كل أم جديدة سواء والدة طبيعي أو قيصري، بيشغلها موضوع الرضاعة، ومعظم الأمهات في الوقت ده بتفضّل الرضاعة الطبيعية وبتكون نفسها تقدر على ده. لكن أول ما بيبدأ البيبي في الرضاعة الطبيعية، الأم غالبًا بتحس بآلام شديدة في الثدي وآلام الحلمات بسبب الرضاعة الطبيعية. في المقال ده، هنقول لك نصائح للتخلص من آلام الثدي أثناء الرضاعة الطبيعية.
أفضل كريمات لعلاج تشقق حلمات الثدي
نصائح للتخلص من آلام الثدي أثناء الرضاعة الطبيعية
- اتأكدي إن البيبي بـ”يلقم” أو بيمسك الثدي في بقه صح كل مرة.
- اطلبي من استشاري الرضاعة أو دكتور النسا ترشيح كريم لعلاج تشقق حلمات الثدي.
- بعد ما تخلصي رضاعة كل مرة، دلكي الحلمات ببعض من لبن صدرك نفسه.
- فيه نوع من أنواع البرا بتكون على شكل قبة عشان تمنع احتكاك الحلمة بأي طبقة ملابس، ننصحك بارتدائها.
- فيه حاجة اسمها غطاء الحلمة، ودي شيء دائري مصنوع من مادة لطيفة على الجلد بيغطي منطقة الحلمة كلها. لكن لازم تسألي دكتورك قبل ما تقرري تستخدميها إن كانت تنفع لك.
- ممكن تزودي عدد مرات الرضاعة على حساب مدة الرضعة الواحدة. ده ساعد ستات كتير في التخلص من آلام الثدي الناتجة عن الرضاعة الطبيعية.
- حاولي أول صدر ياخده الطفل هو الأقل ألمًا.
- استخدمي قربة دافية على الصدر قبل الرضاعة. ممكن تكون قربة من الصيدلية، أو حتى إزازة فيها مياه دافية ملفوفة بفوطة. ممكن كمان تاخدي دش دافي قبل الرضاعة. كل دي وسائل لتنعيم وتطرية الجلد في منطقة الحلمة والثدي مع إدرار اللبن بشكل أفضل. وكل ده بيساعد جدًا في تقليل الألم أثناء وبعد الرضاعة الطبيعية.
- بعد الرضاعة الطبيعية، في حالة وجود احتقان، اعملي كمادات باردة على المنطقة المحتقنة.
- دلكي بنعومة المنطقة المؤلمة قبل الرضاعة.
- اشربي مياه وسوائل كتير.
- ارتاحي كويس وخدي قسط كافي من النوم.
- ما تلبسيش برا ضيق قوي.
اعرفي إزاي تزودي اللبن من غير ما تزودي وزنك.
بننصحك دايمًا باستشارة الطبيب قبل ما تستخدمي أي كريم أو مرهم أو مسكن. ونتمنى لك انتي والمولود الصحة والسعادة.
توصيات للرضاعة الطبيعية لو مصابة للكورونا
بلاش تاكلي الأصناف دي لو بترضعي طبيعي
المصادر
أنا حامل
nhs.uk
kidshealth.org
whattoexpect.com
التعليق باستخدام حساب فيس بوك