوت. اتبعيها وهتلاقي إنك كسبتيه تمامًا.
المصادر
www.horoscope.com
www.astrostyle.com
www.msn.com
التعليق باستخدام حساب فيس بوك