إزالة شعر المنطقة الحساسة أحيانًا بيكون صعب ومؤلم وخصوصًا لو البشرة حساسة، وقت الحمل بقى كمان العملية بتكون أصعب وخصوصًا في الثلث الأخير بسبب كبر حجم البطن، وجلسات إزالة الشعر بالليزر بتبقى حل مريح وسهل جدًا لكنها للأسف ممكن تكون غالية وممكن دكتور النسا يكون رافض جلسات الليزر في فترة الحمل. فترة قبل الولادة ممكن تكون فترة صعبة عليكي في عملية إزالة الشعر. وفي الموضوع ده، هنديكي نصايح عشان تقدري تزيلي الشعر في المنطقة الحساسة بطريقة سهلة.
نصايح قبل إزالة شعر المنطقة الحساسة قبل الولادة
- الشعر الزائد ممكن يسبب عدوى أو فطريات. لازم تشيلي الشعر الزائد عشان تقللي فرص العدوى للجنين.
- لو فيه جرح، ممكن الشعر الزائد يعيق التنظيف والخياطة. عشان كده مهم جدًا إنك تشيلي الشعر الزائد بشكل كويس.
- قبل استخدام أي طريقة من اللي هنقول لك عليها، ممكن تعملي اختبار حساسية أولًا في منطقة تانية زي الدراع.
- ممكن تستشيري دكتور النسا الخاص بيكي عن كريم موضعي مخدر عشان ما تحسيش بألم وقت إزالة الشعر.
- استخدمي المرايا عشان تقدري تشوفي المنطقة كويس.
- اطلبي المساعدة من زوجك بدون حرج.
طرق طبيعية لـ توسيع عنق الرحم قبل الولادة
إزالة الشعر بالشفرة
- من أسهل طرق إزالة الشعر وأقل في الألم لكن لازم تاخدي بالك وانتي بتستخدمي الشفرة عشان تتجنبي الجروح.
- استخدمي شفرة نسائية جديدة واتجنبي الشفرات العادية المستخدمة في الحلاقة للرجال.
- ممكن تستخدمي كريم مرطب مناسب للبشرة مع الشفرة عشان تشيلي الشعر بشكل أسهل.
- لو حجم البطن كبير والرؤية صعبة ممكن تستعيني بمرايا صغيرة.
- رطبي المنطقة وجففيها كويس بعد إزالة الشعر.
إزالة الشعر بالشمع (Waxing)
- لو عندك ماكينة إزالة الشعر بالشمع، ممكن تستخدميها في إزالة الشعر بس لازم تاخدي بالك من درجة حرارة الشمع عشان ما يحصلش إصابات.
- استخدمي المرايا وانتي بتحطي الشمع وشيليه في عكس اتجاه الشعر.
- رطبي المنطقة كويس بعد إزالة الشعر.
- لو جسمك عنده حساسية من الشمع، ممكن تجربي على دراعك الأول وتستني فترة وتشوفي لو حصل حساسية أو لأ.
أسباب تأخر الولادة بعد الشهر التاسع
إزالة الشعر بالماكينة
- من الطريق السريعة وغير المؤلمة لإزالة الشعر هي بالماكينة (السيلك ابيل) والماكينة بييجي معاها ملحقات مخصوصة للمنطقة الحساسة.
- عشان تتجنبي الحساسية بعد استخدام الماكينة، رطبي المنطقة كويس بإستخدام كريم مناسب.
إزالة الشعر بالسويت (الحلاوة)
- الطريقة دي فعالة جدًا في إزالة الشعر من الجذور وبتشيل الجلد الميت لكنها ممكن تكون مؤلمة شوية عن الطرق السابقة.
- بعد استخدام السويت اغسلي المنطقة كويس ورطبيها بكريم مناسب.
حالات يمنع فيها استخدام حقنة الظهر “الإبيديورال”
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك