نزيف الأنف عند الأطفال حالة بتتكرر كتير ومن أكتر أنواعها انتشارًا نزيف الأنف الأمامي اللي بييجي من مقدمة الأنف، الشعيرات الدموية أو الأوعية الدموية الصغيرة اللي موجودة جوه الأنف ممكن تتكسر وتنزف وده بسبب نزيف الأنف.
إيه اللي بيسبب نزيف الأنف عند الأطفال؟
- معظم حالات نزيف الأنف الأمامي بتحصل بسبب جفاف الهوا المحيط، المناخ الدافي أو الهواء السخن بيهيج الأغشية الأنفية وبيجففها، ده بيعمل قشور بتسبب حكة ممكن تنزف لو تم خدشها أو حكها.
- نزلات البرد ممكن تهيج بطانة الأنف، البرد في جو جاف ده أنسب وقت لنزيف الأنف.
- الأطباء ممكن يوصفوا أدوية زي مضادات الهيستامين عشان يسيطروا على حكة أو سيلان أو انسداد الأنف، ده ممكن يجفف أغشية الأنف ويعمل نزيف.
- إصابة أو ضربة في الأنف ممكن تعمل نزيف بس معظمها مش مشكلة كبيرة، بس لو طفلك عنده إصابة تانية في وشه أو النزيف ما وقفش بعد 10 دقايق فلازم تروحي للدكتور فورا.
- ومع إن نزيف الأنف نادر لما يكون مشكلة كبيرة لكن ممكن تبقى مشكلة كبيرة لو اتكرر، لو طفلك حصل عنده نزيف أكتر من مرة في الأسبوع اتصلي بالدكتور.
- الحالة دي بتحصل للأطفال اللي عندهم حساسية مستمرة أو بيجيلهم برد كتير ودول الدكتور بيقدر يساعدهم.
- النزيف اللي ما حصلش بسبب التهاب الجيوب الأنفية أو الحساسية أو الأوعية الدموية المتهيجة ممكن يخلي الدكتور يطلب فحوصات أكتر، في حالات نادرة ممكن يكون ده بسبب أوعية دموية متكونة بشكل مش طبيعي في الأنف.
إزاي نقدر نمنع نزيف الأنف عند الأطفال؟
لأن أغلب حالات نزيف الأطفال عند الأطفال بتكون بسبب خدش الأنف أو التهيج من جفاف الهوا ففي نصائح ممكن تساعدنا:
- خلي ضوافر الأطفال قصيرة دايمًا عشان نمنع الإصابات اللي بسبب خدش الأنف.
- حافظي على أنف طفلك من الداخل رطبة باستخدام بخاخ أو جل أنف بمحلول ملحي (ماء مالح).
- تأكدي من لبس أطفالك لمعدات رياضية واقية أثناء ممارسة الرياضة أو الأنشطة الأخرى اللي ممكن تسبب إصابة في الأنف.
- حتى مع الاحتياطات المناسبة، الأطفال ممكن يحصل لهم نزيف أحيانا، عشان كده حاولي تتحكمي في أعصابك، دي في الغالب مش بتكون ضارة وسهل إنك توقفيها.
مع تمنياتنا ليكي ولطفلك كل الصحة والسلامة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
What’s your Reaction?
التعليق باستخدام حساب فيس بوك