الأبراج: مواصفات رجل برج الميزان بالتفصيل

برج الميزان هو البرج السابع من الأبراج الإتناشر، ومن الأبراج الهوائية. والرجل اللي تاريخ ولادته ما بين 9/23 – 10/22 هو رجل من برج الميزان وكوكب الزهرة هو الكوكب اللي متحكم فيه، ألوانه المفضلة الوردي والأخضر.

بيتميز رجل برج الميزان بمجموعة نقاط قوة واللي منها: الدبلوماسية، الكرم، التعاون، العدل، الرقي، المثالية. أما نقاط الضعف اللي فيه  فهي: بيتجنب المواجهات، متقلب المزاج، بيهتم بالمظاهر بشكل مبالغ فيه، بيواجه صعوبة في اتخاذ القرارات. هو عموما بيحب الانسجام، اللطف، المشاركة مع الغير في الهواء الطلق. وبيكره العنف، الظلم، والأصوات العالية.

الأبراج: صفات امرأة برج الميزان بالتفصيل

توافق الأبراج مع برج الميزان

مولود برج الميزان بيحب جدًا مواليد برج الثور، وأكثر الأبراج التي بتزعجه هو برج الحمل. أفضل الأصدقاء بالنسبة له هو الأسد، وأكثر الأبراج صعوبة في التعامل معاه هو برج العذراء.

توافق الزواج بالنسبة لبرج الميزان: أنسب شريك لبرج الميزان هو الحمل، وأسوء علاقة جواز بتكون مع برج السرطان.

توقعات الأبراج 2021 رجل برج الميزان من ماجي فرح

سنة 2021 بتمشي حسب أهواء سفينته، هتظهر له الضغوط والحظ الصعب في أول السنة وهتسبب له تعطل وشوية مشاكل لكن سرعان ما يتغير كل ده مع الربع الثاني من السنة. هيتلقى أخبار رائعة وهتكون سنة تألق رائع له هيحصده على آخر السنة.

عشان تعرفي توقعات الأبراج 2021 كلها، شوفي المقال ده.

رجل برج الميزان والحب

رجل برج الميزان مخلص ووفي في حبه ومشاعره جدًا. بمعنى إنه يسعى دايمًا على الحفاظ على شريكة حياته وإسعادها بصفة مستمرة، ده غير إنه بيسعى بكل جهده للحصول على حياة مستقرة هادية معها. وما يتخلاش عنها. دايمًا جنبها وبيساعدها في اتخاذ قراراتها المهمة. ومش بيتأخر إنه يقدم لها المساعدة لما بتحتاجها منه.

رجل برج الميزان بيتميز بإنه صادق فى الوعود، وخاصةً مع شريكة حياته. رجل برج الميزان بيشعر بالراحة والأمان والكمال عند دخوله في علاقة عاطفية ناجحة. رجل برج الميزان بيبحث عن الحياة الهادية المستقرة. علشان كده، هو بيتأنى عند اختيار شريكة حياته لينعم بعلاقة ناجحة مستقرة وهادئة.

رجل برج الميزان والعمل

بينجح مولود الميزان فى جميع المهن اللي بتتعلق بالفن، زي الديكور والرسم والخياطة وبيع التحف. ينجح الميزان في بعض المهن الخارجة عن الفن زي الأعمال الصحفية، القضاء، وده بيعود إلى اهتمامه بالغير وحبه للعدالة، حقيقي إنسان شريف وحساس. بيعطى البرج ده الكثير لعمله، وبيعمل بجد وسعادة. الأجواء المتوترة بتأثر على عطائه وبتضايقه جدًا. مش بيقبل الإهانة أبدًا لا من المدير ولا الموظفين بيتحمل المسؤوليات الكبيرة وهو جدير بيها. ومعلوماته عن العمل والمناقشات دايمًا بتكون عميقة ومعقدة.

ازاي تتعاملي مع طفل برج الميزان؟

رجل برج الميزان والصحاب

بيتميز أصحاب برج الميزان بتوافقهم الكبير جدًا مع الأصدقاء. ده لإنهم عندهم القدرة على جلب السعادة والراحة لهم وبيتجنب الخلافات، وعدم تحيزهم لأي طرف لو قامت خناقة. بالإضافة لكونهم مسليين فعلًا في الخروج. ده طبعًا جنب قدرتهم على توفير جو من المرح والسعادة مكان ما يروحوا وده بيخليهم دايمًا مرغوبين ومحبوبين عند الغير. وطبعًا قدرتهم على المحافظة على دائرة علاقاتهم والبقاء معهم لفترات طويلة.

رجل برج الميزان والموضة

هو رجل كلاسيكي أنيق جدًا بيتمتع بحس موضة عالي، مش بيقابل أي صعوبة في اختيار ملابسه. هو دايمًا عارف يختار إيه. بيحب الحاجات القيمة من ساعات وأحذية عطور وبيديها أهمية كبيرة جدًا. هتلاقيه دايمًا شيك سواء في لبس البيت أو الشغل أو مناسبة سهرة. شياكته مش ممكن تخطئها العين.

كيف تتعاملين مع رجل برج الميزان ؟

رجل برج الميزان بيدور عن المرأة الحنونة والعطوفة عليه وعلى أطفالها. وبيحب جدًا المرأة الأنيقة والمتألقة دايمًا. اللي بتهتم بمظهرها الخارجى وبحسن اختيارها للي بتلبسه. وعلشان تجذبيه كمان لازم تعملي الآتي:

• ادخلي فى مناقشات وحوارات مع الآخرين بكل ثقة ومن غير الشعور بالخجل. الموضوع ده بيلفت نظره بسرعة.
• اظهري أنوثتك فى جميع المواقف. وده عن طريق نوعية الملابس اللي بتلبسيها. اختارى الملابس اللي بتظهر أنوثتك وخلي أسلوبك وطريقة مناقشتك مع الغير لبقة. اهتمى بتسريحة شعرك وبمكياجك جدًا.
• ادخلي في النقاش معه لفترات طويلة. واختاري المواضيع المميزة والشيقة علشان يتكلم معاكى من غير ما يشعر بالملل.

سيبي له مساحة كافية للكلام عن نفسه. واسمعي له كويس واهتمي بحديثه. لازم تكون طريقة نقاشك معه هادية ولطيفة،  علشان يشعر بالراحة والمتعة معاكي. رجل برج الميزان بيحب المجاملة والاهتمام به إلى حد كبير. علشان كده، امدحيه وجامليه قدر الإمكان. ده بيخليه ينتبه لك بسرعة.

المصادر
www.horoscope.com
www.astrostyle.com
www.msn.com

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.