من أكتر الحاجات اللي بتكون بسيطة قوي لكن بتفرق في النفسية جدًا. لدرجة إنك ساعات أول ما تبصي بس لإيدك كده، تتبسطي على طول حتى لو الموقف مش مساعد. عشان كده، هنهتم معاكي بموضة مناكير الصيف اللي هجم علينا خلاص. النهارده هنقول لك إيه موضة مناكير صيف 2022 بالألوان والأشكال المميزة. وكل سنة وإنتي طيبة.
بالفيديو: 5 منتجات مبتكرة لمحبي العناية بالأظافر
موضة مناكير صيف 2022
معظم الالوان وأشكال الضوافر والرسم الموجودة هنا هتلاقيها بتكمل معانا في صيف 2022. يعني مش هتندمي إنك اشتريت ألوان كتير أو ألوان مطرقعة.
اللون البمبي الساخن hot pink
أنوثة وفي نفس الوقت شقاوة ودلع.
ألوان المصيف
ودي موضة جدًا. مهما كان لون بشرتك، هتقدري تستمعي باللوك ده، لإنك تقدري تجيبي درجات الألوان اللي تناسب لون بشرتك. وزي ما انتي شايفة، مش بس الألوان اللي بتفرق لكن كمان الأشكال الصغيرة اللي ممكن ترسميها بخلة الأسنان أو بفرشة صغيرة أو حتى دبوس. ولو بتعملي ضوافرك في صالون، ممكن تطلبي منهم التصميمات اللي تحبيها.
8 أماكن تعملي فيها الأظافر أكريليك في القاهرة
الإحساس الرخامي
أو marble look وده عادة بتستخدمي فيه الألوان الهادية زي الأبيض والرمادي الفاتح أو البيج أو البمبي الفاتح الهادي.
الفرنش المقلوب
أيوة حتى الفرنش اتقلب! دلوقتي الأبيض مش بس بقى عند أطراف الأظافر من برا، إنما كمان من جوا زي ما انتي شايفة.
الألوان الترابية
دي درجات كتير بس جمعتها لك كلها في الصورة دي:
المناكير المبروز
تأطير الضفر بلون دهبي (اللي هو أصلًا موضة في الضوافر جدًا في صيف 2022) أو نحاسي بيضفي رقة ورقي في اللوك.
الفرنش البمبي
لإن الفرنش بقاله فترة طويلة ما بيتغيرش وموضة، السنة دي قرروا يكسروا الفرنش بحاجات مختلفة، زي المقلوب مثلًا، فيه كمان اللي الضفر نفسه بيكون بمبي مش شفاف أو أوف وايت.
الدهبي
زي ما قلت لك الدهبي موضة جدًا في مناكير صيف 2022. لكن لإن هيكون صعب قوي تعملي المناكير نفسه دهبي كله، فيه طرق تدخلي بيها الدهبي زي كده:
كل صباع لون
طبعًا مش سهل قوي تقتنعي بالموضة دي لإنها مطرقعة شوية. لكن تقدري تحطيها لو مش رايحة الشغل أو خارجة خاصةً لو خارجة بالليل مع أصحابك.
لخبطيطا
برضه من الموضات الصعبة شوية تقبلها لكل الناس. هي تشبه اللي لسه متكلمين عنها، لكن هنا الضفر بياخد أكتر من لون زي ما انتي شايفة:
قلم الروج
وده شكل أكتر منه لون. ومش هينفع إلا في حالة الأظافر القوية الطويلة. اعرفي هنا وصفات طبيعية لتقوية الأظافر الضعيفة.
أومبري (مدرج)
ده الأجمل بالنسبة لي. ولو إن ظبطته صعبة جدًا. غالبًا هتحتاجي تعمليه في صالون.
النقشة الصغيرة
الرقة دي موضتها كل وقت.
الفرنش المثلث
زي ما قلت لك أكتر من مرة، الفرنش لإن موضته طولت، الناس بقت بتحاول تبتكر فيه عشان الملل.
نص ضفر
أوفر في المناكير والمجهود.
الأخضر
بكل درجاته. وزي ما انتي شايفة في الصورة دي، هو متطعم بورق الدهب اللي هو أصلًا موضة.
التايجر
كثيرون حول ياسمين صبري، قليلون حول مربوحة.. التايجر أيًا كانت اللي لابساه، موضة. بس خدي بالك إنك تعمليه على مساحة مش كبيرة من الضفر وإلا هيكون شكله مش شيك قوي.
ما تنسيش تقولي لنا أكتر شكل ولون عجبوكي.
التعليق باستخدام حساب فيس بوك