محتويات المقال
في فصل الصيف وقت كتير بنقضيه عند حمامات السباحة أو على البحر، ولو انتي حامل فأكيد هيكون نفسك تجربي السباحة مع الحمل، بس ناس كتير مش بتكون عارفه هل ده ممكن يسبب خطر على الجنين أو الأم؟ ولا مسموح بيه، علشان كده هنقولك كل حاجة عن سباحة الحامل سواء في البحر أو حمام السباحة:
السباحة للحامل مسموحة ومفيدة، بس في نفس الوقت ليها بعض المحاذير والاحتياطات علشان ما تتسببش في أي مضاعفات لا قدر الله، هنقولك إيه هي فوايد السباحة للحامل، وإيه الحاجات اللي لازم تخلي بالك منها في وقت السباحة وقبلها:
-
فوايد السباحة للحامل
- تسهيل الولادة: لو انتي في الشهور الأخيرة في الحمل، فالسباحة هتساعدك على مرونة عضلاتك وتزود قدرتها على التحمل، وده تحديدًا اللي انتي محتاجاه في الولادة.
- تخفيف تورم القدمين: من الأعراض الشائعة في الحمل تورم القدمين، بسبب احتباس السوائل في أطراف الجسم، وغمر الأطراف في المياه بيرجع السوائل دي تاني للأوعية الدموية اللي بتوصلها للكلى اللي بتتخلص منها بالتبول.
- تخفيف درجة حرارة الجسم: الحامل بتحس بالحرارة أكتر من الناس العادية وبتزيد مع الحمل نشاط الغدد العرقية، فالسبحاة بتساعد جدًا في تقليل درجة حرارة الجسم، وده بيسبب ارتياح كبير للحامل.
- الشعور بالخفة: مع زيادة وزن الحامل وتقل جسمها، السباحة بتفيدها إنها بتحس بالخفة وعدم شعورها بوزنها، وده طبعا هيكون لفترة السباحة بس، لكن أحسن من مفيش.
-
احتياطات سباحة الحامل
- رأي الطبيب المتابع لحملك مهم جدًا، ولازم تستشيريه قبل السباحة مش بعدها.
- لازم تتأكدي إن درجة حرارة حمام السباحة مش أكتر من 32 درجة، لإن درجة الحرارة العالية للمياه ممكن تتسبب في مضاعفات للحامل لا قدر الله.
- ابعدي عن الحركات الحادة والحركات اللي ممكن تتسبب في ضغط على البطن والضهر.
- لازم يكون في حواليكي ناس تساعدك في الطوارئ.
- اشربي مياه كتير قبل وأثناء وبعد السباحة، علشان تتجنبي أي جفاف للجسم.
-
موانع لسباحة الحامل
- لو الطبيب منعك من السباحة.
- لو ظهر عليكي أي عرض من الأعراض دي:
- الشعور بألم حاد في الجسم.
- انقطاع النفس.
- الإصابة بتشنجات رحمية مفاجئة.
- الإصابة بنزيف مهبلي.
- الشعور بالدوار أو حتى الإغماء.
- الشعور بتوقف حركة الجنين.
وبنتمنى لك ولجنينك السلامة والمتعة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
What’s your Reaction?
التعليق باستخدام حساب فيس بوك