ليها أسماء كتير هتسمعيها زي نشويات، كاربوهيدرات، كارب، الكارب، نشويات صحية، للأسف أنظمة صحية كتير بتشيطن النشويات وبتعتبرها العدو الأول والرئيسي للرجيم ومع أي نظام أكل بيحاول تخفيض الوزن أول كلمة بتتقال امنع عيش ورز وسكر، لكن يا ترى هل النشويات مهمة لجسمنا أصلا ولا لأ، وهل منعها هيساعدنا نفقد وزن، والمفروض نمنعها خالص ولا نمنع حاجات معينة منها.
طيب يعني إيه كاربوهيدارت معقده، وهل في كارب صحي أو كارب سريع الامتصاص طيب إيه هو معنى الكارب و هل الشوفان بروتين أم نشويات؟كل المعلومات دي وأكتر هتلاقوها في المقال ده
الكاربوهيدرات
باختصار هي الألياف والنشويات والسكريات، وتعتبر من العناصر الأساسية اللي الجسم بيحولها لجلوكوز واللي بتمنح الجسم الطاقة اللازمة للعمل، عموما الجسم بيحتاج المغذيات الكبيرة وهي الكاربوهيدرات والدهون والبروتينات عشان يفضل بصحة كويسة.
أنواع الكاربوهيدرات
الكاربوهيدرات نوعين، في أنواع كاربوهيدرات معقدة في الفواكه والخضروات ومنتجات الحبوب الكاملة، ودي مش بترفع سكر الدم بشكل كبير مقارنة بالنوع التاني وهو الكاربوهيدرات البسيطة “السكريات”لأن زي ما قولنا في 3 أشكال من الكاربوهيدرات “النشويات والسكريات والألياف” شوفي كمان: السعرات الحرارية في أشهر الأطعمة الصحية
الفرق بين الكاربوهيدرات البسيطة والمعقدة:
التعقيد أو البساطة بيتحكم عليه بسرعةالهضم، يعني الكاربوهيدرات اللي بتتهضم في وقت كبير وبتاخد وقت ومجهود بنقول عليها الكاربوهيدرات معقدة بتحتوي على فيتامينات ومعادن وألياف يحتاجها جسم الإنسان.
الكاربوهيدرات البسيطة بتتهضم بسرعة وبترفع سكر الدم وبالتالي بتسبب زيادة الوزن وبتزود احتمالات الإصابة بالسكر وأمراض القلب وارتفاع الكوليسترول.اقري كمان: بدائل صحية لأشهر الأطعمة غير الصحية
الجسم بيعالج الكاربوهيدرات إزاي؟
الجهاز الهضمي بيحول الكاربوهيدرات لجلوكوز أو سكر في الدم، وبعدها بيمتص مجرى الدم الجلوكوز وبيستخدمه كطاقة لتغذية الجسم، لكن تناول الكاربوهيدرات أكثر لرفع مستويات السكر في الدم واللي بسبب مع الوقت الإصابة بمرض السكر، في المقابل بيعاني بعض الأشخاص من انخفاض نسبة السكر في الدم.
هل النشويات الكاربوهيدرات؟
النشويات عبارة عن الكاربوهيدرات معقدة، وبعض النشويات مش كلها بتوفر فيتامينات ومعادن والجسم بيستغرق وقت أطول في تكسيرها وبالتالي مستويات السكر في الدم بتفضل مستقرة والاحساس بالامتلاء بيستمر لفترة أطول، ومن الكاربوهيدرات النشوية المقصود هنا:
- الفاصوليا بانواعها
- البقوليات
- الحمص
- العدس
- الفواكه زي التفاح والتوت والبطيخ
- منتجات الحبوب الكاملة زي الرز البني ودقيق الشوفان والقمح الكامل
- الخصار زي الذرة والبسلة والبطاطس
إيه هي الألياف؟
الألياف برضو الكاربوهيدرات صحية معقدة الجسم مش بيقدر يكسرها وبتمر من خلال الأمعاس وبتحفز الجسم وتساعده على الهضم، والألياف كمان بتنظم نسبة السكر في الدم وبتخفض الكوليسترول وبتخليك تحس بالشبع لوقت أطول، وعموماالخبراء بيقولوا إن الإنسان المفروض ياخد من 25 لـ 30 جرام ألياف في اليوم وللأسف معظمنا بياخد أقل من نص الكمية دي في اليوم.
إيه الأطعمة الغنية بالألياف؟
- الفاصوليا
- البقوليات
- الفواكة وخاصة اللي قشرتها غنية زي التفاح والخوخ أو البذور زي التوت
- المكسرات
- الحبوب الكاملة زي الرز البني والشوفان والكينوا
- الخضار
- الذرة
- الفول
- البروكلي
- القرع
إيه هي السكريات؟
السكريات نوع من انواع الكاربوهيدرات البسيطة مفيهاش ألياف ولا فيها أي تعقيد، دورها ترفع مستويات السمكر في الدم وبعدها بتنزل بسرعة، باختصار شعور عظيم بالطاقة بعديه شعور شديد بالتعب.عموما في 4 طرق للقضاء على نهم الحلويات والنشويات.
في نوعين من السكريات:
- سكريات طبيعية: زي الموجودة في الحليب والفواكه
- سكريات مضافة زي الموجودة في الحلويات والفواكه المعلبة والصودا
عموما الجسم بيعالج السكريات كلها سواء معقدة أو بسيطة بنفس الطريقة، لكن الفرق إن الأطعمة الصحية بتوفر للجسم مع السكريات الفيتامينات والمعادن والألياف أحيانا، وعشان ماتتخدعيش نحب نقولك إن السكر بيتكتب على الملصقات الغذائية بكذا شكل زي:
- رحيق الصبار
- شراب قصب-شراب ذرة
- سكر العنب-الفركتوز-السكروز
- عسل
- دبس السكر
- سكر
اعرفي: اضرار السكريات للأطفال أقل من سنتين
هل الكاربوهيدرات مضرة للدرجة اللي احنا متخيلينها؟
جينا للسؤال المهم، في الواقع الكاربوهيدرات مهمة لجسمنا، لكن بحدود، والفكرة مش في الكاربوهيدرات نفسها، لكن في نوعيتها، عشان كده، النصيحة الأهم هي الحد من السكر، ده ضروري جدا عشان تفضل كمية السكر في الدن في نطاقاتها الصحية في الدم، والوزن ما يزيدش، يعني نقلل من الأطعمة المكررة واللي بتحتوي على سكر مضاف زي الدقيق والأبيض والحلويات والعصائر والمشروبات المعلقة والمشروبات الغاذية وعموماة الجمعية الأمريكية للقلب ليها توصيات بخصوص السكر بالذات، وهي إنه ما يزيدش عن عن 25 جرام في اليوم يعني 6 معالق صغيرة للسيدات، ومايزديش عن 36 جرام في اليوم يعني 9 معالق صغيرة للرجال.
المصدر:
التعليق باستخدام حساب فيس بوك