زي كل الأمهات اللي عندهم أطفال في سن الحضانة كنت مستنية أول يوليو علشان أعرف الحضانات هتعمل إيه بعد إعلان وزارة التضامن الاجتماعي عن شروط فتح الحضانات، وعلى أساس اللي هيحصل هقدر أقرر أنزل بنتي الحضانة تاني ولا لا، بس اللي حصل إن حضانة بنتي قررت إنها مش هتفتح حاليًا لحد ما يشوفوا تطورات وضع فيروس كورونا. سألت أمهات راحة بالي عن حضانات أولادهم، فقالوا إن قرارات الحضانات كانت متنوعين بين الخيارات دي:
حضانات قررت إنها مش هتفتح بدون تحديد مواعيد زي:
حضانات هتستنى أسبوعين تقيم فيهم الظرف وبعدين يقرروا زي:
حضانات هتفتح في سبتمبر زي:
حضانات فتحت حسب شروط وزارة التضامن الاجتماعي زي:
حضانات فتحت بنسبة حضور 20% زي:
والأولوية عندهم للأطفال اللي آبائهم وأمهاتهم بيشتغلوا والأطفال اللي عندهم تأخر في الكلام.
ورغم القرارات المختلفة لكل حضانة، إلا إننا بنحترم وبندعم كل إدارة أيًا كان قرارها لأننا متفهمين جدًا صعوبة المرحلة اللي بنمر بيها كلنا، واللي بالمناسبة مش في مصر بس ده في كل دول العالم، وتقدري تشوفي الحضانة دي في تونس اتصرفت ازاي.
والمفروض كل أم تختار المناسب لها ولظروفها وظروف أطفالها وطبيعي إنها تحتار على ما تاخد قرارها لأن ده اللي بنمر بيه كلنا كأمهات وتقدري تشوفي المقال ده 10 أسئلة جت في بالي لما عرفت إن الحضانات هتفتح. وكالعادة بنقول لك إن راحة بالي معاكي وبتدعمك وبتدعم أسرتك في كل الظروف وفي كل القرارات، وبنتمنى لكم السلامة والتوفيق.
التعليق باستخدام حساب فيس بوك