صحيح فصل الربيع رائع وعظيم وجميل وكله حاجات حلوة، زرع وألوان وفسح وخروجات وجنانين، لكن كمان مليان معاناة، عطس وكحة وعيون مدمعة وحساسية جيوب أنفية وصدر تعبان ونفس طالع وداخل بالعافية، عشان ده كل قررنا نكتب المقال ده لكل مرضى الحساسية اللي بيعانوا خلال فصل الربيع، عاوز يدخله بصحة كويسة انت مش لوحدك، ودي أهم النصائح لمرضى الحساسية في الربيع.
خليكي هادية
لما تلاقي الجو حر بره البيت، شغلي التكييف، واقفلي الأبواب والشبابيك عليكي عشان تحدي من دخول حبوب اللقاح للبيت والعربية
خليكي كل المشاوير بالليل
لو عندك نشاط خارجي، أو لازم تروحي تلعبي رياضة في وقت بدري من اليوم، أجلي كل حاجة لفترة بعد الظهر أو بالليل، لأن خبوب اللقاح بتكون أتقل وأكتر كثافة بالنهار، وبتقل تدريجيا مع مرور اليوم.
البسي برنيطة
تعرفي إنك لما تلبسي كاب أو برنيطة، مع نظارة شمس، ده هايقلل من أعراض العين من جساسية ودموع وتعب
كتري من غسيل ملابسك
بعد ما تغيري هدومك وتدخلي جوه البيت، اغسلي هدومك كويس جدا وانشريها جوه مش بره، اغسلي هدومك أكتر من مرة مش مشكلة وماتناميش بنفس الهدوم اللي كنتي بيها طول اليوم لانها هتكون محملة بحبوب اللقاح اللي هتنكد عليكي عيشتك وانتي نايمة.
استحمي كتير
كده كده الجو حرر، فكي شعرك واغسليه ويفضل انك تستحمي كل ده هايخلي أي حبوب لقاح جات على جسمك أو شعرك بأي شكل تروح وبالتالي ماتضايقيكيش وانتي نايمة
العلاج من الحساسية أفضل
في حساسية محتملة، وفي حساسية بتخلي الحياة مستحيلة، لو انتي من الناس اللي مش بتعرف تفتح عنيها من كتر الحساسية وبتهرش كتير خلال وقت الربيع، فهيكون مناسب إنك تاخدي دواء مضاد للحساسية طويل المفعول عشان يخفف معاكي حكة العين وسيلان الأنف، والمعاناة اللي مالهاش معنى.
اعرفي إن عندك حساسية
ناس كتير بتعاني بدون ما تعرف إنها بتعاني، يعني لو انتي من الناس اللي بتحس إنها مش مرتاحة وقت تغيير الفصول، اتعرفي على نفسك بشكل أفضل، واعرفي إيه سبب الحساسية، ممكن تتعالجي بالأمصال والمشكلة تتحل للأبد، المهم إنك تلاقي حل وماتعانيش في صمت.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك