محتويات المقال
بعض الأمهات ممكن يقلقوا إن شكل الثدي عندهم أو حجمه ممكن يأثر على الرضاعة الطبيعية، الأمهات اللي عندهم ثدي أصغر بيقلقوا إنهم ممكن ما يقدروش يوفروا كمية حليب مناسبة لطفلهم، واللي عندهم ثدي أكبر بيقلقوا من ناحية الطريقة الأفضل لتلقيم الطفل الثدي.
الخبر الكويس، إن بغض النظر عن حجم أو شكل الثدي، فأكتر الأمهات بيقدروا يرضعوا طبيعي وينتجوا كمية مناسبة من اللبن.
وعشان ما تقلقيش أكتر، في 4 معلومات انت محتاجة تعرفيها عن حجم الثدي والرضاعة الطبيعية:
أولاً: الحمل بيساعد فى تحضير ثديك للرضاعة الطبيعية:
- أثناء الحمل بتلاحظ الأمهات تغيرات فى الثدي والحلمات، بالنسبة لسيدات كتير أول علامة للحمل هى ألم فى الثدي خاصة عند اللمس، دي علامة إيجابية إن هرمونات الحمل بتساعد فى تحضير الثدي للرضاعة الطبيعية.
- بعض الأمهات ممكن يلاحظوا تغييرات زي إن لون الحلمات والهالة الثديية بقى داكن أكتر، وحجم الهالة الثديية بيزيد، وغدد الهالة الثديية كمان، والأوردة على سطح الثدي بتبقى بارزة أكتر.
- أثناء الحمل بتزيد كمان نسبة النسيج اللي بيصنع اللبن داخل الثدي ونسبة النسيج الغدّي بتبقى أكبر من الدهني وكل ده بيساعد على إعداد الثدي للرضاعة الطبيعية.
ثانيًا: حجم الثدي مش هو اللي بيحدد كمية اللبن:
كمية اللبن اللي الأم تقدر توفرها مش مرتبطة بحجم الثدي، لكن بتتوقف على حجم النسيج الغدّي في الثدي، في أمهات عندهم ثدي بحجم أصغر ممكن يدروا لبن أكتر لأن نسبة النسيج الغدي أعلى من الدهني، ونسبة قليلة جدًا من الأمهات مش بيكون عندهم كمية كفاية من النسيج الغدّي.
أهم 5 نصائح للآباء خلال فترة الرضاعة الطبيعية
ثالثًا: حجم الثدي ممكن يعكس السعة التخزينية له:
- حجم الثدي أحيانًا ممكن يبين كمية اللبن اللي الأم ممكن تحتفظ بها بين الرضعات، وده بيتسمى بالسعة التخزينية ودي حاجة بتختلف من أم للتانية، وأحيانًا بين الثديين عند نفس الأم.
- الأمهات اللي عندهم سعة تخزينية بيقدروا ينتجوا كمية لبن كتيرة لأطفالهم بس أطفالهم بيرضعوا بشكل مختلف، يعني ممكن يقعدوا فترات أطول بين الرضعات.
- العكس بيحصل عن الأمهات اللي عندهم سعة تخزينية أقل لأن الثدي بيمتليء بسرعة، فبيحتاجوا إنهم يرضعوا أطفالهم بمعدل أكبر عشان يحافظوا على إدرار اللبن واحتياجات أطفالهم.
رابعًا:
الإرضاع تبعًا للاحتياج مهم، لأن الأطفال بيختلفوا في كمية اللبن اللي بيحتاجوها، وعشان الأمهات لهم سعة تخزينية مختلفة اتأكدي إنك بترضعي طفلك لما يطلب، يعني لما تظهر عليه علامات الجوع، وبكده بتقدري تتأكدي انه بياخد اللبن اللي محتاجه.
تجربتي: أنا ما رضعتش طبيعي .. أنا مش أم وحشة
وبنفكرك إنك لو قابلتي أي مشكلة في الرضاعة الطبيعية، لازم تستشيري الطبيب المختص في أسرع وقت علشان مشكلتك ما تتفاقمش.
دليل أشهر استشاريين الرضاعة الطبيعية في القاهرة
المصادر:
bellybelly.com
التعليق باستخدام حساب فيس بوك