تزيين حوائط البيت بوحدات من المكرمية، ترند جديد في 2021، والحقيقة إنه من الترندات اللطيفة جدًا، لإن المكرمية من الأعمال اليدوية اللي بتغير شكل البيت وبتدي له طابع جديد، وبدل ما تشتريها جاهزة بأسعار غالية جدًا، هنقولك النهارده إزاي تعملي وحدة مكرمية بنفسك لديكور البيت بطريقة بسيطة وسريعة، وهنقولك نصايح لاستخدام المكرمية في تزيين الجدران:
في وحدة مكرمية اسمها الريشة، طريقتها سهلة وبسيطة، وتقدري تعملي منها ألوان وأحجام مختلفة على حسب التنسيقات اللي انتي حاباها، وده فيديو خفيف تتعلمي منه طريقة صنعها:
طريقة عمل وحدة مكرمية بنفسك خطوة بخطوة
-
نصايح لاستخدام المكرمية في تزيين جدارن المنزل:
- اتأكدي إن المكان اللي هتعلقي فيه المكرمية ستايل الأثاث فيه مناسب لستايل المكرمية وألوانها.
- استخدمي خامات راقية من خيوط المكرمية علشان شكلها يكون شيك بعد ما تعلقيها.
- حاولي تستخدمي الألوان اللي مش بيأثر عليها التراب قدر الإمكان، علشان تفضل محتفظة برونقها أطول فترة ممكنة.
- ممكن تستخدمي أكتر من وحدة في تعليقة واحدة، أو تعمليها وحدات كتير على أبعاد مناسبة.
- خيوط المكرمية بتدي إحساس بالقرب من الطبيعة، فلو أضفتي لمسات جنبها من النباتات الطبيعية، وبعدتي عنها التابلوهات -مثلا- الصناعية قوي، يبقى أفضل.
- قبل ما تشتغلي وحدة المكرمية، حطي الخيوط على الحائط اللي انتي هتعلقيها عليه، علشان تشوفي في تناسق أو كونتراست مناسب، ولا مش هتبان من لون الحيطة، ولا عاملة إزعاج معاه.
- تقدري تشتغلي وحدة صغيرة الأول تجربي إيدك فيها، وبعدين تشتغلي الوحدة النهائية اللي هتعلقيها بالفعل.
لو انتي جربتي تعملي مكرمية قبل كده، قوليلنا خبراتك ونصايحك، ولو بتحبي الأشغال اليدوية تقدري تشوفي المقال ده:
اعملي بنفسك .. Pom Pom لتزيين غرفة أطفالك
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك