مع دخول الصيف، بتحتاجي تنتظمي دايمًا في لبس نضارة الشمس، علشان كده محتاجة تكون نضارة مريحة، مش بس مريحة في تصميمها، لكن كمان في شكلها اللي لايق عليكي، علشان تكوني حاسه بالراحة النفسية كمان، وفي المقال ده هنقولك على إزاي تختاري نضارة شمس حسب شكل وجهك سواء الوجه المربع، الدائري، البيضاوي أو المثلث.
أنواع شكل الوجه
- وجه الشكل المربع.
- وجه الشكل الدائري
- وجه الشكل البيضاوي.
- وجه الشكل المستطيل.
- وجه شكل القلب.
- وجه شكل المثلث.
ولكل شكل وجه من دول، له تصميم نضارة شمس يليق عليه، تعالي نشوف:
-
نظارة الشمس المناسبة للوجه المربع
نضارة شمس حسب شكل وجهك – الوجه المربع
الوش اللي بالشكل المربع، من أهم ملامحه إن الزوايا واضحة فيه، وخصوصًا من عند جانب العين لحد أسف الفك، علشان كده نضارات الشمس المناسبة له، هي النضارات اللي مفيش فيها زوايا قدر الإمكان، سواء كانت دائرية أو بيضاوية، لإنها هتعمل تعادل حلو مع زوايا الوش المربع.
-
نظارة الشمس المناسبة للوجه الدائري
نضارة شمس حسب شكل وجهك – الوجه الدائري
بيتميز الوش المدورأو الوجه الدائري، إن مفيش فيه أي زوايا نهائي، من أسفل الفك لحد الحواجب، علشان كده أنسب نضارة له هي النضارة اللي فيها زوايا واضحة جدًا، ومش لازم تكون النضارة على شكل مستطيل، في أشكال كتير فيها زوايا وموضة.
-
نظارة الشمس المناسبة للوجه البيضاوي
نضارة شمس حسب شكل وجهك – الوجه البيضاوي
الشكل البيضاوي بيشبه في متطلباته الشكل الدائري، لإنه بيشترك معاه في نفس الصفة، إنه معندوش زوايا، بس ميزة الشكل البيضاوي إنك تقدري تشتري نضارة عريضة من الجوانب، لإن المنطقة دي بتكون ضيقة في الوش البيضاوي، وشكل النضارة الأليق بيكي هو كل الأشكال اللي فيها زوايا، ودي نفس القواعد اللي تسري على الوش المستطيل.
-
نظارة الشمس المناسبة للوجه القلب
نظارة الشمس المناسبة للوجه القلب
شكل الوش القلب، مميز جدًا، وبيكون عريض من عند الجبهة ومنطقة العيون، ويبدأ يضيق من عند منتصف الفك لحد الدقن، ومن حسن الحظ، إن الشكل ده بيليق عليه نضارات كتير، ماعدا النضارات اللي على شكل قلب طبعًا، وتقدري تضييفي لمسات على اختيارك زي إن النضارة تكون ملونة ألوان فاتحة، أو عدسات بدون فريم، ودي نفس مواصفات الوش المثلث، بس ضيفي عليها وإنتي بتختاري النضارة حاولي إن مظهرها، مايكثفش عرض الوش قوي على حساب ضيق الدقن عندك.
وطبعًا دي مجرد نصايح ليكي، لكن تقدري تشتري نضارة الشمس اللي تشوفيها مناسبة ليكي أكتر كلون وشكل، وهتكوني جميلة في كل الأحوال.
ممكن كمان تشفي هنا
- أماكن طرح للمحجبات: 40 مكان أونلاين تشتري منهم حجابك
- مايوه شرعي: أكثر من 10 أماكن لشراء البوركيني أون لاين
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
التعليق باستخدام حساب فيس بوك