النباتات في البيت، مش بس بتدي روح حلوة ومنظر مريح، لكن كمان مفيدة جدًا كنشاط تعمليه مع أطفالك، من أول عملية الزراعة وعملية متابعة النمو، لحد الري والتنضيف، والحقيقة إن الأطفال بيحبوا النباتات جدًا، لإنها بتقربهم من الإحساس بالطبيعة أكتر، وبتحسسهم إنهم بيعملوا وظيفة من وظائف الأشخاص الكبار، علشان كده هنقولك على 4 نباتات غير مكلفة ممكن تزرعيها في البيت بنفسك إنتي والأولاد:
-
الطماطم
زراعة النباتات في البيت
-
الأدوات المطلوبة:
- بذور طماطم أو شتلة من أقرب مشتل.
- إصيص قطره 17 سم (قصرية زرع)، لها فتحات من الأسفل.
- التربة المثالية لزراعة الطماطم تتكون من (35% بيتموس + 35% رمل + 25% كومبوست + 5% بيرليت)، برضه بتجيبيهم من المشتل أو من معرض الزهور.
-
طريقة الزراعة:
- نختار الطماطم الطازة كبيرة الحجم و الخالية من العيوب.
- نحضر تربة الإنبات (البيتموس) داخل الإصيص.
- نقطع الطماطم شرايح و نوزعها على اللتربة ونردمها.
- نروي باستمرار للحفاظ على رطوبة التربة.
- بيحصل الإنبات بعد حوالى 6-9 أيام.
- يتم انتقاء أفضل الشتلات بعد حوالي 10 أيام من الإنبات ونقلها لوعائها الدائم.
- راعي وانتي بتنقلي الشتلة دون تعرية أو قطع الجذور.
-
نصايح مهمة لزراعة الطماطم في البيت:
- بيحتاج نبات الطماطم لجو دافي، لا برد جدًا ولا حر جدًا.
- درجة الحرارة الملائمة لنمو مثالي للطماطم ما بين (18 الى 32) درجة مئوية.
- الشهور المناسبة لرزاعة الطماطم ( 4-3-2-10-9-8).
- تجنب تعرض الشتلة لأشعة الشمس المباشرة خلال فترة الإنبات.
- يتم تعريض الشتلة الى الشمس المباشرة تدريجيًا بعد ما يزيد طولها عن 10 سم.
- تجنب أشعة الشمس المباشر وقت الظهيرة في الأيام الحارة.
- الري يكون بشكل عام بانتظام قبل جفاف التربة.
- الري بانتظام يوميًا بالصيف و يوم بعد يوم بالشتاء.
- مراعة التصريف الجيد للماء في التربة.
- لازم تستخدمي التسميد في زراعة الطماطم، علشان تعوضي أي نقص من العناصر الغذائية في التربة، وتقدري تسألي عنه المتخصصين أو المشاتل.
-
النعناع
زراعة النباتات في البيت
-
الأدوات المطلوبة:
- عود نعناع طويل، مليان أوراق طازه، ومهم يكون فيه أوراق صغيرة جدًا على وشك الإنبات.
- برطمان أو أي وعاء عندك فيه مياه.
- قصرية زرع، فيها فتحات من الأسفل.
- طين خفيف.
-
طريقة زراعة النعناع:
- حطي عود النعناع اللي اختراتيه في برطمان المياه، وغيري المياه كل يومين.
- حطي الرزعة في مكان فيه تهوية كويسة جدًا، وشمس معقولة.
- لما تلاحظي إن العود بدأ يطلع جذور من تحت، يبقى ده وقت نقلة للطين.
- اسقي النبتة كل يوم في الصيف، ويوم ويوم في الشتاء.
-
القهوة
زراعة النباتات في البيت
في طريقة لزراعة القهوة عن طريق حبوب القهوة اللي مش متحمصة، بس النتيجة مش مضمونة، علشان كده أحسن طريقة إنك تشتري شتلة من المتخصصين.
-
الأدوات المطلوبة:
- شتلة نبتة قهوة، تكون جيدة جدًا.
- قصرية زرع عميقة لها فتحات من الأسفل.
- تربة مناسبة، تقدري تشتريها من المختصين.
-
طريقة زراعة القهوة:
- رطبي التربة قبل بداية عملية الزراعة.
- ازرعي التشلة في قصريز الزرع العميقة، في تربة مخصصة لها.
- لو هتزرعي أكتر من شتلة مع بعض، لازم تسيبي بينهم مسافات كافية.
- اسقي الزرعة بمياه وفيرة.
- حطيها في مكان بتوصله أشعة الشمس غير المباشرة.
- إديها أسمدة سائلة كل ما تحتاج.
ملحوظة:
نبتة القهوة هتطلع ورق أخضر، بس مش هتطلع حبوب القهوة المعروفة غير بعد 4 سنين تقريبًا من زراعتها والعناية بيها.
-
الورد
زراعة الورد في البيت
-
الأدوات المطلوبة:
- جوانتي
- مقص الزراعة
- التربة المناسبة
- السماد المناسب
- جذور أو شتلات ورد من المشتل او معرض الزهور.
- قصريو زرع عميقة جدًا.
-
طريقة زراعة الورد:
- عمل حفرة مناسبة الاتساع والارتفاع بما يقارب 45*45 سنتيمتر.
- لو الجو بارد في منطقتك، يبقى ازرعي الورد على عمق أكبر.
- ازرعي الشتلة، وغطيها بالتربة كويس جدًا.
- ارويها بمياه وفيرة
- حطي النشارة المناسبة على تربة زراعة الورد.
-
نصايح لمتابعة نبتة الورد:
- الالتزام بالري و العناية بالورد المنزلي ضمن فترات زمنية ثابتة بناءًا على المنطقة الموجود فيها ونوع الورد.
- تخصيب وتسميد التربة وتحديدًا في بداية فترة نموها، مع التأكد من عدم الإفراط في استخدام الأسمدة.
- تقليم الورد للمحافظة على شكله وصحته ومنعه من التعرّض لأي أشكال التعفّن.
- استخدام المبيدات الحشرية بين فترة والتانية للتخلص من الحشرات المضرة.
وتقدري تستشيري أقرب مشتل موثوق ليكي إذا احتجتي أنواع أكتر، أو قابلتك أي مشكلة في الزراعة المنزلية.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك