محتويات المقال
رجل برج السرطان بيتميز إنه خجول وحساس وبتحركه العواطف، هو كائن بيتغذى على الحب والاهتمام والرعاية. ده غير إنه بيستمد إحساسه الإيجابي بالحياة من حب اللي حواليه والقريبين. لكن رغم كده، بيغلب عليه الطابع النكدي أو الحزين بسبب رومانسيته المبالغ فيها. ده غير إنه بطبيعته انطوائي وبيحب البيت عن الخروج في تجمعات ومناسبات وبيعتبر اللون الأزرق هو لونه المفضل. تاريخ ميلاده بيتراوح ما بين 21 يوينو وبينتهي في 22 يوليو.
توافق الأبراج مع برج السرطان
أفضل شريك لبرج السرطان هو برج الجدي وده بسبب إنهم متفاهمين ومنسجمين جدا مع بعض وبيفكروا بنفس الطرقة. أما أسوأ شريك بالنسبة له فهو برج الميزان.
رجل برج السرطان والحب
الحب شيء مقدس عند رجل برج السرطان، وده بسبب العاطفة اللي بتغلب على شخصيته. بيحب التجمعات العائلية والتجمعات مع الأصدقاء اللي بتربطهم بيه علاقه محبة صادقة قوية. يعتبر من أوفى الأصدقاء، وده لأنه بيهتم بيهم وبيقدم لهم كل الاهتمام والحب. علاقاته العاطفية مع الطرف الآخر أو الشريك بتبدأ لما يحس معاه بالأمان. فبعدها بيقدر يقدم كل مشاعره له ببطء بسبب خوفه من الانكسار والألم. وبيحتاج دايمًا من الشريك أن يشاركه بالمشاعر وييثبت له أنه يستحق قلبه فعلًا.
رجل برج السرطان والعمل
بيتمتع رجل برج السرطان بأخلاقيات العمل وبياخده بكل جدية وبيحب يصرف جدًا على أسرته اللي بيحبها. وبيحب فكرة العمل في أعمال العائلة. فحتى هتلاقيه بيحافظ على أخلاق العيلة وهو في شغله.
رجل برج السرطان والصحاب
رجل برج السرطان شخص محب ودود بحب أصدقائه وعائلته وبيتعاطف معهم ولكن تقلبات مزاجه وتعليقاته اللي بتظهر غيرته لو اللي حواليه أظهروا اهتمام بحد غيره بتسبب إزعاج للقريبين منه.
رجل برج السرطان شخص مخلص سهل الوثوق فيه والاعتماد عليه، فهو بيقوم بحماية اصدقائه مهما كان الثمن ومن نقاط القوة عنده هو إن لو جاله حد قريب منه حزين. عنده القدرة على تغيير نفسيته. شخص مستعد لتقديم المساعدة عند الحاجة على الرغم إن عنده صعوبة في التعبير عن مشاعره وأفكاره إلا إنه بيقوم بترجمتها عمليًا من خلال المواقف.
رجل برج السرطان والموضة
يميل رجل برج السرطان للستايل الكلاسيكي والتقليدي. بيفضل الملابس المريحة واللي بتتميز بالشكل الرجولي والشياكة في نفس الوقت. بيختار دايمًا الأقمشة الخفيفة والمريحة على بنطلون جينز وخلاص، بيحب اللون الأزرق. ومحب جدًا للديكورات والأكسسورات وبيصرف عليهم فلوس كتير بشرط تجمع ما بين الشياكة والقيمة الحقيقية.
كيف تتعاملين مع رجل برج السرطان؟
بيتمتع بصفات كتير مميزة. فهو قوي من الخارج وحساس جدًا من جواه. وأحيانًا بيحتاج لحماية نفسه ومشاعره وبيعمل كده من خلال التظاهر بالقوة المبالغ فيها والقسوة. وعلشان تعرفي تتعاملي معاه، هتحتاجي تعرفي تعملي شوية حاجات زي:
- لازم تكوني صبورة في التعامل معاه لحد ما يقدر يثق فيكي وينفتح في مشاعره معاكي.
- لازم تكوني صادقة تمامًا معاه علشان تقدري تبني علاقة قوية معاه، فالصدق أهم الأمور عنده.
- بيحب إن اللي حواليه يتكلموا معاه بهدوء وأسلوب لطيف من غير ما يجرحه لأنه أوقات كتير بيفهم الكلام على إنه شخصي وموجه له.
- ابعدي عن خذلانه علشان تقدري تحافظي عليه كشخص محب.
- تقدري تكتسبي ثقته وحبه لو قدرتي تتجاهلي كسوفه وتتفهمي مشاعره.
- من أقرب الطرق إلى قلبه أسرته. لو قدرتي تكسبي قلب أسرته، هيثق فيكي وينفتح معاكي في مشاعره من غير خوف ولا تردد.
- ابعدي تمامًا عن محاولات إثارة غيرته لإنك هتفقديه.
- احترمي رغبته في البعد عن الزحمة ورغبته في إنه يقضي الوقت معاكي بهدوء في البيت.
- أحيانًا بتهاجمه مشاعر الإحساس بعدم الأمان وفي الوقت ده لازم تكوني جنبه وبتقدمي له الدعم المطلوب.
- استعيني بمامته لأنه غالبًا بيكون علاقته قوية معاها وبتكون هي أحسن حد عارف يتعامل معاه.
تقدري تقولي إن هي ده سمات رجل برج السرطان العامة. فقولي لنا: لاقيتها عنده ولا لأ؟
المصادر
Horoscope
Astrostyle
MSN
التعليق باستخدام حساب فيس بوك