محتويات المقال
رجل برج القوس بيتميز بالكرم والانطلاق والحماس والحيوية. ده غير حبه غير العادي للسفر والتعرف على الثقافات الأخرى. أحلامه كتيرة جدًا وطموح لأقصى حد، وروحه المنطلقة دي بتخليه شخص صاحب ثقافة وعقلية منفتحة وجذاب ومبهر. بيحب الفلسفة، ونظرته للأمور دايمًا بتكون من زاوية مختلفة. يقدر يحول أفكاره لأفعال وعنده إصرار شديد على تحقيق رغباته، رجل مرح ومتفائل دايمًا وإيجابي باستمرار. طيب لدرجة يحسسك إنه طفل شوية. بيكره الكدب والخداع لأقصى حد.
توافق الأبراج مع برج القوس
برج القوس من الأبراج النارية. علشان كده، علاقته بالأبراج النارية الأخرى قوية خصوصًا الحمل والأسد. يغرم مولود برج القوس بمواليد برج السرطان. وأكثر الأبراج اللي بتضايقه هو برج الجوزاء. أفضل الأصدقاء بالنسبة له هو الميزان، وأكثر الأبراج صعوبة في التعامل العقرب.
أما بالنسبة لتوافق الزواج لبرج القوس: أنسب شريك هو الجوزاء، وأسوأ شريك هو العذراء
توقعات الأبراج 2021 من ماجي فرح
تتوقع ماغي فرح السنة دي إن أحوال وظروف رجل برج القوس هتتبدل وتكون أفضل، وده سبب انتقال كوكب المشتري إليه. لأن اللي بيحصل له من الانتقال ده. هيديهم دعم وحظ كويس جدًا للنجاح والتقدم في كل جوانب حياته. وبيقدر يعوض الظروف السيئة اللي شافها في السنين اللي فاتت. لإنه بيكون اتعلم من أخطاء الماضي. وهيكون السنة دي واعي أكتر وأكثر ثقة في إمكانياته وأكثر قدرة على التأثير على المحيطين به.
رجل برج القوس والحب
برج القوس من أجمل الأبراج في الحب، بيتميز بعاطفة قوية وحنان كبير. ولما بيقع رجل برج القوس في الحب بيحافظ على شريكته طول العمر وبيحاول إسعادها بكل الطرق. بيحب يقول كلام حلو دايمًا، اهتمامه بالحب مش بيكون مبني على الشكل بس، هو بيحب الذكاء زي الجمال. ومهما وصلت درجة حبه، بيفضل حريص ومصر جدا على الاحتفاظ بحريته.
ينسجم رجل برج القوس مع الشخصيات المتزنة والقوية اللي بتقدر تتفهم حاجته للاستقلالية. بيحب إن حبيبته تكون زيه كريمة ومرحة ومتحمسة. وبالرغم من أن رجل القوس بيكره الارتباط وأي شكل ممكن يحد من إحساسه بالحرية إلا إنه بيحب خوض التجارب فيما يخص كل أشكال العلاقات الاجتماعية. والنقطة اللي بتفرق معاه جدًا قدرتك على المرنة والقدرة على استيعابه لو قدرتي تحققي المعادلة دي هتحصلي على علاقة جميلة جدًا وطويل.
رجل برج القوس والعمل
رجل برج القوس شخصية عنيدة، وما بيعرفش اليأس أبدًا، وبيعتبر المعوقات والعراقيل فرص. وما عندهوش مانع يبدأ صفحة جديدة بكل عزم وقوة في أي وقت. يتميز رجل برج القوس في العمل بشخصية قيادية وبيحب ينجز عمله على أكمل وجه. بيعشق التطور وبيكره الروتين. باختصار، شخص صادق وجرئ وشجاع، مجنون ومندفع شوية وده اللي بيخليه يرتكب أخطاء خصوصًا لو حد استفزه.
رجل برج القوس والصحاب
رجل برج القوس كصاحب يعتبر من أكثر الأصحاب كرم على اللي حواليه، وده اللي بيخليه دايمًا الصديق المفضل. عنده دايمًا بُعد فكري في التعاطي مع الأمور عمومًا. وده بيخليه أفضل صاحب ساعة الوقوع في المشاكل. صديق مرح جدًا وده بيخلي دايمًا قاعدته حلوة. وجهة نظره في الحياة متميزة، وده بيخليه مستشار ممتاز لأصحابه.
رجل برج القوس والموضة
عنده حماس وفضول تجاه الحياة، وهو ده نفس إحساسه تجاه الموضة. مش مهم عنده يلبس أحدث خطوط الموضة، لكن مهم عنده يلبس الحلو اللي بيريحه. بيحب الملابس الواسعة المريحة، علشان كده دايمًا تلاقيه بيحب الستايل الرياضي.
كيف تتعاملين مع رجل برج القوس؟
- اعتمدي الأسلوب الصريح والواضح في الكلام مع رجل برج القوس بعيد تمامًا عن الكلام المخفي أو التلمحيات. هو ضد كده تمامًا.
- خلي عندك استيعاب لكلامه. هو أوقات بيحكي اللي في قلبه من غير ترتيب، وده بيخليه أوقات يتفهم غلط.
- اتعاملي معاه بهدوء وتجنبي العصبية وابعدي عن التشكيك فيه واظهري له ثقتك في كلامه وأفعاله علشان تكسبي وده.
- تقبلي نظرته المشرقة للحياة وخاصةً عندما يواجه المصاعب.
- عرّفيه على الأماكن الجديدة عشان هو بيحب المغامرات واكتشاف الأماكن الجديدة.
- اظهري له التقدير دايمًا وخليكي جريئة زيه وشاركيه في التحديات وحفزي فكره الإبداعي. ادي له حريته الكاملة وابعدي عن تقييده.
- خليكي واثقة في نصيحته ورأيه لأنه حقيقي شخصية حكيمة.
- قدري حبه لممارسة الأنشطة الرياضية.
قولي لنا رجل القوس اللي في حياتك لقيتي فيه الصفات دي؟
المصادر
www.horoscope.com
www.astrostyle.com
www.msn.com
التعليق باستخدام حساب فيس بوك