محتويات المقال
يوم 10 مارس اللي فات، مؤسسة المرأة والذاكرة قررت تبدي اعتراضها على مشروع قانون الأحوال الشخصية المقدم للبرلمان في فبراير اللي فات بطريقة مختلفة شوية، خاصة في النقطة الخاصة بحق الولاية، لإن حق الولاية للنساء على نفسهم وأطفالهم –حسب بيان رسمي من المؤسسة- ضرورة ومطلب أساسي.
المؤسسة أطلقت هاشتاج بعنوان “الولاية حقي” وطلبت من كل الستات اللي اصطدموا بقرارات أو قوانين أو تعليمات تخص الولاية سببت لهم مشاكل إنهم يشاركوا في الهاشتاج بقصص توضح الوضع عامل إزاي والحقيقة إن السيدات شاركوا بمئات القصص الحزينة جدا واللي بينت قد إيه الستات بتعاني في أمور ممكن تكون بديهية لكنها مش متحققة.
وصاية الأم بحكم محكمة
الوصاية للأرملة على أولادها بحكم محكمة
في حالة وفاة الأب الأم بتحتاج حكم من المحكمة يديها حق الوصاية على أولادها، ورقة رسمية مكتوب فيها إنها –الأم- وصية على أبناء المرحوم، ودي ورقة لا يخلوا منها أي تعامل رسمي وبدونها لا يحق للأم التصرف في شؤون أولادها.
مفيش أب بيخطف ابنه
مفيش أب بيخطف ابنه
مفيش أب بيخطف ابنه
اسم الأب بيتكتب في جواز سفر الطفل، بدون ذكر لاسم الأم، لذلك الزوجة ما تقدرش تسافر بابنها دون إذن الزوج، وما دامت الزوجة على ذمة الزوج، ومهما بلغت بينهم المشاكل والقضايا ما تقدرش تمنع الزوج إنه يسافر بالطفل لوحده، وده حرم أمهات كتير من أطفالهم اللي ما يعرفوش ليهم طريق. في المقابل، الأم ممنوعة من اصطحاب طفلها خارج البلاد إلا بموافقة باباه، حتى لو مش بيصرف عليه أو ما شافهوش من فترة كبيرة.
الرحم حق الزوج
الرحم من حق الزوج
لو السيدة حالتها الصحية تستدعي قرار الولادة القيصرية، فالقرار في هذه الحالة بيكون للزوج، وموافقة الزوجة لوحدها مش كفاية، الكلام ده ينطبق على أي إجراء متعلق بالرحم سواء استئصال أو إجهاض أو خلافه.
ما تقدريش تفتحي لنفسك حساب في البنك
الأم لا تستطيع فتح حساب لأولادها
في حالة عدم وجود وظيفة واضحة في البطاقة الشخصية لا تستطيع الفتاة فتح حساب شخصي، كذلك لا تستطيع الأم فتح دفتر توفير لأبنائها إلا في وجود الأب، هو المسؤول عن فتحه وهو المتحكم فيه حتى لو كانت الأم هي اللي هتحط فيه الفلوس من مالها الشخصي.
الولاية التعليمية للأولاد بحكم محكمة
الولاية التعليمية ليست من حق الأم
الأم ما تقدرش تكون ولية على تعليم أولادها في حالة الانفصال عن الزوج إلا بحكم محكمة، ودي حاجة بتاخد إجراءات روتينية جدًا وأحيانًا السنة بتروح على الطفل بسبب الإجراءات القانونية لإن مفيش مدرسة بتقبل طفل والده ووالدته متطلقين إلا بعد الاطلاع على ولاية الأم أو حضور الأب بنفسه.
التعليق باستخدام حساب فيس بوك