كلنا بنمر بتغييرات كبيرة في المشاعر وخصوصًا في وقت الحمل، بنعدي بفترة نفسية وصحية صعبة وبنبقى عايزين نحس بالدعم والمواساة من الزوج ورحلة الحمل الطويلة بيبقى فيها مناسبات كتير وأهم المناسبات دي هو عيد الحب، في الموضوع ده هنقولكم أفكار هدايا عيد الحب للحوامل 2022 .. ممكن الزوج يستغل المناسبة دي عشان يحسس مراته بالحب وإنه بيدعمها ويعبر عن حبه وتقديره لمراته الحامل بهدية بسيطة..
أفكار هدايا عيد الحب 2022 للحوامل
كوبونات هدايا الـGift Voucher
هدايا عيد الحب 2022 للحوامل – المصدر: Pinterest
أكتر حاجة بتحتاجها الحامل في فترة الحمل هي لبس جديد عشان يناسب التغيرات اللي حصلت لجسمها، عشان كده كوبونات الهدايا يعتبر هدية لطيفة للحامل عشان تقدر تختار بنفسها اللبس اللي يناسبها.
مخدة الجسم للحامل
هدايا الفلانتين 2022 للحوامل – المصدر: ebay
المخدة دي بالرغم من إن ناس كتير بتعتبرها رفاهية ولكنها بتريح الحامل كتير وقت النوم وهتفرح بيها.
جلسات مساج للحامل
هدايا عيد الحب 2022 للحوامل – المصدر: Urban
جسم الحامل بيوجعها ساعات وخصوصًا آلام العظام والظهر، فيه مراكز كتير متخصصة في عمل المساج للحامل باحتياطات كبيرة وممكن تحجز لمراتك جلسات مساج بس فيه ملحوظة مهمة إنه لازم تستشير دكتور النسا عشان ممكن جلسات المساج تسبب مضاعفات لا قدر الله.
جلسات تجميل للجسم والبشرة
هدايا عيد الحب للحامل 2022 – المصدر: Syner-chi wellbeing
الحمل ساعات بيكون ليه تأثير سلبي على بشرة وجسم الحامل وممكن ميبقاش عندها وقت تعتني بنفسها، فهدية جلسات تجميل للجسم والبشرة هترفع من روحها المعنوية كتير.
عصارة فواكه
هدايا الفلانتين 2022 للحوامل – المصدر: Babychick
الحامل دايمًا بتحتاج سوايل زي العصاير الطازة عشان هي بتبقى ممنوعة من المواد الحافظة اللي بتبقى موجودة في العصاير المعلبة، ممكن تهاديها بعصارة فواكه سهلة الاستخدام وسريعة عشان تشجعها على شرب العصاير الصحية المفيدة ليها وللبيبي.
مجموعة العناية للحامل
هدايا الفلانتين 2022 للحوامل – المصدر: Etsy
ممكن تشتري مجموعة كريمات العناية بالحامل زي كريم التمدد “Stretch Marks” وكريم إزالة الكلف في صندوق لطيف مع كارت بعبارات رومانسية.
لانجيري للحامل
هدايا الفلانتين 2022 للحوامل – المصدر: Krista Mason
اعرفي أماكن بيع اللانجيري في القاهرة
لو لبس الأم بيتغير بعد الحمل فأكتر حاجة ههتغير مقاسها هي اللانجيري، ممكن تشتري ليها لانجيري جديد يناسب التغيرات الجديدة اللي بتمر بيها وتستعيد روح الرومانسية للعلاقة الحميمة.
التعليق باستخدام حساب فيس بوك