محتويات المقال
يحتوي الحوض عند النساء على أعضاء مهمة زي المثانة، الرحم والمهبل، والمستقيم وبيكون كل عضو ثابت في مكانه عن طريق الأنسجة والعضلات القوية اللي بتمنع تحرك أي عضو من الأعضاء دي من مكانه، لكن لو حصل أي تحرك لأي عضو زي المهبل، هنا بتكون مشكلة طبية ومحتاجة علاج فورًا. هنعرف هنا بالتفصيل عن السقوط المهبلي أو كما يقال هبوط الرحم.
إيه هو السقوط المهبلي أو هبوط الرحم؟
سقوط أو نزول أعضاء الحوض الرئيسية (المثانة، الرحم أو المستقيم) من خلال أنسجة المهبل، وده بيحصل لما تضعف الأنسجة والعضلات اللي بتثبت أعضاء الحوض في مكانها الصحيح.
إيه أعراض هبوط الرحم /السقوط المهبلي؟
- الإحساس بثقل وشد في منطقة المهبل أو أسفل الظهر
- الإحساس بكتلة داخل المهبل أو خارجه منه.
- أعراض بولية زي حدوث بطء في جريان البول أو الإحساس بإن المثانة ما اتفرغتش بشكل كامل، دخول الحمام كتير.
- أعراض البراز زي صعوبة التبرز أو الإحساس إن المستقيم لسه ما اتفرغش.
- الإحساس بالألم أو عدم الراحة في العلاقة الزوجية.
كل أسباب النزيف المهبلي أثناء الحمل في مراحله المختلفة
إيه أسباب السقوط المهبلي ؟
السبب الرئيسي هو حصول ضرر أو تلف في الأعصاب أو الأربطة أو العضلات اللي بتقوي الحوض وبتثبت الأعضاء في مكانها وده بيحصل بسبب:
- الحمل والولادة وده بيعتبر أول سبب بيأدي لضعف المهبل و الأنسجة الداعمة له، فالسقوط ده بيحصل لواحدة بين ثلاث نساء ولدوا طبيعي مرة واحدة أو أكتر، وممكن تحصل أثناء الحمل أو بعد الولادة على طول، وممكن يحصل بعد سنين من الولادة.
- التقدم في العمر وسن اليأس عامل مهم في ضعف العضلات والأنسجة.
- الحاجات اللي ممكن تزيد من الضغط في البطن أو الحوض زي زيادة الوزن، السعال المزمن، الإمساك المزمن، رفع الأوزان الثقيلة.
- في مجموعة من الأمراض الوراثية ممكن تسبب السقوط المهلبي زي متلازمة مارفان و متلازمة إهلر دانلوس (Marfan syndrome and Ehlers-Danlos syndrome).
الوقاية من السقوط المهبلي:
- عشان تحافظي على نفسك من حصول حاجة زي دي معاكي جمعنالك أهم طرق الوقاية:
- ممارسة تمارين كيجل بانتظام. ده هيقوي عضلات الحوض عندك، وده مهم بوجه خاص بعد ولادتك.
- عالجي الإمساك وامنعي حصوله، اشربي سوايل كتير ودخلي الأطعمة الغنية بالألياف في أكلك زي: الفاكهة والخضروات والفول والحبوب الكاملة.
- تجنبي رفع الأثقال وارفعي الأحمال بشكل صحيح.
- السيطرة على السعال، حاولي تلاقي علاج للسعال المزمن أو التهاب الشعب الهوائية وامتنعي عن التدخين لو بتدخني.
- تجنبي زيادة الوزن. اتكلمي مع دكتورك عشان تحددي وزنك المثالي وحاولي تخسري وزن لو محتاجة تنزلي وزنك.
وبنفكرك دايمًا تستشيري طبيبك إذا حسيتي بأي أعراض، أو بأي علامات غريبة، مع تمنياتنا ليكي بالصحة والسلامة
المصادر:
التعليق باستخدام حساب فيس بوك