“فلانتين بأقل التكاليف” 20 فكرة لـ هدايا عيد الحب أقل من 200 جنيه

فلانتين 2022 بأقل التكاليف  .. الفلانتين هو فرصة للتعبير عن الحب بين الزوجين، لأن الحياة طول الوقت بتكون واخداهم، والعملية والسرعة بتكون هي السمة السائدة في أغلب الأيام، علشان كده بتيجي المناسبات اللي زي عيد الزواج وعيد الميلاد والفلانتين وتفكر الزوجين بحبهم لبعض، ومادام قلنا تعبير عن الحب يبقى أكيد لازم هدايا، بس بعض الناس فكرتها عن هدايا عيد الحب إنها لازم تجيب حاجة غالية جدًا، أو تبذل مجهود رهيب عشان تكون الهدية مميزة، بس في المقال ده هنقولك نصايح عامة لاختيار هدية فلانتين بأقل التكاليف لجوزك، و20 فكرة لهدايا عيد الحب أقل من 200 جنيه على قد الميزانية.

 

نصائح عامة قبل ما تجيبي هدية عيد الحب لجوزك 2022:

• فكري في الحاجات اللي ناقصاه أو هو محتاجها، هيتبسط جدًا.
• دوري هو بيحب إيه، مهما كان اللي بيحبه بسيط، هيفرح بيه أكتر من أي حاجة تانية حتى لو غالية.
• خلي الهدية فيها روح، حاجة من روحك تخلي الهدية مميزة مهما كانت بسيطة أو عادية.
• قدمي هدية عيد الحب في وقت مناسب، مش في إزعاج ولا بسرعة ولا وانتو متخانقين.
• ممكن تختاري حاجة مشتركة ليكي وله، زي أطقم البرفانات مثلا.
• أجمل الهدايا اللي رجالة بيحبوها إنهم يعملوا الحاجات الممنوعين منها، زي لعب البلاي ستيشن مثلا، أو الخروج مع أصحابه، أو أي حاجة -مش غلط- هو مش بيعملها عشانك أو عشان الأولاد.
• الأكلة الحلوة عند أغلب الرجالة تسوى 100 هدية، حتى لو كانت كرشة وكوراع، اعملي الأكلة اللي بيحبها حتى لو مش رومانسية، ولو مابتعرفيش تطبخيها خلي حد يطبخهالك أو اطلبيها من مطعم تكوني متأكدة إنه بيعملها كويس.
• لو ما بتعرفيش تعبري عن حبك بالكلام، عبري بالكتابة على كارت شيك.

 

20 فكرة لـ هدايا فلانتين 2022 بأقل التكاليف أقل من 200 جنيه

 

• مج أيكيا:

لو جوزك بيحب المشروبات الساخنة، فأيكيا عنده مجموعة مجات مميزة وأسعارها مناسبة جدًا للميزانية، تقدري تختاري ما بينهم، أو تختاري أكتر من واحد، وده اللينك.

 

هدايا الفلانتين للمدام في عيد الحب

• كوب معزول للمشروبات الساخنة:

وده مفيد جدًا للشغل والمشاوير، وسعره مناسب ومش مبالغ فيه، وتقدري تشوفيه على موقع أيكيا من هنا.

 

 

• منظم مكتب:

لو جوزك بيشتغل شغل مكتبي، فهدية منظم المكتب هتكون مناسبة جدًا، وهيفتكرك كل ما يقعد يشتغل على المكتب، وتقدري تشوفيها على موقع أيكيا من هنا.

 

 

• صانع رغوة الكابتشينو:

وده عشان المزاج العالي، وتقدري تشوفيه على موقع أيكيا من هنا، بس متنسيش تجيبي له بطارية علشان يقدر يستخدمه على طول ويتبسط بيه.

 

• تيشيرت رياضي من ماكس:

لو جوزك بيمارس الرياضة، أو بيحب يلبس الملابس الرياضية فالاختيار ده من ماكس هيكون كويس جدًا، وتقدري تشوفيه على موقع ماكس من اللينك ده.

 

• كبسولات قهوة نسبرسو:

ودي هدية فوق العظمة لأي راجل بيحب القهوة، اختاري النكهة والقوة اللي جوزك بيحبها، وتقدري تشوفي نكهات أكتر من هنا، بس لازم يكون عندك ماكينة قهوة مناسبة للكبسولات دي، ولو معندكيش مش مشكلة، تبقى الكبسولات دي رسالة له إنك محتاجة ماكينة قهوة.

 

7 أفكار هدايا للحوامل في عيد الحب

• بنطلون بيت أحمر كاروهات:

وده لبس البيت الكلاسيكي اللي بالتأكيد جوزك هيتبسط بيه، تقدري تشوفي الألوان والمقاسات من على موقع ماكس.

 

• ماكينة قهوة من سلينترو:

ودي هدية محببة جدًا، ومفيدة وشيك، وده اللينك بتاعها.

 

• قهوة من سلينترو:

ودي تنفع تجيبيها له، وتستخدميها معاه، شوفي الموقع من هنا يا ست الكل

 

• اشتراك في تطبيق الكوتش:

وده أبلكيشن للرياضة والتغذية، كأنه متابع مع مدرب خاص، وتقدري تشوفي التفاصيل من هنا.

 

• محفظة:

صحيح هي هدية تقليدية، بس مش بتبطل، ومفيدة جدًا وتقدري تشتريها من سوق من هنا، أو من أي مكان تاني إنتي تفضليه.

 

• شراب مفتكس:

 

View this post on Instagram

 

A post shared by ???’? ???????® (@tuts.factory)

 

بس على شرط يكون جوزك بيحب الاستايل ده عشان ما تجيبهوش على الفاضي

 

 

 

• مكنسة سيارة:

كل الرجابة بيتنرفزوا من أولادهم لما بياكلوا بسكويت في العربية، أو يوقعوا أي حاجة، وده طبعا بيحصل كتير جدًا، فهدية المكنسة دي ممكن تريح أعصابه شوية.

متوفرة على سوق من هنا

 

• ميدالية بماركة  عربيته:

 

هدية الميدالية ممكن تكون مكررة ومعروفة، بس لما تكون بماركة العربية بتاعته هيحبها منك، شوفي في اللينك ده في أشكال متنوعة وممكن تجيبيها من أي مكان تاني تحبيه.

 

• مزلق حميمي:

أعتقد مفيش حاجة تعبر عن الحب أكتر من كده

 

• مجموعة شوكولاته:

انتشرت دلوقتي محلات كتير لبيع الشوكولاتات والحلويات الفاخرة المستوردة بأسعار كويسة جدًا، تقدري تروحي محل من المحلات دي وتجمعي مجموعة من الشوكولاتات والسناكس اللي جوزك بيحبها.

 

• دبل بيج تيستي:

ده محدش يقول عليه لأ، إلا لو جوزك مش بياكل إلا أكل هيلثي.

https://www.facebook.com/McDonaldsEgypt

 

• دراع بلاي ستيشن:

هيفرح جدًا بيكي، وهتكون إشارة منك إنه موافقة على اللعب مع أصحابه، وده اللينك.

 

• صابون رجالي من باث آند بودي ووركس:

مش الستات بس اللي يحبوا منتجات باث آند بودي ووركس، الرجالة كمان بيحبوها جدًا، تقدري تستغلي العروض وانتي بتشتري حاجة لنفسك وتجيبي حاجة لجوزك، أو تشتري له لوحده من المجموعة الرجالي، وفي اللينك ده صابون للإيد، أكيد هيخليه يواظب على تعقيم وغسيل إيديه كل شوية.

 

• لانش بوكس:

بصرف النظر هتعمليله فيه أكل ولا لا، بس النية موجودة يعني، وده هيبسطه مبدئيًا، شوفي هنا

مع تمنياتنا ليكي بحياة زوجية سعيدة وكلها حب طول أيام السنة.

 

هدايا الفلانتين: احنا نجيب له إيه؟ احنا كفاية عليه

 

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.

 

 

هل عندك تعليق على المقال ده؟ شاركينا هنا

Leave a Comment Cancel Reply

Δ

التعليق باستخدام حساب فيس بوك