محتويات المقال
معروف طبيًا وتقليديًا وبكل الطرق إن الرضاعة الطبيعية مفيدة جدًا للرضيع وللأم على حد سواء، وإنها كمان بتوطد العلاقة بين الأم والرضيع. لكن، فيه ستات ما بتقدرش ترضع طبيعي لأكتر من سبب، وفيه حالات طبية لازم معاها اللجوء للرضاعة الصناعية. في المقال ده هاكلمك عن موانع الرضاعة الطبيعية اللي لو موجودة، غالبًا لازم تلجأي للرضاعة الصناعية.
موانع الرضاعة الطبيعية
- نقص مخرون الحليب الشديد
- الخضوع لأنواع معينة من العلاجات
- بعض الأمراض المناعية المنتقلة عبر حليب الأم
- حساسية اللاكتوز عند الطفل
نقص مخرون الحليب
بعض الستات بيكون لبنها قليل، ودي بتعمل هاجس شوية عند ستات كتير، لكن نقص مخرون الحليب الشديد نادر وبيكون غالبًا عرض أو نتيجة لمشكلة تانية زي: الغدة الخاملة أو تكيس المبايض أو نقص الغدد اللبنية في الثدي أو عمليات سابقة في الثدي أو سرطان الثدي.
هل حجم الثدي له تأثير على الرضاعة؟ اعرفي من هنا
أنواع علاج معينة
فيه بعض الأدوية اللي ما ينفعش الست ترضّع وهي بتاخدها، لإنها هتمر عن طريق الحليب وهيكون فيه خطر على الطفل. الأدوية دي بعض الأمثلة عليها هي:
- العلاج الكيماوي
- بعض المضادات الفيروسية
- اليود المشع
- دواء التشنجات لمرضى الصرع
- الأدوية اللي بتؤثر على التنفس
- الأدوية اللي بتسبب الدوخة
الأمراض المنتقلة في الحليب
أمراض زي الإيدز (أو فيروس HIV وهو فيروس نقص المناعة المكتسبة) ممنوع فيه الرضاعة الطبيعية لإن الفيروس بيتنقل في الحليب للرضيع. كمان الإصابة بفيروس تي‑ الليمفاوي البشري (اللي وجوده بيكون معناه احتمالية إصابة بسرطان الدم) معناها وجوب اللجوء للرضاعة الصناعية. هيربس الثدي كمان (وهي حبوب شبه اللي بتطلع في الشفايف من جوا أو من برا أو جوا الفم) ممكن تنتقل للطفل في حالة إرضاعه طبيعيًا. وأخيرًا ممنوع أم عندها سل نشط ترضع طبيعيًا.
حساسية اللاكتوز عند الأطفال
اللاكتوز هو سكر اللبن، وفيه ناس كتير (أطفال وبالغين) معدتهم ما بتستحملش النوع ده من السكر لإنها ما بتقدرش تفككه عشان تهضمه. في الحالة دي ما ينفعش الأم ترضع الطفل لإن لبن الأم فيه لاكتوز. اقري هنا عن تجربة حقيقية مع حساسية الطعام عند الأطفال.
نتمنى لك ولرضيعك الصحة والسلامة. اقري هنا تجربة أم ما قدرتش ترضع طبيعي.
التعليق باستخدام حساب فيس بوك