محتويات المقال
” هل ممارسة العلاقة الحميمة بعد الدورة الشهرية مباشرة يسبب حمل؟ ” السؤال دا من أكتر الأسئلة اللي بتسألها الستات خصوصًا لو فيه رغبة لمنع حدوث حمل باستخدام وسائل طبيعية. ومعروف إن كل شهر المبيض بينتج بويضة واحدة بالتبادل مع المبيض الآخر المتواجدين في أسفل البطن. وعلى الرغم من صعوبة حدوث حمل في التوقيت دا، لكنه في نفس الوقت مش مستحيل. وفي العموم، الإجابة على التساؤل دا بينقسم إلى شقين. الشق الأول: بخصوص ست عندها دورة شهرية منتظمة، والتانية عندها اضطرابات في دورتها الشهرية. علشان كده هنشرحلك أكتر عن تأثير الجماع بعد الدورة الشهرية.
ما هو تأثير العلاقة الحميمة بعد الدورة الشهرية؟
في حالة انتظام الدورة الشهرية:
- الطبيعي والمعتاد إنه في حالة انتظام الدورة الشهرية إنها تيجي كل 28 إلى 35 يوم وبتتسمى بالدورة الشهرية الطويلة وفترة التبويض فيها بتستمر ما بين اليوم 12 لحد اليوم 16 من أول يوم الدورة بتبدأ. فإذا استمرت الدورة لمدة تصل لسبع أيام، ممكن يكون التبويض في اليوم العاشر. وفي حالة ممارسة العلاقة الحميمة بعد انتهاء الدورة مباشرة، فلازم تكوني عارفة إن الحيوانات المنوية بتفضل عايشة في قناة فالوب لمدة من ثلاث لخمس أيام. ودا مما يرفع معدل حدوث حمل.
- فيه نوع تاني من الستات الدورة الشهرية عندهم منتظمة لكن قصيرة، بمعنى إنها بتيجي كل 21 إلى 24 يوم وتستمر لمدة سبع أيام. التبويض هنا بيحصل قبل ما تخلص الدورة، ودا بيعرّض الست إنها تحمل في حالة الجماع بعد انتهاء الدورة الشهرية مباشرةً.
شوفي هنا .. التشنج المهبلي إزاي بيأثر على العلاقة الزوجية؟
في حالة عدم انتظام الدورة الشهرية:
أما العلاقة الجنسية بعد الدورة الشهرية بالنسبة للستات اللي دورتها الشهرية غير منتظمة، تحديد أيام التبويض بيحتاج لمجهود أكبر ومتابعة أشد مع دكتور النسا وملاحظتك للتغيرات اللي بتحصل لجسمك زي لزوجة السائل المهبلي وحتى درجة حرارة جسمك خلال الشهر، علشان يكون عنك مقدرة على تمييز في أنهي فترة من الشهر بيحصل عندك التبويض. وده شيء ما تقدريش تحدديه بالتأكيد إلا من المتابعة لمدة من ستة لتمان شهور. وبننصح دايمًا الست اللي دورتها الشهرية غير منتظمة إنها تستخدم وسائل منع حمل دايمًا في حالة رغبتها في عدم الإنجاب.
ممكن تشوفي هنا .. الإفرازات المهبلية أثناء وبعد العلاقة الحميمة
وفي النهاية، الدكاترة بينصحوا أن في حالة ممارسة العلاقة الجنسية بعد الدورة الشهرية سواء دورتك الشهرية منتظمة أو غير منتظمة إنك تاخدي وسائل منع حمل آمنة سواء بعد انتهاء الدورة الشهرية أو خلال أيام التبويض لأن الاعتماد الكلي على تاريخ التبويض المعتاد مجازفة لحدوث الحمل – في حالة رغبتك في عدم حدوثه.
المصادر:
plannedparenthood.org
healthline.com
medicalnewstoday.com
موقع ويب طب
التعليق باستخدام حساب فيس بوك